ಮುಂಬೈ: ಸಿನಿಮಾ ತಾರೆಯರು ತಮ್ಮ ಸ್ಟೈಲ್, ಸೌಂದರ್ಯ ಮತ್ತು ನಟನೆಯಿಂದ ಲಕ್ಷಾಂತರ ಜನರ ಹೃದಯವನ್ನು ಗೆಲ್ಲುತ್ತಾರೆ. ಅಭಿಮಾನಿಗಳು ಸಹ ತಮ್ಮ ನೆಚ್ಚಿನ ತಾರೆಯರನ್ನು ಅದೆಷ್ಟು ಇಷ್ಟಪಡುತ್ತಾರೆಂದರೆ ಅವರ ಲೈಫ್ಸ್ಟೈಲ್ನಿಂದ ಹಿಡಿದು ಮುಂಬರುವ ಪ್ರಾಜೆಕ್ಟ್ಗಳ ತನಕ ಎಲ್ಲವನ್ನೂ ತಿಳಿದುಕೊಳ್ಳಲು ಇಷ್ಟಪಡುತ್ತಾರೆ. ಅಂದಹಾಗೆ ನಿಮಗೀಗ ಚಿಕ್ಕದೊಂದು ಟೆಸ್ಟ್. ಇಲ್ಲೊಂದು ಫೋಟೋ ಕೊಡಲಾಗಿದೆ. ಅವರನ್ನು ಗುರುತಿಸಬಹುದೇ ನೋಡಿ…
ಈ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದು, ಫೋಟೋ ನೋಡಿದರೆ ನೀವು ಖಂಡಿತವಾಗಿಯೂ ನಟನನ್ನು ಗುರುತಿಸಲು ಸಾಧ್ಯವಾಗುವುದಿಲ್ಲ.
ಈ ಫೋಟೋದಲ್ಲಿರುವ ಮಗು ಬಾಲಿವುಡ್ ಸೂಪರ್ ಸ್ಟಾರ್
ವೈರಲ್ ಫೋಟೋದಲ್ಲಿ ನೀವು ಚಿಕ್ಕ ಮಗುವನ್ನು ನೋಡಬಹುದು. ಮಗು ನೆಲದ ಮೇಲೆ ಮಲಗಿ ಆಡುತ್ತಿರುವುದನ್ನು ಕಾಣಬಹುದು. ಈ ಫೋಟೋವನ್ನು ನೋಡಿ ಗೊಂದಲಕ್ಕೆ ಒಳಗಾಗುವುದು ಸಹಜ. ಎಂಥವರು ಈ ಫೋಟೋವನ್ನು ನೋಡಿದ ನಂತರ ಊಹಿಸಲು ಸಾಧ್ಯವಾಗುವುದಿಲ್ಲ. ಈ ನಟ ಯಾರಿರಬಹುದು ಎಂದು ಆಶ್ಚರ್ಯಪಡಲು ಪ್ರಾರಂಭಿಸುತ್ತೀರಿ. ಆದರೆ ನಾವು ಈ ಫೋಟೋವನ್ನು ಎಚ್ಚರಿಕೆಯಿಂದ ನೋಡಲು ಪ್ರಯತ್ನಿಸಿದಾಗ, ಅದು ಬೇರೆ ಯಾರೂ ಅಲ್ಲ, ಬಾಲಿವುಡ್ನ ಭಾಯಿಜಾನ್, ಸಲ್ಮಾನ್ ಖಾನ್ ಎಂದು ತಿಳಿಯುತ್ತದೆ. ಹೌದು, ಫೋಟೋದಲ್ಲಿ ಕಾಣುತ್ತಿರುವ ಈ ತುಂಟ ಮಗು ಸಲ್ಮಾನ್ ಖಾನ್. ಸಲ್ಮಾನ್ ಅವರ ಈ ಫೋಟೋ ತುಂಬಾ ಹಳೆಯದು. ಅವರು ಹಲವು ವರ್ಷಗಳ ಹಿಂದೆ 2019 ರಲ್ಲಿ ತಮ್ಮ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.
ಸಲ್ಮಾನ್ ಖಾನ್ ಅವರ ಈ ಬಾಲ್ಯದ ಫೋಟೋ ನೋಡಿ ಅಭಿಮಾನಿಗಳು ಸಾಕಷ್ಟು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ, ಅಭಿಮಾನಿಗಳು ಸಲ್ಮಾನ್ ಖಾನ್ ಅವರ ಈ ಮುದ್ದಾದ ಫೋಟೋವನ್ನು ಲೈಕ್ ಮತ್ತು ಹೆಚ್ಚು ಕಮೆಂಟ್ ಮಾಡುವ ಮೂಲಕ ಪ್ರೀತಿಯ ಸುರಿಮಳೆ ಹರಿಸುತ್ತಿದ್ದಾರೆ.
ಸಲ್ಮಾನ್ ಇಂದು ತಮ್ಮ 58 ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ಡಿಸೆಂಬರ್ 27, 1965 ರಂದು ಜನಿಸಿದ ಸಲ್ಮಾನ್ ಖಾನ್ ಅವರು ಅಪಾರ ಅಭಿಮಾನಿಗಳ ಹೃದಯವನ್ನು ಕದ್ದಿದ್ದಾರೆ. ಈ ವಿಶೇಷ ದಿನದಂದು ಅಭಿಮಾನಿಗಳು ಅವರಿಗೆ ಸಾಕಷ್ಟು ಪ್ರೀತಿಯ ಸಂದೇಶ ಕಳುಹಿಸುತ್ತಿದ್ದಾರೆ. ಸಲ್ಮಾನ್ ಅವರ ಕೈಯ್ಯಲ್ಲಿ ಸದ್ಯ ‘ದಿ ಬುಲ್’, ‘ದಬಾಂಗ್ 4’, ‘ಕಿಕ್ 2’ ಮುಂತಾದ ಹಲವು ಚಿತ್ರಗಳಿವೆ.