ಅಹಮದಬಾದ್: ಆರಂಭಿಕ ಬ್ಯಾಟ್ಸ್ಮ್ಯಾನ್ಗಳ ಉತ್ತಮ ಜೊತೆಯಾಟ, ಬೌಲರ್ಗಳ ಬಿಗಿ ದಾಳಿಯ ಪರಿಣಾಮವಾಗಿ ಗುಜರಾತ್ ಟೈಟಾನ್ಸ್ ತಂಡವು ಲಖನೌ ಸೂಪರ್ ಜೈಂಟ್ಸ್ ವಿರುದ್ಧ 56ರನ್ಗಳ ಜಯ ಗಳಿಸಿದೆ.
ಸಹೋದರರ ಸವಾಲ್ ಎಂದೇ ಪರಿಗಣಿಸಲ್ಪಟ್ಟಿದ್ದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಗುಜರಾತ್ 2 ವಿಕೆಟ್ ನಷ್ಟಕ್ಕೆ 20 ಓವರ್ಗಳಲ್ಲಿ 227ರನ್ಗಳನ್ನು ಗಳಿಸಿತ್ತು.
ಸಾಹ-ಗಿಲ್ ಜೊತೆಯಾಟ
ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಗುಜರಾತ್ ತಂಡದ ಪರ ಆರಂಭಿಕರಾದ ವೃದ್ಧಿಮಾನ್ ಸಾಹ(81 ರನ್, 43 ಎಸೆತ, 10 ಬೌಂಡರಿ, 4 ಸಿಕ್ಸರ್), ಶುಭಮಾನ್ ಗಿಲ್(94 ರನ್, 51 ಎಸೆತ, 2 ಬೌಂಡರಿ, 7 ಸಿಕ್ಸರ್) ಮೊದಲ ವಿಕೆಟ್ಗೆ 142ರನ್ಗಳ ಜೊತೆಯಾಟದ ಫಲವಾಗಿ 2 ವಿಕೆಟ್ ನಷ್ಟಕ್ಕೆ 20 ಓವರ್ಗಳಲ್ಲಿ 227 ರನ್ಗಳಿಸಿತ್ತು.
ಲಖನೌ ಪರ ಆವೇಶ್ ಖಾನ್(4-0-34-1), ಮೊಹಸಿನ್ ಖಾನ್(3-0-42-1), ಕೃಣಾಲ್ ಪಾಂಡ್ಯ(4-0-38-0), ಯಶ್ ಠಾಕೂರ್(4-0-48-0), ರವಿ ಬಿಷ್ಣೊಯಿ(2-0-21-0), ಕೈಲ್ ಮೇಯರ್ಸ್(1-0-16-0), ಸ್ವಪ್ನಿಲ್ ಸಿಂಗ್(1-0-7-0), ಮಾಕರ್ಸ್ ಸ್ಟೋಯಿನಿಸ್(1-0-20-0) ರನ್ ನೀಡಿ ವಿಕೆಟ್ ಪಡೆದಿದ್ದಾರೆ.
ಇದನ್ನೂ ಓದಿ: ‘ದಿ ಕೇರಳ ಸ್ಟೋರಿ’ ಚಿತ್ರದ ಕುರಿತು ಟೀಕೆ; ಟ್ವೀಟ್ ಮೂಲಕ ತಿರುಗೇಟು ನೀಡಿದ ನಟಿ
ಮೇಯರ್ಸ್-ಡಿಕಾಕ್ ಹೋರಾಟ ವ್ಯರ್ಥ
228ರನ್ಗಳ ಬೃಹತ್ ಗುರಿ ಬೆನ್ನತ್ತಿದ್ದ ಲಖನೌ ಸೂಪರ್ ಜೈಂಟ್ಸ್ ತಂಡದ ಆರಂಭಿಕರಾದ ಕೈಲ್ ಮೇಯರ್ಸ್(48 ರನ್, 32 ಎಸೆತ, 7 ಬೌಂಡರಿ, 2 ಸಿಕ್ಸರ್), ಕ್ವಿಂಟನ್ ಡಿಕಾಕ್(70 ರನ್, 41 ಎಸೆತ, 7 ಬೌಂಡರಿ, 3 ಸಿಕ್ಸರ್) 8.2 ಓವರ್ಗಳಲ್ಲಿ 88ರನ್ಗಳ ಉತ್ತಮ ಜೊತೆಯಾಟ ಗಳಿಸಿ ಈ ಜೋಡಿ ಬೇರ್ಪಟ್ಟಿತ್ತು.
ಮೇಯರ್ಸ್ ಔಟ್ ಆದ ಬಳಿಕ ಬಂದ ಬ್ಯಾಟ್ಸ್ಮ್ಯಾನ್ಗಳು ಗುಜರಾತ್ ಬೌಲಿಂಗ್ ದಾಳಿಗೆ ನಲುಗಿ ಹೆಚ್ಚು ಹೊತ್ತು ಕ್ರೀಸ್ನಲ್ಲಿ ನಿಲ್ಲದ ಕಾರಣ ಲಖನೌ ಸೂಪರ್ಜೈಂಟ್ಸ್ ತಂಡವು 7 ವಿಕೆಟ್ ನಷ್ಟಕ್ಕೆ 20 ಓವರ್ಗಳಲ್ಲಿ 171 ರನ್ಗಳಿಸಿ 56ರನ್ಗಳ ಸೋಲೊಪ್ಪಿಕೊಂಡಿತ್ತು.
ಗುಜರಾತ್ ಪರ ಮೊಹಮ್ಮದ್ ಶಮಿ(4-0-37-1), ಹಾರ್ದಿಕ್ ಪಾಂಡ್ಯ(3-0-37-0), ರಶೀದ್ ಖಾನ್(4-0-34-1), ನೂರ್ ಅಹಮದ್(4-0-26-1), ಮೋಹಿತ್ ಶರ್ಮಾ(4-0-29-4), ಅಲ್ಜಾರಿ ಜೋಸೆಫ್(1-0-5-0) ರನ್ ನೀಡಿ ವಿಕೆಟ್ ಪಡೆದಿದ್ದಾರೆ.