ಪಣಜಿ: ಗೋವಾದ ಬೀಚ್ನಲ್ಲಿ ಅರೆನಗ್ನ ನೃತ್ಯ ಮಾಡಿದ ಹಿನ್ನೆಲೆಯಲ್ಲಿ ಮಾಡೆಲ್ ಪೂನಂ ಪಾಂಡೆ ವಿರುದ್ಧ ಇತ್ತೀಚೆಗಷ್ಟೇ ದೂರು ದಾಖಲಾಗಿ, ಬಳಿಕ ಜಾಮೀನನ ಮೇಲೆ ಬಿಡುಗಡೆ ಆಗಿದ್ದರು. ಬಳಿಕ ಬೀಚ್ನಲ್ಲಿ ಬೆತ್ತಲೆ ಓಡಾಡಿ ಜನ್ಮದಿನ ಆಚರಿಸಿಕೊಂಡಿದ್ದ ಮಿಲಿಂದ್ ಸೋಮನ್ಗೂ ನೆಟ್ಟಿಗರು ತರಾಟೆ ತೆಗೆದುಕೊಂಡಿದ್ದರು. ಇದೀಗ ಅದರಂತೆ ಮಿಲಿಂದ್ ವಿರುದ್ಧವೂ ದೂರು ದಾಖಲಾಗಿದೆ.
ಇದನ್ನೂಓದಿ: ರಾಜಕೀಯದಿಂದ ದೂರಾದರೆ ಅಪ್ಪ-ಮಗ? ವಿಜಯ್ ಕುಟುಂಬದಲ್ಲಿ ಬಿರುಕು!
ಹೌದು, ಪೂನಂಗೆ ಒಂದು ನ್ಯಾಯ, ಮಿಲಿಂದ್ಗೆ ಬಂದು ನ್ಯಾಯವಾ.. ಮಿಲಿಂದ್ ಮೇಲೂ ಕೇಸ್ ದಾಖಲಿಸಿ ಎಂದು ಸಾಕಷ್ಟು ನೆಟ್ಟಿಗರು ಆಕ್ರೋಶ ವ್ಯಕ್ತಪಡಿಸಿದ್ದರು. ಗೋವಾದ ಸುರಕ್ಷಾ ಮಂಚ್ ಈ ಸಂಬಂಧ ದೂರು ನೀಡಿತ್ತು. ದೂರು ಪರಿಗಣಿಸಿ ಮಿಲಿಂದ್ ಸೋಮನ್ ವಿರುದ್ಧ ಐಪಿಸಿ ಸೆಕ್ಷನ್ 294 ಮತ್ತು 67ರ ಅಡಿಯಲ್ಲಿ ಸಾರ್ವಜನಿಕ ಸ್ಥಳದಲ್ಲಿ ಅಶ್ಲೀಲತೆ ಪ್ರದರ್ಶನ ಮಾಡಿದ್ದಾರೆಂದು ಎಫ್ಐಆರ್ ದಾಖಲಿಸಿದೆ.
ಇದನ್ನೂ ಓದಿ: ‘ಮಮ್ಮಿ’ ಲೋಹಿತ್ ನಿರ್ಮಾಣದ ಚಿತ್ರದಲ್ಲಿ ಡಿಂಪಲ್ ಕ್ವೀನ್ ರಚಿತಾ ನಾಯಕಿ
55ನೇ ಜನ್ಮದಿನದ ಹಿನ್ನೆಲೆಯಲ್ಲಿ ಗೋವಾದ ಬೀಚ್ನಲ್ಲಿ ಬೆತ್ತಲೆಯಾಗಿ ಓಡಾಡಿದ ಫೋಟೋವನ್ನು ಮಿಲಿಂದ್ ಶೇರ್ ಮಾಡಿದ್ದರು. ಆ ಫೋಟೋಕ್ಕೆ ಪತ್ನಿ ಫೋಟೋ ಕ್ರೆಡಿಟ್ ಎಂದೂ ಬರೆದುಕೊಂಡಿದ್ದರು. ಇದೀಗ ಇಬ್ಬರಿಗೂ ಸಂಕಷ್ಟ ಎದುರಾಗಿದೆ. ಮುಜುಗರಕ್ಕೀಡು ಮಾಡುವ ಫೋಟೋ ಶೇರ್ ಮಾಡಿಕೊಂಡು ನೆಟ್ಟಿಗರಿಂದ ಅಪಮಾನಕ್ಕೀಡಾಗುತ್ತಿದ್ದಾರೆ. (ಏಜೆನ್ಸೀಸ್)