ಪಣಜಿ: ಫೆಬ್ರವರಿ 1ರಿಂದ ಗೋವಾದಲ್ಲಿನ ಕ್ಯಾಸಿನೊಗಳಿಗೆ ಸ್ಥಳೀಯರ ಪ್ರವೇಶವನ್ನು ನಿಷೇಧಿಸಲಾಗಿದೆ ಎಂದು ಮುಖ್ಯಮಂತ್ರಿ ಪ್ರಮೋದ್ ಸಾವಂತ್ ತಿಳಿಸಿದ್ದಾರೆ.
ಕ್ಯಾಸಿನೊ ಉದ್ಯಮದ ಕಾಯ್ದೆಗಳನ್ನು ಮರು ಪರಿಶೀಲಿಸಲು ಮತ್ತು ಉದ್ಯಮವನ್ನು ನಿಯಂತ್ರಿಸಲು ರಾಜ್ಯ ಮಾರಾಟ ತೆರಿಗೆ ಆಯುಕ್ತರನ್ನು ನೇಮಿಸಲಾಗುವುದು ಎಂದು ಹೇಳಿದರು.
ಗೇಮಿಂಗ್ ಕಮೀಷನ್ನ್ನು ಆರಂಭಿಸಿ ಅದಕ್ಕೆ ತೆರಿಗೆ ಆಯುಕ್ತರನ್ನು ನೇಮಿಸಲಾಗುವುದು. ಮತ್ತು ಫೆಬ್ರವರಿ 1ರಿಂದ ಸ್ಥಳೀಯರ ಪ್ರವೇಶಕ್ಕೆ ನಿರ್ಬಂಧ ವಿಧಿಸಲಾಗಿದ್ದು, ಪ್ರವಾಸಿಗರಿಗೆ ಮಾತ್ರ ಅವಕಾಶ ಕಲ್ಪಿಸಲಾಗುತ್ತಿದೆ. ಈ ಕ್ರಮವನ್ನು ಸ್ಥಳೀಯರ ಒತ್ತಾಯದ ಮೇರೆಗೆ ಮಾಡಲಾಗಿದೆ ಎಂದು ಮಾಹಿತಿ ನೀಡಿದರು.
ಗೇಮಿಂಗ್ ಕಮೀಷನ್ ಜಾರಿಗೆ ಬಂದ ಮೇಲೆ ಅದಕ್ಕೆ ಕ್ಯಾಸಿನೊ ಉದ್ದಿಮೆಯ ನೀತಿ ಬದಲಾವಣೆಗೆ ಅಧಿಕಾರ ನೀಡಲಾಗುತ್ತದೆ ಮತ್ತು ಅದೇ ಆಯೋಗವು ನಿಯಮಗಳು ಮತ್ತು ನಿಬಂಧನೆಗಳನ್ನು ರೂಪಿಸುತ್ತದೆ ಎಂದು ಸಾವಂತ್ ಹೇಳಿದರು. (ಏಜೆನ್ಸೀಸ್)