ಥಾಣೆ: ಈ ಹುಡುಗಿ, ಆಕೆಯ ಬಾಯ್ಫ್ರೆಂಡ್ನ ಹುಟ್ಟುಹಬ್ಬವನ್ನು ಆಚರಿಸಲು ತನ್ನ ಮನೆಯಿಂದಲೇ ಚಿನ್ನವನ್ನು ಕದ್ದಿದ್ದು ಈಗ ಸಿಕ್ಕಿ ಬಿದ್ದಿದ್ದಾಳೆ. ಈಕೆ ಹಾಗೂ ಈಕೆಯ ಬಾಯ್ಫ್ರೆಂಡ್ನ ಹುಟ್ಟುಹಬ್ಬ ಒಂದೇ ದಿನ ಇದ್ದ ಕಾರಣ ಅದನ್ನು ಸ್ಪೆಷಲ್ ಆಗಿ ಆಚರಿಸಲು ಹೋಗಿ ಈಗ ಕಂಬಿ ಎಣಿಸುತ್ತಿದ್ದಾಳೆ.
ಅಷ್ಟೇ ಅಲ್ಲದೇ, ಈ ಖತರ್ನಾಕ್ ಹುಡುಗಿ, ಬಾಯ್ಫ್ರೆಂಡ್ ಹಾಗೂ ತನ್ನನ್ನು ಪೊಲೀಸರಿಂದ ಕಾಪಾಡಿಕೊಳ್ಳಲು ಆಕೆಯ ಇನ್ನೊಬ್ಬ ಸ್ನೇಹಿತನನ್ನು ಸಿಕ್ಕಿಸಲು ಪ್ರಯತ್ನಿಸಿದ್ದಾಳೆ. ಆ ದುರ್ದೈವಿ ಸ್ನೇಹಿತ ಅಪ್ರಾಪ್ತನಾಗಿದ್ದು ಆತನ ಮೇಲೆ ಬ್ಲಾಕ್ಮೇಲ್ನ ಆರೋಪವನ್ನು ಈಕೆ ಹೊರಿಸಿದ್ದಳು. ಈ ಘಟನೆ ಬಗ್ಗೆ ಥಾಣೆಯ ಅಸಿಸ್ಟೆಂಟ್ ಕಮಿಷನರ್, ನಿಲೇಷ್ ಸೋನಾವಣೆ ಮಾಹಿತಿ ನೀಡಿದ್ದಾರೆ.
ಜನವರಿ 7ರಂದು, ಕಪೂರ್ಬಾವ್ಡಿ ಪೊಲೀಸ್ ಸ್ಟೇಷನ್ಗೆ ತೆರಳಿ, ‘ನನ್ನ ಬಾಯ್ಫ್ರೆಂಡ್ ನನ್ನ ಅಶ್ಲೀಲ ಚಿತ್ರಗಳನ್ನು ಚಿತ್ರಿಸಿ ಬ್ಲಾಕ್ಮೇಲ್ ಮಾಡುತ್ತಿದ್ದಾನೆ. ಇದರಿಂದಾಗಿ ನಾನು ಮನೆಯಿಂದ ಚಿನ್ನವನ್ನು ಕದ್ದು ಆತನಿಗೆ ನೀಡಬೇಕಾಯಿತು’ ಎಂದು ದೂರು ದಾಖಲಿಸಿದ್ದಾಳೆ. ಈ ಹುಡುಗ ಮೊದಲಿಗೆ ಆ ಚಿನ್ನಾಭರಣವನ್ನು ಮಾರಾಟ ಮಾಡಿರುವುದಾಗಿ ಪೊಲೀಸರಿಗೆ ಹೇಳಿದ್ದಾನೆ. ಆದರೆ ತನಿಖೆ ನಡೆಸಿದಾಗ ಆ ರೀತಿಯಾಗಿ ಎಲ್ಲೂ ಚಿನ್ನಾಭರಣದ ಮಾರಾಟ ನಡೆದಿಲ್ಲ ಎಂದು ತಿಳಿದುಬಂದಿದೆ. ಹುಡುಗಿ ಹೇಳಿದ್ದ ಚಿನ್ನದ ಅಂಗಡಿಯ ಸಿಸಿಟಿವಿ ಕ್ಯಾಮರಾದಲ್ಲಿ ದೂರಿಗೆ ಹೋಲಿಕೆ ಆಗುವ ಯಾವ ವಿಡಿಯೋ ಕೂಡ ಕಂಡುಬಂದಿಲ್ಲ.
ಕಡೆಗೆ ಪೊಲೀಸರು, ಈ ಹುಡುಗಿ ಬಚಾವಾಗಲು ಆಕೆಯ ಇನ್ನೊಬ್ಬ ಸ್ನೇಹಿತನಿಗೆ ಚಿನ್ನಾಭರಣ ನೀಡಿ ತನ್ನನ್ನು ಹಾಗೂ ತನ್ನ ಬಾಯ್ಫ್ರೆಂಡ್ ಅನ್ನು ಕಾಪಾಡಲು ಬ್ಲಾಕ್ಮೇಲ್ ಕಥೆಯನ್ನು ಹೆಣೆದಿದ್ದಳು ಎಂದು ಕಂಡುಕೊಂಡರು.
ಈಕೆಯ ಜೊತೆ ಹುಟ್ಟುಹಬ್ಬ ಆಚರಿಸಿಕೊಂಡ ಬಾಯ್ಫ್ರೆಂಡ್ಗೆ ಕೇವಲ 18 ವರ್ಷ ಪ್ರಾಯ. ಈತನ ಒಟ್ಟಿಗೆ ಹುಟ್ಟುಹಬ್ಬ ಆಚರಿಸಿಕೊಳ್ಳಲು ಚಿನ್ನಾಭರಣವನ್ನು ಇಬ್ಬರೂ ಸೇರಿ ಮನ್ಪಡಾ ಪ್ರದೇಶದಲ್ಲಿ ಒಬ್ಬ ವ್ಯಾಪಾರಿಗೆ 53,000 ರೂ.ಗೆ ಮಾರಾಟ ಮಾಡಿದ್ದರು.
ಕಡೆಗೆ ಪೂರ್ತಿ ಕಥೆ ತಿಳಿದುಕೊಂಡ ಪೊಲೀಸರು, ಹುಡುಗಿಯನ್ನು,ಆಕೆಯ ಬಾಯ್ಫ್ರೆಂಡ್ ಹಾಗೂ ಇವರಿಂದ ಕದ್ದ ಮಾಲು ಎಂದು ತಿಳಿದಿದ್ದರೂ ಚಿನ್ನವನ್ನು ಕದ್ದ ವ್ಯಾಪಾರಿಯನ್ನು ಬಂಧಿಸಿದ್ದಾರೆ. ಈ ಘಟನೆದ್ಯಕ್ಕೆ ಐಪಿಸಿ 380ನೇ ಸೆಕ್ಷನ್, 411ನೇ ಸೆಕ್ಷನ್ ಪ್ರಕಾರ ಯುವ ಜೋಡಿ ಹಾಗೂ ವ್ಯಾಪಾರಿಯ ವಿರುದ್ಧ ಪ್ರಕರಣ ದಾಖಲಾಗಿದೆ. (ಏಜೆನ್ಸೀಸ್)