ಬೆಂಗಳೂರು: ಭಾರತದ ಚೊಚ್ಚಲ ಗಗನಯಾನ್ ನಲ್ಲಿ ಭಾಗವಹಿಸುವ ನಾಲ್ವರು ಗಗನಯಾತ್ರಿಗಳು ರಷ್ಯಾದಲ್ಲಿ ತಮ್ಮ ತರಬೇತಿಯನ್ನು ಪೂರ್ಣಗೊಳಿಸಿರುವುದಾಗಿ ರಷ್ಯಾದ ಬಾಹ್ಯಾಕಾಶ ಕೇಂದ್ರ ರಾಸ್ಕಾಸ್ಮೋಸ್ನ ಅಧೀನ ಸಂಸ್ಥೆ ಗ್ಲಾವ್ಕೋಸ್ಮೋಸ್ ಗುರುವಾರ ತಿಳಿಸಿದೆ.
ಎಲ್ಲ ಗಗನಯಾತ್ರಿಗಳೂ ಉತ್ತಮ ಆರೋಗ್ಯಹೊಂದಿದ್ದು, ತರಬೇತಿ ಮುಂದುವರಿಸಲು ಬಯಸಿದ್ದಾರೆ. ಅವರು ಇದುವರೆಗೆ ಅಬ್ನೋರ್ಮಲ್ ಡೀಸೆಂಡ್ ಮೋಡ್ಯೂಲ್ ಲ್ಯಾಂಡಿಂಗ್ ನ ಪರೀಕ್ಷೆಯ ಮೂರು ಹಂತಗಳ ಅಲ್ಪಾವಧಿ ಕೋರ್ಸ್ಗಳನ್ನು ಫೆಬ್ರವರಿ, ಜೂನ್, ಜುಲೈಗಳಲ್ಲಿ ಪೂರ್ಣಗೊಳಿಸಿದ್ದಾರೆ. ಜೂನ್ ತಿಂಗಳಲ್ಲಿ ಅವರು IL-76MDK ಎಂಬ ವಿಶೇಕ್ಷ ಲ್ಯಾಬೊರೇಟರಿ ಏರ್ಕ್ರಾಫ್ಟ್ನಲ್ಲಿ ವೇಟ್ಲೆಸ್ನೆಸ್ ಮೋಡ್ ನ ತರಬೇತಿ ಪಡೆದಿದ್ದಾರೆ. ಇದೇ ರೀತಿ ಪೂರಕ ತರಬೇತಿಗಳನ್ನೂ ಪಡೆಯುತ್ತಿದ್ದಾರೆ ಎಂದು ಗ್ಲಾವ್ಕೋಸ್ಮೋಸ್ ಹೇಳಿದೆ.
ಇದನ್ನೂ ಓದಿ: ಶ್ರೀಲಂಕಾ ಸಂಸತ್ ಚುನಾವಣೆಯಲ್ಲಿ ಮಹಿಂದಾ ರಾಜಪಕ್ಸ ಸರ್ಕಾರಕ್ಕೆ ಭಾರಿ ಗೆಲುವು
ನಾಲ್ವರು ಕೂಡ ಭಾರತೀಯ ವಾಯುಪಡೆಯ ಫೈಟರ್ ಪೈಲಟ್ಗಳಾಗಿದ್ದು ಅವರೆಲ್ಲರೂ ಆರಂಭಿಕ ಯೋಜನೆ ಪ್ರಕಾರ 2022ರಲ್ಲಿ ಉಡಾವಣೆಗೊಳ್ಳಬೇಕಾಗಿರುವ ಗಗನ್ಯಾನ್ ನ ಸಂಭಾವ್ಯ ಗಗನಯಾತ್ರಿಗಳಾಗಿದ್ದಾರೆ. ಕೋವಿಡ್ ಕಾರಣಕ್ಕೆ ಉಡಾವಣೆ ಮುಂದೂಡಲಾಗಿದ್ದು, ಹೊಸ ದಿನಾಂಕ ಇನ್ನೂ ನಿಗದಿಯಾಗಿಲ್ಲ. (ಏಜೆನ್ಸೀಸ್)