ನವದೆಹಲಿ: ಭಾರತದ ನೇತ್ರಾ ಕುಮಾನನ್ ಸೈಲಿಂಗ್ನಲ್ಲಿ ಸತತ 2ನೇ ಬಾರಿಗೆ ಒಲಿಂಪಿಕ್ಸ್ ಅರ್ಹತೆ ಸಂಪಾದಿಸಿದ್ದಾರೆ. ಫ್ರಾನ್ಸ್ನ ಹೇರೆಸ್ನಲ್ಲಿ ನಡೆದ ಒಲಿಂಪಿಕ್ಸ್ ಅರ್ಹತಾ ಕೂಟವಾದ ಲಾಸ್ಟ್ ಚಾನ್ಸ್ ರೆಗಟ್ಟಾದಲ್ಲಿ ನೇತ್ರಾ ಕುಮಾನನ್ 67 ಅಂಕಗಳನ್ನು ಕಲೆಹಾಕಿ 5ನೇ ಸ್ಥಾನ ಪಡೆಯುವ ಮೂಲಕ ಮುಂಬರುವ ಪ್ಯಾರಿಸ್ ಒಲಿಂಪಿಕ್ಸ್ಗೆ ಅರ್ಹತೆ ಪಡೆದರು.
ಅವರು ಕಳೆದ ಟೋಕಿಯೊ ಒಲಿಂಪಿಕ್ಸ್ನಲ್ಲೂ ಸ್ಪರ್ಧಿಸಿದ್ದರು. ಎಮರ್ಜಿಂಗ್ ನೇಷನ್ಸ್ ಪ್ರೋಗ್ರಾಂ ಅನ್ವಯ ಅವರು ಸೈಲಿಂಗ್ನಲ್ಲಿ ಈ ಅರ್ಹತೆ ಸಂಪಾದಿಸಿದರು. ಸೈಲಿಂಗ್ನಲ್ಲಿ ಅಷ್ಟೇನೂ ಉನ್ನತ ಸಾಧನೆ ತೋರದ ದೇಶದ ಸ್ಪರ್ಧಿಗಳಿಗಾಗಿ ವಿಶ್ವ ಸೈಲಿಂಗ್ ಸಂಸ್ಥೆ ಈ ವಿಶೇಷ ಅವಕಾಶವನ್ನು ಕಲ್ಪಿಸಿತ್ತು. ರೊಮೇನಿಯಾ, ಸೈಪ್ರಸ್, ಸ್ಲೊವೇನಿಯಾದ ಸ್ಪರ್ಧಿಗಳು ಕೂಟದಲ್ಲಿ ಒಲಿಂಪಿಕ್ಸ್ ಅರ್ಹತೆ ಸಂಪಾದಿಸಿದರು.
ವಿಶ್ವದ ಅತಿವೇಗದ ಓಟಗಾರ ಉಸೇನ್ ಬೋಲ್ಟ್ ಟಿ20 ವಿಶ್ವಕಪ್ಗೆ ಪ್ರಚಾರ ರಾಯಭಾರಿ