ನವದೆಹಲಿ: ಶನಿವಾರದಂದು ಸತತ ನಾಲ್ಕನೇ ದಿನ ಭಾರತದಲ್ಲಿ ಇಂಧನ ಬೆಲೆಗಳು ಏರಿಕೆಯಾಗಿವೆ. ದೇಶಾದ್ಯಂತ ಆಯಾ ರಾಜ್ಯಗಳ ತೆರಿಗೆಗಳಿಗೆ ತಕ್ಕಂತೆ ಪೆಟ್ರೋಲ್ ಮತ್ತು ಡೀಸಲ್ ಮತ್ತಷ್ಟು ದುಬಾರಿಯಾಗಿವೆ.
ನಿನ್ನೆಯ ಏರಿಕೆಯ ನಂತರ ತಮಿಳುನಾಡಿನ ರಾಜಧಾನಿ ಚೆನ್ನೈ, ಡೀಸಲ್ ಬೆಲೆ ಪ್ರತಿ ಲೀಟರ್ಗೆ 100 ರೂಪಾಯಿಯ ಮಟ್ಟ ದಾಟಿದ ದೇಶದ ಎರಡನೇ ಮೆಟ್ರೋ ನಗರವಾಗಿದೆ. ಇಂದು ಚೆನ್ನೈನಲ್ಲಿ ಡೀಸಲ್ ಬೆಲೆ ಲೀಟರ್ಗೆ 100.24 ರೂ.ಗಳಾಗಿದ್ದರೆ, ಪೆಟ್ರೋಲ್ ಬೆಲೆ 104.22 ರೂಪಾಯಿಯಾಗಿದೆ.
ಇದನ್ನೂ ಓದಿ: ಯಶವಂತಪುರ-ಚಂಡಿಗಢಕ್ಕೆ ರೈಲು ಸಂಚಾರ ಆರಂಭ
ಇಂದು ದೆಹಲಿಯ ಪೆಟ್ರೋಲ್ ಬೆಲೆ 107.24 ರೂಪಾಯಿ ಮತ್ತು ಡೀಸಲ್ ಬೆಲೆ 95.97 ರೂಪಾಯಿಯಷ್ಟಿದೆ. ಕೋಲ್ಕತಾದಲ್ಲಿ ಪೆಟ್ರೋಲ್ 107.78 ರೂ., ಡೀಸಲ್ 99.08 ರೂ. ದರ ತಲುಪಿದೆ. ಮುಂಬೈನಲ್ಲಿ ಪೆಟ್ರೋಲ್ 113.12 ಆಗಿದ್ದು, ಡೀಸಲ್ ಲೀಟರ್ಗೆ 104 ರೂಪಾಯಿಗಳಷ್ಟಿದೆ.
ಕರ್ನಾಟಕದ ರಾಜಧಾನಿ ಬೆಂಗಳೂರಿನಲ್ಲಿ ಪೆಟ್ರೋಲ್ ಬೆಲೆ ನಿನ್ನೆಯ ದಿನ ಲೀಟರ್ಗೆ 110.61 ಇದ್ದದ್ದು, 37 ಪೈಸೆ ಏರಿಕೆಯೊಂದಿಗೆ ಇಂದು 110.98 ರೂಪಾಯಿ ಆಗಿದೆ. ಡೀಸಲ್ ದರ 100 ರೂಪಾಯಿ ಮಟ್ಟ ದಾಟಿದ ಕೆಲವೇ ಮಹಾನಗರಗಳಲ್ಲಿ ಬೆಂಗಳೂರು ಕೂಡ ಒಂದು. ನಗರದ ಇಂದಿನ ಡೀಸಲ್ ಬೆಲೆ ಲೀಟರ್ಗೆ 101.86 ರೂ. ಆಗಿದೆ. (ಏಜೆನ್ಸೀಸ್)
ಪ್ರಕೃತಿ ವಿಕೋಪಕ್ಕೆ ತತ್ತರಿಸಿದ ಉತ್ತರಾಖಂಡ: ಮಾದರಿ ನಿರ್ಧಾರ ತೆಗೆದುಕೊಂಡ ಸಿಎಂ