ಭುವನೇಶ್ವರ: ಒಡಿಶಾ ಸರ್ಕಾರವು ರಾಜ್ಯದ ವಿವಿಧ ಹೈಯರ್ ಸೆಕೆಂಡರಿ ಶಾಲೆಗಳಲ್ಲಿ ವ್ಯಾಸಂಗ ಮಾಡುತ್ತಿರುವ 11 ಮತ್ತು 12ನೇ ತರಗತಿಯ ವಿದ್ಯಾರ್ಥಿಗಳಿಗೆ ನೀಟ್ ಮತ್ತು ಜೆಇಇ ಕೋಚಿಂಗ್ ನೀಡಲು ನಿರ್ಧರಿಸಿದೆ. ಈ ಕುರಿತು ಎಲ್ಲ ಸರ್ಕಾರಿ ಮತ್ತು ಸರ್ಕಾರೇತರ ಅನುದಾನಿತ ಪ್ಲಸ್-2 ಕಾಲೇಜುಗಳ ಪ್ರಾಂಶುಪಾಲರಿಗೆ ಉನ್ನತ ಶಿಕ್ಷಣ ನಿರ್ದೇಶಕ ರುರಾಮ್ ಆರ್. ಅಯ್ಯರ್ ಕಳೆದ ಬುಧವಾರ ಪತ್ರ ಬರೆದಿದ್ದಾರೆ.
ನೀಟ್, ಜೆಇಇ ಆಕಾಂಗಳಿಗೆ ಸರ್ಕಾರಿ ಮತ್ತು ಸರ್ಕಾರೇತರ ಅನುದಾನಿತ ಹೈಯರ್ ಸೆಕೆಂಡರಿ ಶಾಲೆಗಳಲ್ಲಿ ತಮ್ಮ ಸ್ಪರ್ಧಾತ್ಮಕ ಸಾಮರ್ಥ್ಯ ಹೆಚ್ಚಿಸಲು ಪೂರಕ ಆನ್ಲೈನ್ ಕೋಚಿಂಗ್ ನೀಡಲು ನಿರ್ಧರಿಸಲಾಗಿದೆ. ವರ್ಚುವಲ್ ಮೋಡ್ನಲ್ಲಿ ಅಭ್ಯರ್ಥಿಗಳಿಗೆ ತರಬೇತಿ ನೀಡಲಾಗುವುದು. ಆದ್ದರಿಂದ ಇಂಟರ್ಆ್ಯಕ್ಟಿವ್ ಪ್ಯಾನೆಲ್ಗಳು ಅಥವಾ ಸ್ಮಾರ್ಟ್ ಟಿವಿಗಳು ಸೇರಿದಂತೆ ಹೈಯರ್ ಸೆಕೆಂಡರಿ ಶಾಲೆಗಳಲ್ಲಿ ಅಗತ್ಯ ವ್ಯವಸ್ಥೆಗಳನ್ನು ಅಳವಡಿಸಲು ಪ್ರಾಂಶುಪಾಲರಿಗೆ ಸೂಚಿಸಲಾಗಿದೆ.
ಯೋಜನೆ ಮತ್ತು ಸಮನ್ವಯ ಇಲಾಖೆ ಯೋಜನೆಯಡಿ ಹಲವು ಹೈಯರ್ ಸೆಕೆಂಡರಿ ಶಾಲೆಗಳು ಸ್ಮಾರ್ಟ್ ತರಗತಿಗಳ ಅಭಿವೃದ್ಧಿಗೆ ನೆರವು ಪಡೆದಿವೆ. ಅಸ್ತಿತ್ವದಲ್ಲಿರುವ ಹಣಕಾಸು ಇಲಾಖೆಯ ಮಾರ್ಗಸೂಚಿಗಳ ಪ್ರಕಾರ ವಿದ್ಯಾರ್ಥಿ ಶೈಣಿಕ ನಿರ್ವಹಣಾ ವ್ಯವಸ್ಥೆ (ಎಸ್ಎಎಂಎಸ್) ಖಾತೆ ಅಥವಾ ಎಚ್ಎಸ್ಎಸ್ ಅಭಿವೃದ್ಧಿ ನಿಧಿಯಿಂದ ಲಭ್ಯವಿರುವ ಹಣ ಬಳಸಿಕೊಳ್ಳಲು ಸಂಸ್ಥೆಗೆ ಅನುಮತಿಸಲಾಗಿದೆ ಎಂದು ಅವರು ಪತ್ರದಲ್ಲಿ ತಿಳಿಸಿದ್ದಾರೆ.