ನವದೆಹಲಿ: ನೀವು ಬಿಡಿ, ಸಿಗರೇಟು ಸೇದುವಾಗ ಯಾರಾದರೂ ಬಂದು ಬಿಡಿ ಕೇಳಿದರೆ ಸ್ವಲ್ಪ ಹುಷಾರಾಗಿರಿ. ಏಕೆಂದರೆ ಕೆಲವರು ಯಾವ ರೀತಿಯ ಕ್ರೂರತ್ವವನ್ನು ತುಂಬಿಕೊಂಡಿರುತ್ತಾರೆಂದರೆ, ನೀವು ಬಿಡಿ ಕೊಡಲು ನಿರಾಕರಿಸಿದರೆ ನಿಮ್ಮನ್ನು ಕೊಲೆ ಮಾಡಿಯೇ ಸಿಟ್ಟು ತೀರಿಸಿಕೊಳ್ಳುತ್ತಾರೆ. ಅಂತದ್ದೊಂದು ಘಟನೆ ಈಗ ದೆಹಲಿಯ ಶಾಹೀನ್ಬಾಗ್ ಪ್ರದೇಶದಲ್ಲಿ ನಡೆದಿದೆ.
ಇದನ್ನೂ ಓದಿ: ಹೈದರಾಬಾದ್ಗೆ ಮರುನಾಮಕರಣ ಮಾಡಲು ಹೊರಟ ಯೋಗಿ; ಬಿಜೆಪಿ ಗೆದ್ದರೆ ಭಾಗ್ಯನಗರವೆಂದು ಹೆಸರು ಬದಲಾವಣೆ
ಸಿದ್ದಿಖಿ ಹೆಸರಿನ 49 ವರ್ಷದ ವ್ಯಕ್ತಿ ನದೀಪ್ ಹೆಸರಿನ ವ್ಯಕ್ತಿಯ ಮನೆಯಲ್ಲಿ ಕೆಲಸ ಮಾಡುವುದಕ್ಕಿದ್ದ. ಸಿದ್ದಿಖಿ ಮತ್ತು ನದೀಮ್ ನಡುವೆ ಸ್ನೇಹವಿತ್ತು. ಪ್ರತಿದಿನ ಸಂಜೆ ಯಮುನಾ ನದಿ ತೀರದಲ್ಲಿ ಕುಳಿತು ಬೀಡಿ ಸೇದುವುದು ಅವರಿಗೆ ಅಭ್ಯಾಸವಾಗಿಬಿಟ್ಟಿತ್ತು. ಇತ್ತೀಚೆಗೆ ಒಂದು ದಿನ ಸಂಜೆ ಅದೇ ರೀತಿ ಯಮುನಾ ನದಿ ತೀರದಲ್ಲಿ ಕುಳಿತು ಬೀಡಿ ಸೇದುತ್ತಿದ್ದರು.
ಇದನ್ನೂ ಓದಿ: ಲಾಕ್ಡೌನ್ನಲ್ಲಿ ಅತ್ತೆ ಮನೆಯಲ್ಲಿದ್ದ ಅಳಿಯನಿಗೆ ನಾದಿನಿ ಮೇಲೆ ಪ್ರೀತಿ; ತಂಗಿಯೊಡನೆ ಕಾಲ್ಕಿತ್ತ ಪತಿರಾಯ
ಸಿದ್ದಿಖಿ ಬಳಿ ಬಂದ ಮೂವರು ಯುವಕರು, ಆತನ ಬಳಿ ಬೀಡಿ ಕೊಡುವಂತೆ ಕೇಳಿದ್ದಾರೆ. ಆಗ ಆತ ಇಲ್ಲ, ಕೊಡಲಾಗುವುದಿಲ್ಲ ಎಂದು ಉತ್ತರಿಸಿದ್ದಾನೆ. ಸಿಟ್ಟಿಗೆದ್ದ ಯುವಕರು ಅವರಿಬ್ಬರ ಮೇಲೆ ಹಲ್ಲೆ ನಡೆಸಿದ್ದಾರೆ. ಭಯದಿಂದ ಸಿದ್ದಿಖಿ ಮತ್ತು ನದೀಮ್ ಓಡಲಾರಂಭಿಸಿದ್ದಾರೆ. ಆದರೆ ಬೆನ್ನು ಬಿಡದ ಯುವಕರು ಹತ್ತಿರದ ಶಾಪ್ ಒಂದರಲ್ಲಿ ಚಾಕು ಕಿತ್ತುಕೊಂಡು ಬಂದು ಸಿದ್ದಿಖಿಗೆ ಚುಚ್ಚಿದ್ದಾರೆ. ರಕ್ತದಲ್ಲಿ ಬಿದ್ದು ಒದ್ದಾಡಿದ ಸಿದ್ದಿಖಿಯನ್ನು ಕಂಡು ಓಡಿಹೋಗಿದ್ದಾರೆ. ನದೀಮ್ ಸಿದ್ದಿಖಿಯನ್ನು ಮನೆಗೆ ಕರೆದುಕೊಂಡು ಬಂದು ಪ್ರಥಮ ಚಿಕಿತ್ಸೆ ಮಾಡಿದ್ದಾನೆ. ಆತನ ಸ್ಥಿತಿ ಗಂಭೀರವಾದ ಹಿನ್ನೆಲೆಯಲ್ಲಿ ಆಸ್ಪತ್ರೆಗೆ ಕರೆದೊಯ್ದಿದ್ದಾನೆ. ಆದರೆ ಅಸ್ಪತ್ರೆಗೆ ತೆರಳುವುದರೊಳಗೆ ಸಿದ್ದಿಖಿ ಕೊನೆಯುಸಿರೆಳೆದಿದ್ದಾನೆ. ಮೂವರು ಆರೋಪಿಗಳನ್ನು ಮೊಹಮ್ಮದ್ ಫೈಜನ್ (20), ಮೊಹಮ್ಮದ್ ಉಸ್ಮಾನ್ (22) ಮತ್ತು ಜಹೀರ್ ಮನ್ಸೂರಿ (20) ಎಂದು ಗುರುತಿಸಲಾಗಿದೆ. (ಏಜೆನ್ಸೀಸ್)
ಇನ್ನೇನು ಮೃತದೇಹ ಶವಗಾರದಲ್ಲಿಡಬೇಕು ಅಷ್ಟರಲ್ಲಿ ದಿಢೀರನೆ ಎದ್ದು ಕುಳಿತು ಕಣ್ಣೀರಿಟ್ಟ ಸತ್ತ ವ್ಯಕ್ತಿ!