ಬಾಲಿವುಡ್ ಸೂಪರ್ಸ್ಟಾರ್ ಆಮೀರ್ ಖಾನ್ ಸದ್ಯ ಲಾಲ್ಸಿಂಗ್ ಛಡ್ಡಾ ಸಿನಿಮಾದಲ್ಲಿ ಬಿಜಿಯಾಗಿದ್ದಾರೆ. ಅವರ ಕಿರಿ ಸಹೋದರ ಫೈಸಲ್ ಖಾನ್ ಸಿನಿಮಾ ನಿರ್ದೇಶನದಲ್ಲಿ ತೊಡಗಿಸಿಕೊಂಡಿದ್ದಾರೆ. ಇಷ್ಟು ದಿನ ನಟನೆಯಲ್ಲಿ ದಿನಕಳೆದಿದ್ದ ಫೈಸಲ್, ಚೊಚ್ಚಲ ನಿರ್ದೇಶನದ ಫ್ಯಾಕ್ಟರಿ ಸಿನಿಮಾದತ್ತ ಗಮನಹರಿಸಿದ್ದಾರೆ. ಅಚ್ಚರಿ ವಿಚಾರ ಏನೆಂದರೆ, ತಮ್ಮನ ಸಿನಿಮಾ ಯಾವ ಹಂತದಲ್ಲಿದೆ, ಏನು ನಡೆಯುತ್ತಿದೆ, ಹಣಕಾಸಿನ ನೆರವು ಬೇಕಿದೆಯಾ ಹೀಗೆ ಒಂದೇ ಒಂದು ವಿಚಾರವನ್ನೂ ಆಮೀರ್ ಕೇಳಿಲ್ಲವಂತೆ.
ಇದನ್ನೂ ಓದಿ: video/ ನಟಿ ಸಂಜನಾ ಬಂಧನ ಬೆನ್ನಲ್ಲೇ ವಿಡಿಯೋವೊಂದು ವೈರಲ್
ಹೌದು, ಇಲ್ಲಿಯವರೆಗೂ ಅಸಿಸ್ಟಂಟ್ ನಿರ್ದೇಶಕರಾಗಿ ಹಲವು ಸಿನಿಮಾಗಳಿಗೆ ನಿರ್ದೇಶನ ಮಾಡಿರುವ ಫೈಸಲ್, ಇದೀಗ ಫ್ಯಾಕ್ಟರಿ ಸಿನಿಮಾ ನಿರ್ದೇಶನ ಮಾಡಿದ್ದಾರೆ. ಈ ಚಿತ್ರವೂ ಆಮೀರ್ ಖಾನ್ ಫಿಲಂಸ್ ಅಡಿಯಲ್ಲಿಯೇ ನಿರ್ಮಾಣವಾಗಿರಬಹುದೆಂಬ ಸುದ್ದಿ ಎಲ್ಲೆಡೆ ಹರಿದಾಡಿತ್ತು. ಅದಕ್ಕೆ ಫೈಸಲ್ ಈ ರೀತಿ ಉತ್ತರಿಸಿದ್ದಾರೆ.
ಇದನ್ನೂ ಓದಿ: ತೆಲುಗಿನ ಖ್ಯಾತ ನಟ ಜಯಪ್ರಕಾಶ್ ರೆಡ್ಡಿ ನಿಧನ
‘ಆಮೀರ್ ಖಾನ್ ಪ್ರೊಡಕ್ಷನ್ ಬಿಟ್ಟು ಆರು ವರ್ಷಗಳಾದವು. ನಾನು ಅವರ ಪ್ರೊಡಕ್ಷನ್ನಲ್ಲಿ ಯಾವುದೇ ಸಿನಿಮಾ ಮಾಡುತ್ತಿಲ್ಲ. ನಾನೀಗ ನನ್ನ ನಿರ್ದೇಶನದ ಸಿನಿಮಾದಲ್ಲಿ ಬಿಜಿಯಾಗಿದ್ದೇನೆ. ಈ ಸಿನಿಮಾ ಬಗ್ಗೆ ಅಣ್ಣ ನನ್ನ ಬಳಿ ಏನನ್ನೂ ಚರ್ಚೆ ಮಾಡಿಲ್ಲ. ಹಣಕಾಸು ವಿಚಾರದಲ್ಲಿಯೂ ಕೈ ಜೋಡಿಸಿಲ್ಲ ಮತ್ತು ಚಿತ್ರದ ಸ್ಕ್ರಿಪ್ಟ್ ವಿಚಾರದಲ್ಲಿ ಯಾವುದೇ ಕ್ರಿಯೇಟಿವ್ ಐಡಿಯಾಗಳನ್ನು ನೀಡಿಲ್ಲ. ನನ್ನ ಪರಿಸ್ಥಿತಿ ಹೇಗಿದೆ ಅಂತಾನೂ ಕೇಳಿಲ್ಲ’ ಎಂದಿದ್ದಾರೆ. (ಏಜೆನ್ಸೀಸ್)