ನವದೆಹಲಿ: ತಮಿಳುನಾಡಿನ ಮಾಜಿ ಸಿಎಂ ದಿವಂಗತ ಜೆ. ಜಯಲಲಿತಾ ಮತ್ತು ಕೇಂದ್ರ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ರ ಅಪರೂಪದ ಫೋಟೋ ಎಂದು ಹೇಳಿ ಕಪ್ಪು-ಬಿಳುಪಿನ ಚಿತ್ರವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಅದನ್ನು ನಂಬುವ ಮುನ್ನ ಫ್ಯಾಕ್ಟ್ಚೆಕ್ ಏನು ಹೇಳಿದೆ ಒಮ್ಮೆ ನೋಡಿ..
ಅನೇಕ ಫೇಸ್ಬುಕ್ ಬಳಕೆದಾರರು ಫೋಟೋವನ್ನು ಶೇರ್ ಮಾಡಿಕೊಂಡಿದ್ದಾರೆ. ಜಯಲಲಿತಾ ಮತ್ತು ನಮ್ಮ ಪ್ರಸ್ತುತ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ರ ಅಪರೂಪದ ಫೋಟೋ ಎಂದು ಬರೆದು ವೈರಲ್ ಮಾಡಲಾಗಿದೆ.
ಇದನ್ನೂ ಓದಿರಿ: ಪೊಗರಿಗೆ ಸುತ್ತಿಕೊಂಡ ವಿವಾದ!; ಕ್ಷಮೆಯಾಚಿಸಿ ದೃಶ್ಯ ತೆಗೆಯುವುದಾಗಿ ನಂದಕಿಶೋರ್ ಭರವಸೆ
ಈ ಬಗ್ಗೆ ಇಂಡಿಯಾ ಟುಡೆ ಆ್ಯಂಟಿ ಫೇಕ್ನ್ಯೂಸ್ ವಾರ್ ರೂಮ್ ತಂಡ ಫ್ಯಾಕ್ಟ್ಚೆಕ್ ಮೂಲಕ ನಿಜಾಂಶ ತಿಳಿಯುವ ಪ್ರಯತ್ನ ಮಾಡಿದ್ದು, ಫೋಟೋದಲ್ಲಿ ಜಯಲಲಿತಾ ಜತೆ ಇರುವುದು ನಿರ್ಮಲಾ ಸೀತಾರಾಮನ್ ಅಲ್ಲ, ಬದಲಾಗಿ ತಮಿಳಿನ ಸಾಹಿತಿ ಶಿವಶಂಕರಿ ಎಂದು ತಿಳಿದುಬಂದಿದೆ. ಅಂದಹಾಗೆ ಜಯಲಲಿತಾ ಮತ್ತು ಶಿವಶಂಕರಿ ಇಬ್ಬರು ಗುಡ್ ಫ್ರೆಂಡ್ಸ್. ರವಿ ವರ್ಮಾ ಎಂಬ ಫೋಟೋಗ್ರಾಫರ್ ತಮಿಳು ಮ್ಯಾಗಜಿನ್ ಒಂದಕ್ಕೆ ತೆಗೆದ ಫೋಟೋ ಇದಾಗಿದೆ.
ಫೋಟೋವಿನ ಕೆಳಗೆ ಕ್ಲಿಕ್ಡ್ ಬೈ ಸ್ಟಿಲ್ಸ್ ರವಿ ಎಂದು ಬರೆಯಲಾಗಿದೆ. ಸ್ಟಿಲ್ಸ್ ರವಿ ಎಂಬ ಪದದಿಂದ ಗೂಗಲ್ನಲ್ಲಿ ಹುಡುಕಾಡಿದಾಗ ಹಿರಿಯ ಫೋಟೋಗ್ರಾಫರ್ ರವಿ ವರ್ಮಾ. ವಿ ಹೆಸರು ಪತ್ತೆಯಾಯಿತು. ಅವರ ಜಾಲತಾಣ ಖಾತೆಯ ಮೂಲಕ ಸ್ಟಿಲ್ಸ್ ರವಿ ಎಂದೇ ಖ್ಯಾತರಾಗಿದ್ದಾರೆ.
ಕಳೆದ ವರ್ಷವೂ ಇದೇ ಫೋಟೋ ತಪ್ಪು ಸಂದೇಶದೊಂದಿಗೆ ವೈರಲ್ ಆಗಿತ್ತು. ಜಯಲಲಿತಾ ಜತೆ ಇರುವುದು ಸೀತಾರಾಮನ್ ಎಂದು ಹೇಳಲಾಗಿತ್ತು. ಆದರೆ, ರವಿವರ್ಮಾ ಅವರು ತಮ್ಮ ಫೇಸ್ಬುಕ್ ಮೂಲಕ ಸ್ಪಷ್ಟನೆ ನೀಡಿ, ಇದು ನಾನು ತೆಗೆದು ಫೋಟೋ ಆಗಿದೆ. ಜಯಲಲಿತಾ ಜತೆ ಇರುವುದು ಲೇಖಕಿ ಶಿವಶಂಕರಿ ಎಂದು ನೆಟ್ಟಿಗನೊಬ್ಬರ ಕಾಮೆಂಟ್ಗೆ ಉತ್ತರಿಸಿದ್ದರು.
ಇನ್ನು ಫ್ಯಾಕ್ಟ್ಚೆಕ್ ವೈಬ್ಸೈಟ್ ಬೂಮ್ ಲೈವ್ ಸಹ ಫೋಟೋಗ್ರಾಫರ್ ರವಿ ಅವರೊಂದಿಗೆ ಮಾತನಾಡಿ ಮಾಹಿತಿಯನ್ನು ಖಚಿತಪಡಿಸಿಕೊಂಡಿದ್ದಾರೆ. ರವಿ ಪ್ರಕಾರ ತಮಿಳು ಮ್ಯಾಗಜಿನ್ ಒಂದಕ್ಕೆ ತೆಗೆದಂತಹ ಫೋಟೋ ಇದಾಗಿದೆ ಎಂದು ತಿಳಿಸಿದ್ದಾರೆ. ಹೀಗಾಗಿ ವೈರಲ್ ಆಗುತ್ತಿರುವ ಫೋಟೋದಲ್ಲಿ ಜಯಲಲಿತಾ ಜತೆ ಇರುವುದು ನಿರ್ಮಲಾ ಸೀತಾರಾಮನ್ ಅಲ್ಲ ಎಂಬುದು ಫ್ಯಾಕ್ಟ್ಚೆಕ್ ಮೂಲಕ ತಿಳಿಯುತ್ತದೆ. (ಏಜೆನ್ಸೀಸ್)
ಪುರಿ ಜಗನ್ನಾಥ ರೂಪವನ್ನೇ ಹೋಲುವ ಪತಂಗ ಪತ್ತೆ! ಗ್ರಾಮಸ್ಥರ ಮಾತು ಕೇಳಿದ್ರೆ ಬೆರಗಾಗ್ತೀರಾ!
ಪೆಟ್ರೋಲ್ ಬೆಲೆ ಹೆಚ್ಚಳ: ಪ್ರಧಾನಿ ನರೇಂದ್ರ ಮೋದಿಗೆ ಪತ್ರ ಬರೆದ ಸೋನಿಯಾ ಗಾಂಧಿ
ಟೈಫಾಯ್ಡ್ಗೆ ತುತ್ತಾಗಿದ್ದ ಮಗಳಿಗೆ ಭೂತ ಹಿಡಿದಿದೆಯೆಂದು ಆಸ್ಪತ್ರೆಗೆ ದಾಖಲಿಸದ ಅಪ್ಪ! ಕೊನೆಯುಸಿರೆಳೆದ ಮಗಳು