ನವದೆಹಲಿ: ಇಂದು ಅಂತರ್ಜಾಲದಲ್ಲಿ ಅಸಂಖ್ಯಾತ ವಿಡಿಯೋಗಳು, ಫೋಟೋಗಳು ಮತ್ತು ಸುದ್ದಿಗಳು ತುಂಬಿದ್ದು, ಕೆಲವೇ ಕ್ಷಣಗಳಲ್ಲಿ ಸಾವಿರಾರು ಜನರಿಂದ ಶೇರ್ ಆಗುವ ಮೂಲಕ ವೈರಲ್ ಆಗಿ ಬಿಡುತ್ತವೆ. ಅದಕ್ಕೆ ಇತ್ತೀಚಿನ ತಾಜಾ ಉದಾಹರಣೆ ಎಂಬಂತೆ ಯುವತಿಯೊಬ್ಬಳು ಹೊಂಡಾ ಆ್ಯಕ್ಟೀವಾದಲ್ಲಿ ಕೆಟಿಎಂ ಬೈಕ್ ಸವಾರನಿಗೆ ಅಡ್ಡಲಾಗಿ ಬಂದಿದ್ದಲ್ಲದೆ, ಮಧ್ಯದ ಬೆರಳು ತೋರುವ ಮೂಲಕ ಅಸಭ್ಯವಾಗಿ ವರ್ತಿಸಿದ ವಿಡಿಯೋ ಕಳೆದ ವಾರ ವೈರಲ್ ಆಗಿತ್ತು.
ಈ ವಿಡಿಯೋ ಮೀಮ್ಸ್ ಪೇಜ್ಗಳಲ್ಲಿ ಸಾಕಷ್ಟು ಖ್ಯಾತಿ ಪಡೆದಿತ್ತು. ಫೇಸ್ಬುಕ್, ಇನ್ಸ್ಟಾಗ್ರಾಂ ಮತ್ತು ಟ್ವಿಟರ್ನಲ್ಲಿ ಸಿಕ್ಕಾಪಟ್ಟೆ ಶೇರ್ ಆಗಿ ಯುವತಿಯ ವರ್ತನೆ ಬಗ್ಗೆ ಆಕ್ರೋಶದ ಮಾತುಗಳು ಕೇಳಿಬಂದಿತ್ತು.
ಇದನ್ನೂ ಓದಿರಿ: ಮೊದಲಿನಿಂದಲೂ ನನ್ನ ಕಂಡ್ರೆ ಹೆಂಡ್ತಿಗೆ ಆಗಲ್ಲ- ಹೇಗೋ ಎರಡು ಮಕ್ಕಳಾದ್ವು… ಆದರೀಗ….!
ಈ ವಿಡಿಯೋವನ್ನು ಮಾರ್ಚ್ 11ರಂದು ಎಎಂವಿ ಟ್ಯೂಬ್ ಹೆಸರಿನ ಯೂಟ್ಯೂಬ್ ಚಾನಲ್ನಲ್ಲಿ ಮೊದಲು ಅಪ್ಲೋಡ್ ಮಾಡಲಾಗಿದೆ. ವಿಡಿಯೋದಲ್ಲಿ ಯೂಟ್ಯೂಬರ್ ಕೆಟಿಎಂ ಡ್ಯೂಕ್ ಬೈಕ್ ಓಡಿಸುವುದನ್ನು ನೋಡಬಹುದು. ಈ ವೇಳೆ ದಿಢೀರನೇ ಯುವತಿಯೊಬ್ಬಳು ಹೊಂಡಾ ಆ್ಯಕ್ಟೀವಾ ಸವಾರಿ ಮಾಡಿಕೊಂಡು ಮೊಬೈಲ್ನಲ್ಲಿ ಮಾತನಾಡುತ್ತಾ ಅಡ್ಡ ಬರುತ್ತಾಳೆ. ಇನ್ನೇನು ಡಿಕ್ಕಿ ಹೊಡೆಯಬೇಕೆನ್ನುವಷ್ಟರಲ್ಲಿ ತಕ್ಷಣ ಬ್ರೇಕ್ ಹಾಕುವ ಕೆಟಿಎಂ ಬೈಕ್ ಚಾಲಕ ಯುವತಿಯನ್ನು ಪಶ್ನಿಸಿದಾಗ ಆಕೆ ಮಧ್ಯದ ಬೆರಳು ತೋರುತ್ತಾಳೆ. ತಾನು ತಪ್ಪು ಮಾಡಿದ್ದೇನೆಂದು ಅರಿಯದೇ ಕೇಸ್ ದಾಖಲಿಸುವುದಾಗಿ ಬೆದರಿಕೆ ಹಾಕುತ್ತಾಳೆ.
ಇದಾದ ಬಳಿಕ ಇಬ್ಬರ ನಡುವೆ ವಾಗ್ವಾದ ನಡೆದು ಅನೇಕ ಜನರು ಅಲ್ಲಿ ಸೇರುತ್ತಾರೆ. ಕೊನೆಗೆ ಜಗಳ ಶಮನವಾಗುತ್ತದೆ. ಯೂಟ್ಯೂಬರ್ ಅಮೆ ಭೋಸಲೆ ವಿಡಿಯೋವನ್ನು “ಪಾಪಾ ಕಿ ಪ್ಯಾರಿ” ಎಂಬ ಶೀರ್ಷಿಕೆಯೊಂದಿಗೆ ಪೋಸ್ಟ್ ಮಾಡಿ ಇದು ಯಾರ ತಪ್ಪೆಂದು ನೀವೆ ಹೇಳಿ ಎಂದು ಕೇಳುತ್ತಾರೆ. ಇದಾದ ಬಳಿಕ ವಿಡಿಯೋ ವೈರಲ್ ಆಗುತ್ತದೆ.
ಈ ವಿಡಿಯೋ ಅಪ್ಲೋಡ್ ಮಾಡಿದ ನಾಲ್ಕು ದಿನಗಳ ಬಳಿಕ ಅಮೆ ಭೋಸಲೆ ಮತ್ತೊಂದು ವಿಡಿಯೋವನ್ನು ಅಪ್ಲೋಡ್ ಮಾಡುತ್ತಾರೆ. ಅದರಲ್ಲಿ ಪಾಪಾ ಕಿ ಪ್ಯಾರಿ ವಿಡಿಯೋ ನಕಲಿ, ಅದು ಪೂರ್ವ ನಿಯೋಜಿತ ವಿಡಿಯೋ ಮತ್ತು ಅದರಲ್ಲಿರುವ ಯುವತಿಗೆ ನಟಿಸಲು ಹಣ ನೀಡಲಾಗಿದೆ ಎಂದು ಹೇಳಿದ್ದಾರೆ.
ರೇಸಿಂಗ್ ಮತ್ತು ಅತಿ ವೇಗದ ಚಾಲನೆ ಸರಿಯಲ್ಲ ಎಂದು ಜಾಗೃತಿ ಮೂಡಿಸಲು ವಿಡಿಯೋ ಮಾಡಿದ್ದಾಗಿ ಅಮೆ ಭೋಸಲೆ ಅವರು ತಿಳಿಸಿದ್ದಾರೆ. ಅಲ್ಲದೆ, ಮನರಂಜನೆ ಉದ್ದೇಶವು ಇದರಲ್ಲಿದೆ. (ಏಜೆನ್ಸೀಸ್)
ಟ್ರಕ್ ಚಾಲನೆ ವೇಳೆ ಹೆಲ್ಮೆಟ್ ಧರಿಸಿಲ್ಲ ಎಂದು ಹೀಗೆಲ್ಲಾ ಮಾಡೋದಾ? ಬೇಸ್ತು ಬಿದ್ದ ಚಾಲಕ!
VIDEO| ಇದ್ದಕ್ಕಿದ್ದಂತೆ 35 ಕಿ.ಮೀ. ವರೆಗೆ ಹಿಮ್ಮುಖವಾಗಿ ಚಲಿಸಿದ ರೈಲು: ಮಾರ್ಗ ಮಧ್ಯೆ ಚಾಲಕನಿಗೆ ಎದುರಾಗಿದ್ದೇನು?
ಮದ್ವೆ ಮಂಟಪದಲ್ಲಿ ಹೆಲಿಕಾಪ್ಟರ್ನಲ್ಲಿ ಸುರಿಯಿತು ಹಣದ ಮಳೆ: ನೋಟಿಗಾಗಿ ಮುಗಿಬಿದ್ದ ಸಾರ್ವಜನಿಕರು!