ನವದೆಹಲಿ: ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಅವರ ಮೇಲೆ ಮಹಿಳೆಯೊಬ್ಬರು ತ್ಯಾಜ್ಯ ನೀರು ಸುರಿದಿದ್ದಾರೆ ಎನ್ನುವ ಚಿತ್ರ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು.
ಚುನಾವಣೆ ವೇಳೆ ಅವರು ಮತ ಯಾಚಿಸಲು ಗಲ್ಲಿಯೊಂದಕ್ಕೆ ತೆರಳಿದ ವೇಳೆ ಮಹಿಳೆ ಅವರ ಮೇಲೆ ತ್ಯಾಜ್ಯ ನೀರು ಸುರಿದಿದ್ದಾರೆ ಎಂದು ಮಾಹಿತಿ ಹೊಂದಿರುವ ಫೋಟೋ ಹರಿದಾಡುತ್ತಿತ್ತು. ಈ ಪೋಟವನ್ನು ಹಲವು ಫೇಸ್ಬುಕ್ ಬಳಕೆದಾರರು ಮರು ಹಂಚಿಕೆ ಮಾಡಿದ್ದರು. ಆದರೆ ಈ ಫೋಟೋ ನಕಲಿ ಎಂಬುದು ಫ್ಯಾಕ್ಟ್ ಚೆಕ್ನಿಂದ ಪತ್ತೆಯಾಗಿದೆ.
ಇಂಡಿಯಾ ಟುಡೆ ಆ್ಯಂಟಿ ಫೇಕ್ ನ್ಯೂಸ್ ವಾರ್ ರೂಮ್ (ಎಎಫ್‌ಡಬ್ಲ್ಯೂಎ) ಫ್ಯಾಕ್ಟ್ ಚೆಕ್ ನಡೆಸಿ ವೈರಲ್ ಆಗಿರುವ ಚಿತ್ರ ನಕಲಿ ಎಂದು ಸಾಬೀತುಪಡಿಸಿದೆ.
ಆಗಸ್ಟ್ 2017ರಲ್ಲಿ ನಡೆದ ಉಪ ಚುನಾವಣೆ ವೇಳೆ ಕೇಜ್ರಿವಾಲ್ ಪ್ರಚಾರ ನಡೆಸುತ್ತಿದ್ದ ವೇಳೆ ತೆಗೆದ ಚಿತ್ರ ಅದು. ಆ ವೇಳೆಯೂ ಅವರ ಮೇಲೆ ತ್ಯಾಜ್ಯ ನೀರು ಸುರಿದ ಉದಾಹರಣೆ ಇಲ್ಲ. ಆಗಸ್ಟ್ನಲ್ಲಿ ದೆಹಲಿಯಲ್ಲಿ ಬಿಸಿಲು ಅಧಿಕವಾಗಿದ್ದು ಪ್ರಚಾರದ ವೇಳೆ ಬೆವರಿನಿಂದ ಒಟ್ಟೆ ಒದ್ದೆಯಾಗಿದೆ. ಆ ವೇಳೆ ತೆಗೆದ ಚಿತ್ರ ಎಂದು ತಿಳಿದು ಬಂದಿದೆ.
ಫೇಸ್ಬುಕ್ ಬಳಕೆದಾರ ಹಾರ್ದಿಕ್ ಗೋಯಲ್ ಎಂಬುವವರು ಒದ್ದೆ ಬಟ್ಟೆ ಧರಿಸಿದ ಕೇಜ್ರಿವಾಲ್ ಪೋಟೋ ಹಾಕಿ ಹಿಂದಿಯಲ್ಲಿ ಶೀರ್ಷಿಕೆ ಬರೆದು ಅಪ್ಲೋಡ್ ಮಾಡಿದ್ದರು. ಈ ಪೋಟೋವನ್ನು ಹಲವು ಮಂದಿ ಮರು ಹಂಚಿಕೆ ಮಾಡಿದ್ದರು. (ಏಜೆನ್ಸೀಸ್)