ವಾಷಿಂಗ್ಟನ್: ಕರ್ನಾಟಕ, ಭಾರತ, ಪೂರ್ತಿ ವಿಶ್ವವೇ ನಿಮಗೆ ಬೇಸರ ತರಿಸಿಬಿಟ್ಟಿದೆಯೇ? ಹಾಗಾದರೆ ಸದ್ಯದಲ್ಲೇ ನಿಮಗೆ ವಿಶೇಷ ಅವಕಾಶವೊಂದು ಸಿಗಲಿದೆ. ಇನ್ನು ಕೆಲ ವರ್ಷಗಳಲ್ಲಿ ಬಾಹ್ಯಾಕಾಶದಲ್ಲೇ ಹೋಟೆಲ್ ಸಿದ್ಧವಾಗಲಿದ್ದು, ನೀವು ಈ ಭೂಮಿಯನ್ನೇ ಬಿಟ್ಟು ಹೋಗಿರಬಹುದು.
ಡೈಲಿ ಮೇಲ್ ಪತ್ರಿಕೆಯ ವರದಿಯ ಪ್ರಕಾರ ಆರ್ಬಿಟಲ್ ಅಸೆಂಬ್ಲಿ ಹೆಸರಿನ ಸಂಸ್ಥೆ ಇಂತದ್ದೊಂದು ಸಾಹಸಕ್ಕೆ ಕೈ ಹಾಕಲಿದೆ. ಲೋ ಅರ್ಥ್ ಆರ್ಬಿಟ್ನಲ್ಲಿ ಒಂದು ಸ್ಟೇಷನ್ ತಯಾರಿಸಿ ಅದರಲ್ಲಿ ಹೋಟೆಲ್ ನಿರ್ಮಿಸಲಾಗುವುದು. ಆ ಹೋಟೆಲ್ ಸುಮಾರು 400 ಜನರಿಗೆ ವಸತಿ ನೀಡುವ ಸಾಮರ್ಥ್ಯವನ್ನು ಹೊಂದಿರಲಿದೆ. ಬಾರ್, ಸ್ಪಾ ಸೇರಿ ಮಾಮೂಲಿ ಹೋಟೆಲ್ಗಳಲ್ಲಿ ಸಿಗುವ ಪ್ರತಿಯೊಂದು ಸೌಲಭ್ಯವೂ ಅದರಲ್ಲಿರಲಿದೆ. 2025ರಿಂದ ನಿರ್ಮಾಣ ಕಾರ್ಯ ಆರಂಭವಾಗಲಿದ್ದು, 2027ಕ್ಕೆ ಹೋಟೆಲ್ ಸಿದ್ಧವಿರಲಿದೆ ಎಂದು ಸಂಸ್ಥೆ ತಿಳಿಸಿದೆ.
ಈ ಹೋಟೆಲ್ನ ಇನ್ನೊಂದು ವಿಶೇಷ ಏನೆಂದರೆ ಹೋಟೆಲ್ 90 ನಿಮಿಷಗಳಲ್ಲಿ ಪೂರ್ತಿ ಭೂಮಿಯನ್ನೇ ಒಂದು ಸುತ್ತು ಸುತ್ತಿ ಬರಲಿದೆ. ಪ್ರಪಂಚ ಸುತ್ತಬೇಕು ಎನ್ನುವ ಕನಸಿರುವವರಿಗೆ ಈ ಹೊಟೆಲ್ ಒಂದು ವರದಾನ ಆದರೂ ಆಗಬಹುದು. ಆದರೆ ಹೋಟೆಲ್ಗೆ ಹೋಗುವುದು ಹೇಗೆ? ಎಷ್ಟು ಖರ್ಚಾಗಲಿದೆ ಎನ್ನುವ ಮಾಹಿತಿಗಳನ್ನು ಸಂಸ್ಥೆ ಬಿಟ್ಟುಕೊಟ್ಟಿಲ್ಲ. (ಏಜೆನ್ಸೀಸ್)
ಮೋದಿಯನ್ನು ಹೊಗಳಿದ ಗುಲಾಂ ನಬಿ ಆಜಾದ್ ಪ್ರತಿಕೃತಿ ದಹನ ಮಾಡಿದ ಕಾಂಗ್ರೆಸ್ ಕಾರ್ಯಕರ್ತರು!
19ರ ಹರೆಯದ ಯುವತಿಗೆ 1800 ಕೋಟಿ ರೂಪಾಯಿಯ ಲಾಟರಿ! ಆದರೆ ಅದರಲ್ಲೂ ಇದೆ ಬಿಗ್ ಟ್ವಿಸ್ಟ್!