ಲಂಡನ್: ಇತ್ತೀಚಿನ ದಿನಗಳಲ್ಲಿ ಅಧಿಕ ತೂಕ ಹಾಗೂ ಬೊಜ್ಜಿನ ಸಮಸ್ಯೆ ಹೆಚ್ಚು ಕಾಡುತ್ತಿದ್ದು, ವಿಶೇಷವಾಗಿ ಒಂದು ಹಂತದಲ್ಲಿ ಮಹಿಳೆಯರಲ್ಲಿ ಅತಿ ಹೆಚ್ಚು ಕಂಡುಬರುತ್ತಿದೆ. ಈ ನಿಟ್ಟಿನಲ್ಲಿ ಅಧಿಕ ತೂಕ ಹೊಂದುವ ಮಹಿಳೆಯರು ಸ್ವಲ್ಪ ಎಚ್ಚರ ವಹಿಸಬೇಕೆಂದು ಸಂಶೋಧಕರು ಎಚ್ಚರಿಸಿದ್ದಾರೆ.
ಅತಿ ಹೆಚ್ಚು ತೂಕವಿರುವ ಮಹಿಳೆಯರಲ್ಲಿ ಗರ್ಭಾಶಯದ ಕ್ಯಾನ್ಸರ್ಗೆ ಕಾರಣವಾಗಲಿದ್ದು, ಅದನ್ನು ದ್ವಿಗುಣಗೊಳಿಸುತ್ತದೆ ಎಂದು ಹೊಸ ಸಂಶೋಧನೆಯಿಂದ ತಿಳಿದುಬಂದಿದೆ.
ಈ ಬಗ್ಗೆ ಪ್ರತಿಷ್ಟಿತ ಬಯೊಮೆಡ್ (ಬಿಎಂಸಿ) ಸಂಸ್ಥೆ ಎಚ್ಚರಿಸಿದೆ. ಈ ಬಗ್ಗೆ ಬ್ರಿಸ್ಟಲ್ ವಿಶ್ವವಿದ್ಯಾಲಯ ಸಂಶೋಧನೆ ನಡೆಸಿದ್ದು, ಅಧಿಕ ತೂಕದಿಂದ ಶೇ.88 ರಷ್ಟು ಗರ್ಭಾಶಯದ ಕ್ಯಾನ್ಸರ್ಗೆ ಕಾರಣವಾಗಲಿದೆ ಎಂದಿದೆ.
ಈ ಹಿಂದಿನ ಅಧ್ಯಯನಕ್ಕಿಂತ ಇದು ಹೆಚ್ಚು ಪ್ರಾಮುಖ್ಯತೆ ಪಡೆದಿದ್ದು, ಅಧಿಕ ತೂಕ ಮಹಿಳೆಯರಲ್ಲಿ ಅನೇಕ ರೋಗಗಳಿಗೆ ತುತ್ತಾಗುವಂತೆ ಮಾಡಲಿದ್ದು, ವಿಶೇಷವಾಗಿ ಗರ್ಭಾಶಯದ ಮೇಲೆ ಗಂಭೀರ ಪರಿಣಾಮ ಬೀರಲಿದೆ ಎಂದು ಸಂಶೋಧಕರು ತಿಳಿಸಿದ್ದಾರೆ.
ಆಸ್ಟ್ರೇಲಿಯಾ, ಬೆಲ್ಜಿಯಂ, ಜರ್ಮನಿ,ಪೋಲಾಂಡ್,ಸ್ವೀಡನ್ ಮತ್ತು ಇಂಗ್ಲೆಂಡ್ ಹಾಗೂ ಅಮೆರಿಕದ ಒಟ್ಟು 1,20,000 ಮಹಿಳೆಯರನ್ನು ಸಂಶೋಧನೆಯಲ್ಲಿ ತೊಡಗಿಸಿಕೊಳ್ಳಲಾಗಿತ್ತು. ಇದರಲ್ಲಿ ಅತಿ ಹೆಚ್ಚು ತೂಕವಿರುವ 13,000 ಮಹಿಳೆಯರಲ್ಲಿ ಗರ್ಭಾಶಯದ ಕ್ಯಾನ್ಸರ್ ಕಂಡುಬಂದಿದೆ. ಇದು ಮೊದಲ ಅಧ್ಯಯನದಿಂದಲೇ ಪತ್ತೆಯಾಗಿದೆ .
ಬೊಜ್ಜು ಮತ್ತು ಗರ್ಭಾಶಯದ ಕ್ಯಾನ್ಸರ್ಗೆ ಸಂಬಂಧಿಸಬಹುದಾದ 14 ಲಕ್ಷಣಗಳನ್ನು ಪತ್ತೆ ಹಚ್ಚಲಾಗಿದ್ದು, ಫಾಸ್ಟಿಂಗ್ ಇನ್ಸುಲಿನ್ ಮತ್ತು ಟೆಸ್ಟೊಸ್ಟೆರಾನ್ ಎಂಬ ಎರಡು ಹಾರ್ಮೊನ್ಗಳಲ್ಲಾಗುವ ಭಾರೀ ಬದಲಾವಣೆಯಿಂದ ಕ್ಯಾನ್ಸರ್ ಸಂಭವಿಸಲಿದೆ ಎಂದಿದ್ದಾರೆ.
ಬೊಜ್ಜು ಮತ್ತು ಗರ್ಭಾಶಯದ ಕ್ಯಾನ್ಸರ್ಗೆ ಸಂಬಂಧಿಸಬಹುದಾದ 14 ಲಕ್ಷಣಗಳ ಗುರುತುಗಳನ್ನು ಸಂಶೋಧಕರು ನೋಡಿದ್ದಾರೆ. ಅವರು ಎರಡು ಹಾರ್ಮೋನುಗಳನ್ನು ಕಂಡುಹಿಡಿದರು – ಉಪವಾಸ ಇನ್ಸುಲಿನ್ ಮತ್ತು ಟೆಸ್ಟೋಸ್ಟೆರಾನ್ – ಇದು ಗರ್ಭಾಶಯದ ಕ್ಯಾನ್ಸರ್ ರೋಗನಿರ್ಣಯದ ಅಪಾಯವನ್ನು ಹೆಚ್ಚಿಸಿತು.
ಕ್ಯಾನ್ಸರ್ ಅಪಾಯದಲ್ಲಿರುವ ಇಂತಹ ಮಹಿಳೆಯರು ಈ ಎರಡು ಹಾರ್ಮೊನ್ಗಳ ಮಟ್ಟವನ್ನು ಕಡಿಮೆಗೊಳಿಸಲು ಅಥವಾ ಹೆಚ್ಚಿಸಲು ಔಷಧಗಳ ಬಳಕೆ ಮಾಡಬಹುದು ಎಂದು ಹೇಳಿದ್ದಾರೆ.
ಉದಾಹರಣೆಯಾಗಿ, ಮಧುಮೇಹ ಚಿಕಿತ್ಸೆಯಲ್ಲಿ ಬಳಸಲಾಗುವ ಮೆಟ್ಫಾರ್ನಿನ್ನಂತಹ ಔಷಧಿಗಳು ಹಾರ್ಮೋನುಗಳ ಮಟ್ಟವನ್ನು ಕಡಿಮೆ ಮಾಡುತ್ತದೆ. ಆದರೆ ಈ ಔಷಧವು ಕೂಡ ಕ್ಯಾನ್ಸರ್ ಅಪಾಯದ ಮೇಲೆ ಪರಿಣಾಮ ಬೀರಲಿದೆ ಎಂದು ಹೊಸ ಅಧ್ಯಯನ ತಿಳಿಸಿದೆ.
ಗರ್ಭಾಶಯದ ಕ್ಯಾನ್ಸರ್ ಬರಲು ಮುಖ್ಯ ಕಾರಣ ಸ್ಥೂಲಕಾಯ. ಇಂಗ್ಲೆಂಡ್ನಲ್ಲಿ ಇತ್ತೀಚಿನ ದಿನಗಳಲ್ಲಿ ಇದು ಸಾಮಾನ್ಯವಾಗುತ್ತಿದ್ದು, 36 ಮಹಿಳೆಯರ ಪೈಕಿ ಓರ್ವ ಮಹಿಳೆ ಗರ್ಭಾಶಯದ ಕ್ಯಾನ್ಸರ್ನಿಂದ ಬಳಲುತ್ತಿದ್ದಾರೆ ಎಂದು ಅಧ್ಯಯನದಿಂದ ತಿಳಿದುಬಂದಿದೆ.
ಮುಂದೆಯೂ ನೀವೇ ಸಿಎಂ ಆಗಿಬಿಡಿ ಹೀಗೆಂದು ಶಾಸಕ ಯತ್ನಾಳ್ ಅಂದಿದ್ದು ಯಾರಿಗೆ?