ನೋಯ್ಡಾ: ಫೇಸ್ ಬ್ಲೆಂಡರ್ ಆ್ಯಪ್ಗಳನ್ನು ಬಳಸಿಕೊಂಡು ಬೇರೆಯವರ ಹೆಸರಿನಲ್ಲಿ ಪರೀಕ್ಷೆ ಬರೆದು, ಸರ್ಕಾರಿ ಕೆಲಸ ಕೊಡಿಸುತ್ತಿದ್ದ ಕದೀಮರ ಗ್ಯಾಂಗ್ ಒಂದು ಇದೀಗ ಪೊಲೀಸ್ ಬಲೆಗೆ ಸಿಕ್ಕಿಬಿದ್ದಿದೆ. ಈ ಗ್ಯಾಂಗ್ನಲ್ಲಿ ಸರ್ಕಾರಿ ಅಧಿಕಾರಿಗಳೂ ಸೇರಿದ್ದು, ಇವರು ಸುಮಾರು 100ಕ್ಕೂ ಹೆಚ್ಚು ಜನರಿಗೆ ಸರ್ಕಾರಿ ಕೆಲಸ ಸಿಗಲು ಕಾರಣೀಕರ್ತರಾಗಿದ್ದರು ಎನ್ನಲಾಗಿದೆ.
ಇದನ್ನೂ ಓದಿ: VIDEO | ಮೈ ನಡುಕ ಹುಟ್ಟಿಸುವಂಥ ಅಪಘಾತದ ದೃಶ್ಯ ಸೆರೆಯಾಯಿತು ಸಿಸಿಟಿವಿ ಕ್ಯಾಮೆರಾದಲ್ಲಿ..
ಫೇಸ್ ಬ್ಲಂಡರ್ ಆ್ಯಪ್ಗಳನ್ನು ಬಳಸಿಕೊಂಡು ನಿಜವಾದ ಅಭ್ಯರ್ಥಿ ಮತ್ತು ಪರೀಕ್ಷೆ ಬರೆಯಲಿರುವ ಗ್ಯಾಂಗಿನ ಅಭ್ಯರ್ಥಿಯ ಫೋಟೋವನ್ನು ಬ್ಲಂಡ್ ಮಾಡಲಾಗುತ್ತಿತ್ತು. ಆ ಫೋಟೋ ನೋಡಿದವರಿಗೆ ಯಾವುದೇ ಅನುಮಾನ ಬಾರದ ರೀತಿಯಲ್ಲಿ ಎಡಿಟಿಂಗ್ ಮಾಡಲಾಗುತ್ತಿತ್ತು. ನಂತರ ನಿಜವಾದ ಅಭ್ಯರ್ಥಿಯ ಬದಲು ಗ್ಯಾಂಗ್ನ ಸದಸ್ಯ ಪರೀಕ್ಷೆ ಬರೆಯುತ್ತಿದ್ದ. ಹಲವಾರು ಪರೀಕ್ಷೆಗಳನ್ನು ಬರೆದಿದ್ದ ಮತ್ತು ಸಾರ್ವಜನಿಕ ವಲಯದಲ್ಲಿ ಕೆಲಸ ಮಾಡುವವರು ಅವರಾದ್ದರಿಂದ ಪರೀಕ್ಷೆಯನ್ನು ಪಾಸ್ ಮಾಡುತ್ತಿದ್ದರು. ಪರೀಕ್ಷೆಯ ಆಧಾರದ ಮೇರೆಗೆ ಒಬ್ಬ ಅಭ್ಯರ್ಥಿಗೆ 10 ಲಕ್ಷ ರೂಪಾಯಿಯಿಂದ 35 ಲಕ್ಷ ರೂಪಾಯಿವರೆಗೆ ಚಾರ್ಜ್ ಮಾಡಲಾಗುತ್ತಿತ್ತು. ಕಳೆದ ಮೂರು ವರ್ಷಗಳಲ್ಲಿ ದೆಹಲಿ ಮತ್ತು ಹರಿಯಾಣದಲ್ಲಿ ಅನೇಕರಿಗೆ ಪೊಲೀಸ್ ಕೆಲಸ ಸಿಗಲು ಇವರು ನೆರವಾಗಿದ್ದರು ಎನ್ನಲಾಗಿದೆ.
ಇದನ್ನೂ ಓದಿ: ಮನೆ ಎದುರು ರಸ್ತೆ ಬದಿಗೆ ಪಾರ್ಕಿಂಗ್ ಮಾಡೋ ಹಾಗಿಲ್ವಾ.. : ಬಿಡಿಎ ಸಭೆಯಲ್ಲಿ ಏನಾಯ್ತು ತೀರ್ಮಾನ?
ಈ ವಿಚಾರವಾಗಿ ಅನುಮಾನ ಬಂದ ಹಿನ್ನೆಲೆಯಲ್ಲಿ ಮೊದಲಿಗೆ ಅರ್ಪಿತ್, ದಿನೇಶ್ ಮತ್ತು ಅಮನ್ ಹೆಸರಿನ ಮೂವರನ್ನು ನೋಯ್ಡಾ ಪೊಲೀಸರು ಬಂಧಿಸಿದ್ದಾರೆ. ಅವರ ಹೇಳಿಕೆಯ ಆಧಾರದ ಮೇಲೆ ದಿನೇಶ್ ಪ್ರಜಾಪತಿ, ರವೀಂದ್ರ ಕುಮಾರ್, ಮನ್ಜೀತ್ ಸಿಂಗ್ ಮತ್ತು ಇತರೆ ನಾಲ್ವರನ್ನು ಬಂಧಿಸಲಾಗಿದೆ. ಇದರಲ್ಲಿ ಇಬ್ಬರು ದೆಹಲಿ ಪೊಲೀಸ್ ಪೇದೆಯಾಗಿ ಕೆಲಸ ಮಾಡುತ್ತಿದ್ದು ಇನ್ನೋರ್ವ ರಕ್ಷಣಾ ಸಚಿವಾಲಯದ ಪರೀಕ್ಷೆಯಲ್ಲಿ ಆಯ್ಕೆಯಾಗಿದ್ದು, ಕೆಲ ದಿನಗಳಲ್ಲಿ ಸಚಿವಾಲಯದ ಕೆಲಸಕ್ಕೆ ಸೇರುವವನಿದ್ದ. ಇನ್ನೋರ್ವ ಆರೋಪಿಯು ನೋಯ್ಡಾದ ಪರೀಕ್ಷಾ ಕೇಂದ್ರವೊಂದರ ಮಾಲೀಕನಾಗಿದ್ದ ಎನ್ನುವ ವಿಚಾರ ತನಿಖೆಯಿಂದ ತಿಳಿದುಬಂದಿದೆ. (ಏಜೆನ್ಸೀಸ್)
ಮಗನಿಗೆ ನೋವಾಗಬಾರದೆಂದು ಕೊಂದೇ ಬಿಟ್ಟ! ಮಗನ ಶವದ ಜತೆಯೇ ರಾತ್ರಿ ಮಲಗಿದ