ಪಾರಿವಾಳಗಳಲ್ಲಿ ಇಪ್ಪತ್ತೆಂಟು ಉಪಜಾತಿಗಳಿವೆ. ಇವುಗಳ ಒಂದೊಂದು ಗುಂಪಿನಲ್ಲಿ ಸಾವಿರಾರು ಪಾರಿವಾಳಗಳಿರುತ್ತವೆ, ಅವುಗಳಲ್ಲಿ ಗಂಡು ಹೆಣ್ಣು ಸಮನಾಗಿರುತ್ತವೆ. ಒಂದು ಸಂಸಾರದಲ್ಲಿ ಜೀವನ ಪರ್ಯಂತ ಒಂದೇ ಗಂಡ ಒಂದೇ ಹೆಂಡತಿ. ಆ ಗುಂಪಿನಲ್ಲಿ ಯಾರು ಯಾರ ಗಂಡ ಯಾರ ಹೆಂಡತಿ ಎನ್ನುವುದನ್ನು ವಾಸನೆಯ ಮೂಲಕ ತಿಳಿದುಕೊಳ್ಳುತ್ತವೆ. ಹುಟ್ಟಿದ ಮರಿ ಏಳು ತಿಂಗಳಿಗೆ ಗರ್ಭಿಣಿಯಾಗುತ್ತದೆ, ಸಂತಾನಕ್ರಿಯೆಯಾಗಿ 12 ದಿವಸಕ್ಕೆ ಎರಡು ಮೊಟ್ಟೆ ಇಡುತ್ತದೆ. ಆ ಮೊಟ್ಟೆಗಳು 18 ದಿವಸದೊಳಗೆ ಮರಿಯಾಗುತ್ತವೆ. ತಂದೆ-ತಾಯಿ ಪಾರಿವಾಳಗಳು ಜೋಪಾನವಾಗಿ ಮರಿಯನ್ನು ಸಾಕುತ್ತವೆ. ಹಗಲಿನಲ್ಲಿ ತಂದೆ ರಾತ್ರಿಯಲ್ಲಿ ತಾಯಿ ಆ ಮೊಟ್ಟೆಗೆ ಕಾವು ಕೊಡುತ್ತವೆ. ಇವುಗಳಲ್ಲಿ ಇನ್ನೊಂದು ವಿಶೇಷತೆಯಿದೆ, ಇವುಗಳು ಮರಿಗಳಿಗೆ ಹಾಲು ಕೊಡುತ್ತವೆ. ತಂದೆಗೂ ಕೂಡ ಹಾಲು ಬರುತ್ತದೆ. ಆದರೆ ಸ್ತನಿ ರೀತಿ ಮೊಲೆಯ ತೊಟ್ಟು ಇಲ್ಲ. ಬಾಯಿಯಿಂದ ಹಾಲು ಕೊಡುತ್ತವೆ. ತಂದೆ ತಾಯಂದಿರು ಬಹಳ ಎಚ್ಚರಿಕೆಯಿಂದ ಸಾಕುತ್ತವೆ ಮತ್ತು ಮರಿಗಳು ಸ್ವಲ್ಪ ದೊಡ್ಡದಾಗುವವರೆಗೂ ಗೂಡಿನಿಂದ ಹೊರಗೆ ಬರಲು ಬಿಡುವುದಿಲ್ಲ. ಆದ್ದರಿಂದ, ಹೆಚ್ಚಿನ ಪಕ್ಷ ಪಾರಿವಾಳ ಮರಿಗಳು ಸಾಯುವುದಿಲ್ಲ. ಒಂದು ಜೋಡಿ ಪಾರಿವಾಳ ಒಂದು ವರ್ಷಕ್ಕೆ ಅಂದಾಜು ಹದಿನಾರರಿಂದ ಹದಿನೆಂಟು ಪಾರಿವಾಳಗಳಿಗೆ ಜನ್ಮಕೊಡುತ್ತವೆ. ಇದೇ ರೀತಿ ಅಂದಾಜು ನಾಲ್ಕೈದು ವರ್ಷ ಅವುಗಳ ಸಂಸಾರ ಬೆಳೆದು, ಒಂದೇ ಸ್ಥಳದಲ್ಲಿ ಇವುಗಳ ಸಂಖ್ಯೆ ಅತಿ ವೇಗವಾಗಿ ಬೆಳೆಯುತ್ತದೆ. ಆದ್ದರಿಂದ ಒಂದೇ ಸ್ಥಳದಲ್ಲಿ ಹತ್ತು ಸಾವಿರ ಪಾರಿವಾಳಗಳಿದ್ದರೆ ಮುಂದೆ ಅವುಗಳ ಸಂಖ್ಯೆ ಎಷ್ಟಾಗಬಹುದು? ಎಂದು ಯೋಚನೆ ಮಾಡಬೇಕು.
ಪಕ್ಷಿಗಳು ಮಲ – ಮೂತ್ರವನ್ನು ಬೇರೆ ಬೇರೆ ವಿಸರ್ಜನೆ ಮಾಡುವುದಿಲ್ಲ. ಮಲ ಮತ್ತು ಮೂತ್ರ ಮಿಶ್ರಣವಾಗಿ, ತಿಳಿಯಾದ ಮಲವಿಸರ್ಜನೆ ಸಸ್ಯಗಳ ಎಲೆಗಳಲ್ಲಿ, ಕಟ್ಟಡಗಳ ಗೋಡೆಗಳಲ್ಲಿ ಅಂಟಿಕೊಂಡು ನಂತರ ಅದು ಒಣಗಿ ಪುಡಿಯಾಗಿ ಗಾಳಿಯಲ್ಲಿ ಸೇರುತ್ತದೆ. ಪಾರಿವಾಳಗಳ ಮಲದಲ್ಲಿ ಇಪ್ಪತ್ತೈದಕ್ಕೂ ಹೆಚ್ಚು ಪರವಾಲಂಬಿ ರೋಗಕಾರಕ (ಪ್ಯಾಥೋಜನಿಕ್) ಬ್ಯಾಕ್ಟೀರಿಯ, ವೈರಸ್, ಫಂಗಸ್ ಮತ್ತು ಯೀಸ್ಟ್ನಂತಹ ಸೂಕ್ಷ್ಮಜೀವಿಗಳಿರುತ್ತವೆ, ಅವುಗಳು ಕಣ್ಣಿಗೆ ಕಾಣಿಸುವುದಿಲ್ಲ, ಆದ್ದರಿಂದ ಅದು ಯಾರಿಗೂ ಗೊತ್ತಾಗುವುದಿಲ್ಲ.
ಆಹಾ ಎಷ್ಟು ರುಚಿಯಾಗಿದೆ ಎಂದು ಬಾಯಿ ಚಪ್ಪರಿಸಿಕೊಂಡು ತಿನ್ನುವವರು ಇಲ್ಲಿ ನೋಡಿ.. ಇದು ಎಂಜಲು ರೊಟ್ಟಿ..!