ಉದಯಪುರ್: ನಿಶ್ಚಿತಾರ್ಥ ಮಾಡಿಕೊಂಡ ಬಳಿಕವೂ ಬೇರೆ ಹೆಣ್ಣಿನ ಜತೆ ತನ್ನ ಭಾವಿ ಪತಿ ಹೋಗುತ್ತಿರುವುದನ್ನು ನೋಡಿದ ಯುವತಿ ಇಬ್ಬರನ್ನು ಹಿಡಿದು ನಡುರಸ್ತೆಯಲ್ಲೇ ಥಳಿಸಿರುವ ಘಟನೆ ರಾಜಸ್ಥಾನ ಉದಯಪುರ್ ಜಿಲ್ಲೆಯಲ್ಲಿ ಗುರುವಾರ ನಡೆದಿದೆ.
ಜಿಲ್ಲೆಯ ರಿಷಭ್ದೇವ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದ್ದು, ಈ ಸಂಬಂಧ ವಿಡಿಯೋವೊಂದು ಸಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಕೆಲ ದಿನಗಳ ಹಿಂದೆ ಯುವತಿಗೆ ನಿಶ್ಚಿತಾರ್ಥವಾಗಿತ್ತು. ಇದಾದ ಬೆನ್ನಲ್ಲೇ ತನ್ನ ಬಾವಿ ಪತಿಗೆ ಮತ್ತೊಂದು ಹೆಣ್ಣಿನ ಜತೆ ಸಂಬಂಧ ಇದೆ ಎಂದು ತಿಳಿದುಬಂದಿದೆ.
ಇದನ್ನೂ ಓದಿ: ಪ್ರತಿ ವರ್ಷ ತಪ್ಪದೇ ನಟ ವಿಷ್ಣುವರ್ಧನ್ ಬರ್ತಡೇ ಆಚರಿಸುತ್ತಿದ್ದ ಅಭಿಮಾನಿ ನೇಣಿಗೆ ಶರಣು
ಇಬ್ಬರನ್ನು ನೇರವಾಗಿ ಹಿಡಿಯಯಬೇಕೆಂದು ಯುವತಿ ಕಾದು ಕುಳಿತ್ತಿದ್ದಳು. ಅದರಂತೆ ನಿನ್ನೆ ಭಾವಿ ಪತಿ ಮತ್ತು ಆತನ ಲವ್ವರ್ ಬೈಕ್ನಲ್ಲಿ ಹೋಗುವಾಗ ಮಾರ್ಗ ಮಧ್ಯೆಯೇ ಅವರನ್ನು ಯುವತಿ ತಡೆದಿದ್ದಾಳೆ. ಭಾವಿ ಪತಿಯ ಲವ್ವರ್ ಬೈಕ್ ಮೇಲೆ ಕುಳಿತಿರುವಾಗಲೇ ಯುವತಿ ಹಿಗ್ಗಾಮುಗ್ಗಾ ಥಳಿಸಿದ್ದಾಳೆ.
ಇಬ್ಬರಿಗೂ ಯುವತಿ ಥಳಿಸುವುದನ್ನು ನೋಡಿ ಅಕ್ಕಪಕ್ಕದವರು ಸ್ಥಳಕ್ಕೆ ಧಾವಿಸಿ ಬರುತ್ತಾರೆ. ಈ ವೇಳೆ ಯುವತಿ ನಡೆದ ಘಟನೆಯನ್ನು ವಿವರಿಸುತ್ತಾಳೆ. ಆದರೂ ತನ್ನ ಕಿಚ್ಚು ಬಿಡದ ಯುವತಿ ಭಾವಿ ಪತಿಯ ಲವ್ವರ್ ಮೇಲೆ ಚಪ್ಪಲಿ ಎಸೆದು, ಕೊನೆಯಲ್ಲಿ ಭಾವಿ ಪತಿಯ ಬೈಕ್ ಏರಿ ಅಲ್ಲಿಂದ ಹೊರಡುತ್ತಾಳೆ. (ಏಜೆನ್ಸೀಸ್)
ಹಬ್ಬಕ್ಕೆಂದು ಅಜ್ಜಿ ಊರಿಗೆ ಹೋದ ಯುವಕ ಮರಳಿದ್ದು ಶವವಾಗಿ: ತಡರಾತ್ರಿ ನಡೆಯಿತು ಭೀಕರ ಘಟನೆ