ಗುರುಗ್ರಾಮ್: ಹರಿಯಾಣದ ಗುರುಗ್ರಾಮ್ನ ಹೋಟೆಲ್ ತನ್ನ ಇಂಟರ್ನ್ಗಳಿಗೆ ಕೊಡುತ್ತಿರುವ ಸ್ಟೇ-ಫಂಡ್ ಬಗ್ಗೆ ಮಾಹಿತಿ ಪಡೆದ ಜಿಎಸ್ಎಫ್ ವೇಗವರ್ಧಕ ಸಂಸ್ಥಾಪಕ, ಉದ್ಯಮಿ ರಾಜೇಶ್ ಸಾಹ್ನಿ ಒಂದು ನಿಮಿಷ ಭಾರೀ ಅಚ್ಚರಿಗೆ ಒಳಗಾಗಿದ್ದಾರೆ. ಈ ಕುರಿತು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡ ಅವರು, ರೆಸ್ಟೋರೆಂಟ್ನವರಿಗೆ ಹಿಗ್ಗಾಮುಗ್ಗಾ ಕ್ಲಾಸ್ ತೆಗೆದುಕೊಂಡಿದ್ದಾರೆ.
ಇದನ್ನೂ ಓದಿ: ಕಾಂಗ್ರೆಸ್ ಒಳಬೇಗುದಿಗೆ ಬ್ರೇಕ್ ಹಾಕಲು ಮುಂದಾದ ಸಚಿವ ತಿಮ್ಮಾಪುರ
ಒಬ್ಬ ಇಂಟರ್ನ್ಗೆ ಮಾಸಿಕ ಸ್ಟೈಫಂಡ್ ಎಂದು ಕೇವಲ 2,000 ರೂ. ನೀಡುವುದು ಎಷ್ಟು ಸರಿ? ಈ ಬಗ್ಗೆ ನಿಮಗೆ ನಾಚಿಕೆ ಆಗುವುದಿಲ್ಲವೇ, ಇದೆಂಥಾ ದುರಾದೃಷ್ಟಕರ! ಆ ಹಣ ಯಾವುದಕ್ಕೆ ಸಾಕಾಗುತ್ತದೆ? ಎಂದು ಐಷಾರಾಮಿ ಹೋಟೆಲ್ನವರನ್ನು ಎಕ್ಸ್ನಲ್ಲಿ (ಈ ಹಿಂದಿನ ಟ್ವಿಟರ್) ಪ್ರಶ್ನಿಸಿದ್ದಾರೆ.
ಇಂಟರ್ನ್ ವೇತನದ ಬಗ್ಗೆ ತಿಳಿದುಕೊಂಡ ನಂತರ ಟ್ವಿಟರ್ನಲ್ಲಿ ಬರೆದುಕೊಂಡ ಸಾಹ್ನಿ, “ಹೋಟೆಲ್ನಲ್ಲಿ ಸ್ಟಾರ್ಟ್ಅಪ್ ಸಭೆಯಲ್ಲಿ ಭಾಗವಹಿಸಿದೆ. ಆಗ ಯುವ ಲಾಬಿ ಮ್ಯಾನೇಜರ್ವೊಬ್ಬರು ನನ್ನನ್ನು ಸಂಪರ್ಕಿಸಿ ಮಾತುಕತೆ ನಡೆಸಿದರು. ಇದೇ ಹೋಟೆಲ್ನಲ್ಲಿ ಮೂರು ತಿಂಗಳಿಂದ ಇಂಟರ್ನ್ಶಿಪ್ ಮಾಡುತ್ತಿರುವ ಪದವೀಧರ, ಮಾಸಿಕ ಸ್ಟೈಫಂಡ್ ಎಂದು ಪಡೆಯುತ್ತಿದದ್ದು ಕೇವಲ 2,000 ರೂ. ಮಾತ್ರ ಎಂಬುದನ್ನು ಕೇಳಿ ಶಾಕ್ ಆಯಿತು” ಎಂದರು.
ಇದನ್ನೂ ಓದಿ: 85 ವರ್ಷ ಮೇಲ್ಪಟ್ಟರು, ಅಂಗವಿಕಲರಿಗೆ ಮನೆಯಿಂದಲೇ ಮತದಾನದ ವ್ಯವಸ್ಥೆ
“ಇದು ಅಸಹ್ಯಕರ! ತಿಂಗಳಿಗೆ 2,000 ರೂ. ಸ್ಟೈಫಂಡ್ ನೀಡಿದರೆ ಗುರುಗ್ರಾಮ್ನಲ್ಲಿ ಬದುಕಲು ಹೇಗೆ ಸಾಧ್ಯ?” ಎಂದು ಬರೆದು ಪೋಸ್ಟ್ ಮಾಡಿದ್ದಾರೆ. ಸಾಹ್ನಿ ಅವರ ಪೋಸ್ಟ್ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದಂತೆ ಅನೇಕರು ತಮ್ಮ ಸಮಸ್ಯೆಯನ್ನು ಹಂಚಿಕೊಂಡಿದ್ದಾರೆ. ಒಬ್ಬರು, “ಹೌದು ಸರ್. ಅನೇಕರು ಚಿಲ್ಲರೆ ವ್ಯಾಪಾರದಂತಹ ಉದ್ಯಮಗಳಲ್ಲಿ ಉಚಿತವಾಗಿ ಇಂಟರ್ನಿಂಗ್ ಮಾಡುತ್ತಿದ್ದಾರೆ. ಅನೇಕ ಸ್ಟಾರ್ಟ್ಅಪ್ಗಳು ಕೇವಲ ಪ್ರಯಾಣ ವೆಚ್ಚವನ್ನು ಮಾತ್ರ ಪಾವತಿಸುತ್ತಿವೆ. ಭಾರತದಲ್ಲಿನ ಇಂಟರ್ನ್ಶಿಪ್ ರಿಯಾಲಿಟಿಗೆ ಸ್ವಾಗತ” ಎಂದು ಹೇಳಿದ್ದಾರೆ,(ಏಜೆನ್ಸೀಸ್).
ಶಾರುಖ್, ಕಾಜೋಲ್ ತಿರಸ್ಕರಿಸಿದ ಈ ಸಿನಿಮಾ ಗಳಿಸಿದ್ದು 460 ಕೋಟಿ ರೂ., 3 ರಾಷ್ಟ್ರೀಯ ಪ್ರಶಸ್ತಿ!