ಬೆಂಗಳೂರು: ನಿನ್ನೆ (ಫೆ.27) ನಡೆದ ವುಮೆನ್ಸ್ ಪ್ರೀಮಿಯರ್ ಲೀಗ್ (ಡಬ್ಲ್ಯುಪಿಎಲ್) ಎರಡನೇ ಆವೃತ್ತಿಯ 5ನೇ ಪಂದ್ಯದಲ್ಲಿ ನಾಯಕಿ ಸ್ಮೃತಿ ಮಂದನಾ (47) ಹಾಗೂ ಸಬ್ಬಿನೇನಿ ಮೇಘನಾ (ಅಜೇಯ 36) ಅವರ ಸ್ಫೋಟಕ ಬ್ಯಾಟಿಂಗ್ ನೆರವಿನಿಂದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಗುಜರಾತ್ ಜೈಂಟ್ಸ್ ಎದುರು 8 ವಿಕೆಟ್ಗಳ ಭರ್ಜರಿ ಗೆಲುವು ದಾಖಲಿಸುವ ಮೂಲಕ ಟೂರ್ನಿಯಲ್ಲಿ ಸತತ ಎರಡನೇ ಗೆಲುವ ದಾಖಲಿಸಿತು.
ಆರಂಭಿಕರಾಗಿ ಕಣಕ್ಕಿಳಿದ ನಾಯಕಿ ಸ್ಮೃತಿ ಮಂದನಾ ಬ್ಯಾಟಿಂಗ್ನಲ್ಲಿ ಅಬ್ಬರಿಸಿ ಬೊಬ್ಬಿರಿದರು. ಕೇವಲ 27 ಎಸೆತಗಳಲ್ಲಿ 8 ಬೌಂಡರಿ ಒಂದು ಸಿಕ್ಸರ್ ನೆರವಿನಿಂದ 47 ರನ್ ಕಲೆಹಾಕುವ ಮೂಲಕ ತಂಡ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು. ಮೂರನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ಗೆ ಇಳಿದ ಸಬ್ಬಿನೇನಿ ಮೇಘನಾ 28 ಎಸೆತಗಳಲ್ಲಿ 5 ಬೌಂಡರಿ, 1 ಸಿಕ್ಸರ್ ನೆರವಿನಿಂದ ಅಜೇಯ 38 ರನ್ ಗಳಿಸಿದರು.
ಆರ್ಸಿಬಿ ಟ್ವೀಟ್ ಫ್ಯಾನ್ಸ್ ಫುಲ್ ಖುಷ್
ಸ್ಮೃತಿ ಮಂದನಾ ಹಾಗೂ ಮೇಘನಾ ಬ್ಯಾಟಿಂಗ್ಗೆ ಆರ್ಸಿಬಿ ಅಭಿಮಾನಿಗಳು ಫುಲ್ ಫಿದಾ ಆಗಿದ್ದಾರೆ. ಅದರಲ್ಲೂ ಮೇಘನಾ ಅವರು ಸಿಕ್ಸರ್ ಬಾರಿಸಿದ ವಿಡಿಯೋ ತುಣುಕನ್ನು ಎಕ್ಸ್ ಖಾತೆಯಲ್ಲಿ ಪೋಸ್ಟ್ ಮಾಡಿರುವ ಆರ್ಸಿಬಿ, ಬೆಳ್ಳುಳ್ಳಿ ಕಬಾಬ್ ಖ್ಯಾತಿಯ ಚಂದ್ರು ಅವರ ವೈರಲ್ ಡೈಲಾಗ್, ಚಟಾಪಟ ಚಟಾಪಟ ಬಳಿಸಿಕೊಂಡು ಏನ್ ಶಾಟ್ ಗುರು, ಚಟಾಪಟ ಚಟಾಪಟ ಎಂದು ಶೀರ್ಷಿಕೆ ನೀಡಿ ಬೆಂಕಿಯ ಎಮೋಜಿಯನ್ನು ಪೋಸ್ಟ್ ಮಾಡಿದೆ. ಇದೀಗ ವಿಡಿಯೋ ವೈರಲ್ ಆಗಿದೆ.
En shot guru, Chata-pata Chata-pata! 🔥#PlayBold #SheIsBold #ನಮ್ಮRCB #WPL2024 #RCBvGG
— Royal Challengers Bangalore (@RCBTweets) February 27, 2024
ಆರ್ಸಿಬಿ ಕನ್ನಡ ಪ್ರೀತಿ
ಆಗಾಗ ಕನ್ನಡದಲ್ಲೇ ಟ್ವೀಟ್ ಮಾಡುವ ಆರ್ಸಿಬಿ ತೋರುವ ಕನ್ನಡ ಪ್ರೀತಿಗೆ ಫ್ಯಾನ್ಸ್ ಫಿದಾ ಆಗಿದ್ದಾರೆ. ಇದೆ ತರಾ ಜಾಸ್ತಿ ಕನ್ನಡ ಟ್ವೀಟ್ ಮಾಡ್ತಾ ಇರು ಅಣ್ಣಾ ಎಂದು ಕಮೆಂಟ್ ಮಾಡಿದ್ದಾರೆ. ನಮ್ಮ ಆರ್ಸಿಬಿ ಅಡ್ಮಿನ್ಗೆ ಒಂದು ಪ್ಲೇಟ್ ಬೆಳ್ಳುಳ್ಳಿ ಕಬಾಬ್ ಪಾರ್ಸೆಲ್ ಮಾಡಿ ಎಂದೆಲ್ಲ ಕಾಮೆಂಟ್ ಮೂಲಕ ಆರ್ಸಿಬಿ ಅಡ್ಮಿನ್ರನ್ನು ಹೊಗಳುತ್ತಿದ್ದಾರೆ.
ಪಂದ್ಯದ ವಿಚಾರಕ್ಕೆ ಬರುವುದಾದರೆ, ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಮಂಗಳವಾರ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಆರ್ಸಿಬಿ ನಾಯಕಿ ಸ್ಮೃತಿ ಮಂದನಾ ಫೀಲ್ಟಿಂಗ್ ಆಯ್ದುಕೊಂಡರು. ಮೊದಲು ಬ್ಯಾಟಿಂಗ್ ಇಳಿದ ಗುಜರಾತ್ ಜೈಂಟ್ಸ್ ತಂಡ ಸ್ಪಿನ್ನರ್ ಸೋಫಿ ಮೂಲಿನೆಕ್ಸ್ (25ಕ್ಕೆ 3) ಬಿಗಿ ಬೌಲಿಂಗ್ ದಾಳಿಗೆ ಕುಸಿದು 7 ವಿಕೆಟ್ಗೆ 107 ರನ್ಗಳ ಸಾಧಾರಣ ಮೊತ್ತ ಪೇರಿಸಿತು. ಪ್ರತಿಯಾಗಿ ಸ್ಮೃತಿ ಮಂದನಾ (43 ರನ್, 27 ಎಸೆತ, 8 ಬೌಂಡರಿ, 1 ಸಿಕ್ಸರ್) ಒದಗಿಸಿದ ಬಿರುಸಿನ ಆರಂಭದ ನೆರವಿನಿಂದ 12.3 ಓವರ್ಗಳಲ್ಲಿ 2 ವಿಕೆಟ್ಗೆ 110 ರನ್ಗಳಿಸಿ ಗೆಲುವಿನ ಕೇಕೆ ಹಾಕಿತು. 3ನೇ ವಿಕೆಟ್ಗೆ ಜತೆಯಾದ ಎಸ್.ಮೇಘನಾ (36*) ಹಾಗೂ ಎಲ್ಲಿಸ್ ಪೆರ್ರಿ (23*) ಜೋಡಿ 23 ಎಸೆತಗಳಲ್ಲಿ 38ರನ್ ಬಾರಿಸಿ 45 ಎಸೆತ ಬಾಕಿಯಿರುವಂತೆಯೆ ಗೆಲುವಿನ ದಡ ಸೇರಿಸಿತು.
ಗುಜರಾತ್ ಜೈಂಟ್ಸ್: 7 ವಿಕೆಟ್ಗೆ 107 (ಬೆಥ್ ಮೂನಿ 8, ಹರ್ಲೀನ್ 22, ಲಿಚ್ಛಿಫೀಲ್ಡ್ 5, ವೇದಾ 9, ಗಾರ್ಡ್ನರ್ 7,ಹೇಮಲತಾ 31*, ಸ್ನೇಹಾ ರಾಣಾ 12, ಮೂಲಿನೆಕ್ಸ್ 25ಕ್ಕೆ 3, ರೇಣುಕಾ 14ಕ್ಕೆ 2).
ಆರ್ಸಿಬಿ: 12.3 ಓವರ್ಗಳಲ್ಲಿ 2 ವಿಕೆಟ್ಗೆ 110 (ಡಿವೈನ್ 6, ಸ್ಮೃತಿ 43, ಮೇಘನಾ 36*,ಎಲ್ಲಿಸ್ ಪೆರ್ರಿ 23*, ಗಾರ್ಡ್ನರ್ 25ಕ್ಕೆ 1).
ಸಂಘಟಿತ ದಾಳಿ
ಇನಿಂಗ್ಸ್ ಆರಂಭಿಸಿದ ನಾಯಕಿ ಬೆಥ್ ಮೂನಿ (8) ವಿಕೆಟ್ ಬೇಗನೆ ಕಬಳಿಸಿದ ರೇಣುಕಾ ಸಿಂಗ್ ಆರ್ಸಿಬಿ ತಂಡಕ್ಕೆ ಮೊದಲ ಯಶಸ್ಸು ತಂದರು. ಬಳಿಕ ಪೋಬಿ ಲಿಚ್ಛಿಫೀಲ್ಡ್ (5) ಸಹ ರಿಚಾ ಘೋಷ್ ಚುರುಕಿನ ಸ್ಟಂಪಿಂಗ್ಗೆ ಡಗೌಟ್ ಸೇರಿದರು. ಆಗ ಹರ್ಲಿನ್ ಡಿಯೋಲ್ (22) ಜತೆಯಾದ ಕನ್ನಡತಿ, ವೇದಾ ಕೃಷ್ಣಮೂರ್ತಿ (9) 3ನೇ ವಿಕೆಟ್ಗೆ 15 ರನ್ಗಳಿಸಿತು. ಮೊದಲ ಪಂದ್ಯದಲ್ಲಿ ಸೊನ್ನೆ ಸುತ್ತಿದ ವೇದಾ, ಈ ಬಾರಿ ಸಿಕ್ಸರ್ ಸಿಡಿಸಿ ಭರವಸೆ ಮೂಡಿಸಿದರು. ತವರಿನ ಅಂಗಣದಲ್ಲಿ ಹೆಚ್ಚು ಹೊತ್ತು ನಿಲ್ಲಲಿಲ್ಲ. ಎಡಗೈ ಸ್ಪಿನ್ನರ್ ಸೋಫಿ ಮೂಲಿನೆಕ್ಸ್ ಸ್ಪಿನ್ ದಾಳಿಗೆ ಗುಜರಾತ್ ನಿರಂತರ ವಿಕೆಟ್ ಕಳೆದುಕೊಂಡಿತು. ಆಶ್ಲೇ ಗಾರ್ಡ್ನರ್ (6) ಹಾಗೂ ಹೇಮಲತಾ 5 ವಿಕೆಟ್ಗೆ 20 ರನ್ ಸೇರಿಸಿ ಚೇತರಿಕೆ ನೀಡಿತು. ಏಳನೇ ವಿಕೆಟ್ಗೆ ಹೇಮಲತಾ ಹಾಗೂ ಸ್ನೇಹಾ ರಾಣಾ (12) ಜೋಡಿ 25 ರನ್ ಪೇರಿಸಿ ತಂಡವನ್ನು 100ರ ಗಡಿ ದಾಟಿಸಿದರು.
ಮಳೆಯಲ್ಲಿ ಸಾಂಗ್ ಶೂಟಿಂಗ್ ವೇಳೆ ಒಳ ಉಡುಪು ಧರಿಸಿರಲಿಲ್ಲ: ಮೇಲಕ್ಕೆತ್ತಿದಾಗ ರಜನಿಕಾಂತ್ ಗಲಿಬಿಲಿಗೊಂಡಿದ್ದರು!
ಅಪ್ಪಿತಪ್ಪಿ ಈ ಆಹಾರಗಳ ಜತೆ ಬಾಳೆಹಣ್ಣು ತಿನ್ನಬೇಡಿ… ತಿಂದ್ರೆ ಆರೋಗ್ಯಕ್ಕೆ ತುಂಬಾ ಡೇಂಜರ್!