ಬೆಂಗಳೂರು: ಸ್ಯಾಂಡಲ್ವುಡ್ನ ಮಾದಕ ನಟಿ ರಾಗಿಣಿಗೆ ಶುಕ್ರವಾರ ಬೆಳ್ಳಂಬೆಳಗ್ಗೆಯೇ ಶಾಕ್ ನೀಡಿದ್ದಾರೆ ಸಿಸಿಬಿ ಪೊಲೀಸರು. ಡ್ರಗ್ಸ್ ಮಾಫಿಯಾ ಸಂಬಂಧ ರಾಗಿಣಿ ಸ್ನೇಹಿತ ರವಿಶಂಕರ್ನನ್ನು ನಿನ್ನೆ ಬಂಧಿಸಿದ್ದ ಪೊಲೀಸರು ಇಂದು ಬೆಳಗ್ಗೆಯೇ ಯಲಹಂಕದಲ್ಲಿರುವ ರಾಗಿಣಿ ನಿವಾಸಕ್ಕೆ ತೆರಳಿದ್ದಾರೆ.
ಸರ್ಚ್ ವಾರೆಂಟ್ನೊಂದಿಗೆ ತೆರಳಿರುವ ಸಿಸಿಬಿ ಪೊಲೀಸರು ಯಲಹಂಕದ ಜ್ಯುಡಿಷಿನಲ್‌ ಲೇಔಟ್ ನಲ್ಲಿರೋ ರಾಗಿಣಿಯವರ ಅಪಾರ್ಟ್ಮೆಂಟ್ ನಲ್ಲಿ ಶೋಧಕಾರ್ಯ ಶುರುಮಾಡಿದ್ದಾರೆ. ರಾಗಿಣಿ ಮನೆಯಲ್ಲೇ ಇದ್ದು, ಶೋಧ ಕಾರ್ಯಕ್ಕೆ ಸಹಕಾರ ನೀಡುತ್ತಿರುವುದಾಗಿ ಮೂಲಗಳು ತಿಳಿಸಿವೆ.
ಇದನ್ನೂ ಓದಿ: ಸಿಸಿಬಿ ಬಲೆಗೆ ಬಿದ್ದ ಸ್ನೇಹಿತ, ನಟಿ ರಾಗಿಣಿ ದ್ವಿವೇದಿಗೂ ಬಂಧನ ಭೀತಿ
ರಾಗಿಣಿಯ ಆಪ್ತ ರವಿಶಂಕರ್ ಬಂಧನದ ಬೆನ್ನಿಗೆ ನಟಿ ಸಂಜನಾ ಗುರ್ಲಾನಿ ಆಪ್ತ ರಾಹುಲ್ ಮತ್ತು ಕಾರ್ತಿಕ್ ರನ್ನು ಸಿಸಿಬಿ ಪೊಲೀಸರು ವಶಕ್ಕೆ ತೆಗೆದುಕೊಂಡಿದ್ದರು. ಅವರಿಂದಲೂ ಮಾಹಿತಿ, ಸಾಕ್ಷ್ಯಗಳನ್ನು ಕಲೆಹಾಕಿರುವ ಪೊಲೀಸರು ಬೆಳಗ್ಗೆಯೇ ರಾಗಿಣಿ ಮನೆಯಿಂದಲೇ ಸರ್ಚ್ ಆರಂಭಿಸಿದ್ದಾರೆ. ಸಿಸಿಬಿ ಇನ್ಸ್ಪೆಕ್ಟರ್ ಅಂಜುಮಾಲಾ ನಾಯಕ್ ನೇತೃತ್ವದಲ್ಲಿ 4 ಮಹಿಳಾ, ಇಬ್ಬರು ಪುರುಷ ಅಧಿಕಾರಿಗಳು ಸೇರಿ ಹತ್ತಕ್ಕೂ ಹೆಚ್ಚು ಪೊಲೀಸರನ್ನು ಒಳಗೊಂಡ ತಂಡ ಈ ಶೋಧ ಕಾರ್ಯದಲ್ಲಿ ಭಾಗಿಯಾಗಿದೆ.
ಇದನ್ನೂ ಓದಿ: 30-35 ಸಾವಿರ ರೂ. ಸಂಬಳ, ರಾಗಿಣಿಗಾಗಿ ಖರ್ಚು ಮಾಡ್ತಿದ್ದು 1 ಲಕ್ಷ: ಸಿಸಿಬಿ ಮುಂದೆ ರವಿಶಂಕರ್ ಹೇಳಿದ್ದೇನು?
ರವಿಶಂಕರ್, ರಾಹುಲ್, ಕಾರ್ತಿಕ್ ಜತೆ ಸಂಪರ್ಕದಲ್ಲಿದ್ದವರು, ಅವರೊಂದಿಗೆ ಪಾರ್ಟಿಗಳಿಗೆ ಹೋಗುತ್ತಿದ್ದವರಲ್ಲೀಗ ನಡುಕ ಪ್ರಾರಂಭವಾಗಿದೆ. ಬೆಂಗಳೂರು ಹೊರವಲಯದ ರೆಸಾರ್ಟ್, ಪಂಚತಾರಾ ಹೋಟೆಲ್, ಫಾರ್ಮ್ಹೌಸ್ಗಳಲ್ಲಿ ಪೇಜ್ 3 ಪಾರ್ಟಿ ಆಯೋಜಿಸುತ್ತಿದ್ದವರ ಜತೆಗೆ ಈ ಮೂವರು ಸಂಪರ್ಕ ಹೊಂದಿರುವ ವಿಚಾರವೂ ಈಗ ಬಹಿರಂಗವಾಗಿದೆ. ರವಿಶಂಕರ್ ಮೊಬೈಲ್ನಲ್ಲಿ ಪಾರ್ಟಿ ಆಯೋಜಕರು, ಡ್ರಗ್ಸ್ ಪೆಡ್ಲರ್ಗಳ ಮೊಬೈಲ್ ನಂಬರ್ಗಳಿದ್ದು, ಅವರೊಂದಿಗೆ ನಡೆಸಿದ ಚಾಟ್ ಕೂಡ ಲಭ್ಯವಾಗಿದೆ. (ದಿಗ್ವಿಜಯ ನ್ಯೂಸ್)