ಉತ್ತರ ಕನ್ನಡ : ಸಾರಿಗೆ ಅಧಿಕಾರಿ ಎದುರು ಚಾಲನೆಯ ಪ್ರಾತ್ಯಕ್ಷಿಕೆ ನೀಡುತ್ತಿದ್ದ ಕಾರು ಏಕಾಏಕಿ ಕೆರೆಗೆ ನುಗ್ಗಿದ ಘಟನೆ ಶಿರಸಿ ಪ್ರಾದೇಶಿಕ ಸಾರಿಗೆ ಇಲಾಖೆ ಬಳಿ ಗುರುವಾರ ನಡೆದಿದೆ.
ಆರ್ಟಿಒ ಕಚೇರಿ ಬಳಿ ಇರುವ ಬಶೆಟ್ಟಿ ಕೆರೆಗೆ ಕಾರು ನುಗ್ಗಿದ್ದು, ಚಾಲಕ ಅಪಾಯದಿಂದ ಪರಾಗಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಪವನ್ ಎಂಬುವವರು ಚಾಲನ ಪರವಾನಗಿ ಪಡೆಯಲು ಸಾರಿಗೆ ಅಧಿಕಾರಿ ಎದುರು ಕಾರು ಚಾಲನೆ ಮಾಡುತ್ತಿದ್ದರು. ಈ ವೇಳೆ ನಿಯಂತ್ರಣ ತಪ್ಪಿದ ಕಾರು ರಸ್ತೆ ಬದಿಯಲ್ಲಿದ್ದ ಕೆರೆಗೆ ನುಗ್ಗಿತು. ಕೆರೆಯಲ್ಲಿ ನೀರು ಸಂಗ್ರಹವಾಗಿದ್ದರಿಂದ ಕಾರು ನೀರಿನಲ್ಲಿ ಮುಳುಗಿತು. ಸ್ಥಳದಲ್ಲಿದ್ದ ಯುವಕರು ಕೆರೆಗೆ ಇಳಿದು ಚಾಲಕನನ್ನು ರಕ್ಷಣೆ ಮಾಡಿದರು. ಶಿರಸಿ ಪೊಲೀಸರು ಕೇಸು ದಾಖಲಿಸಿದ್ದಾರೆ. (ದಿಗ್ವಿಜಯ ನ್ಯೂಸ್)
ನನ್ ಕೋಳಿ ಕೊಡಲ್ಲ. ನಿಮ್ ಕೈ ಮುಗೀತೀನಿ ಬಿಟ್ಬಿಡಿ..!: ಮೈಸೂರಿನಲ್ಲಿ ಮಹಿಳೆಯ ಅಳಲು..