ಮುಂಬೈ: ದಣಿವರಿಯಿಲ್ಲದೆ ಸುಮಾರು 7 ಗಂಟೆಗಳ ಆಪರೇಷನ್ ಮಾಡುವ ಮೂಲಕ ಅಪಘಾತದಲ್ಲಿ ಹೆಬ್ಬೆರಳು ಕಳೆದುಕೊಂಡಿದ್ದ ವ್ಯಕ್ತಿಗೆ ಹೆಬ್ಬೆರಳು ಮರುಜೋಡಣೆ ಮಾಡುವಲ್ಲಿ ಮುಂಬೈ ವೈದ್ಯರು ಯಶಸ್ವಿಯಾಗಿದ್ದಾರೆ.
ಘಟನೆಯ ವಿವರಣೆಗೆ ಬರುವುದಾದರೆ, ಮುಂಬೈ ಮೂಲದ ರೋಹನ್ ಅಜ್ಜಂಕರ್ (42)ಗೆ ಬೈಕ್ ಸ್ಟಂಟ್ ಮಾಡುವ ಹುಚ್ಚು. ಹೀಗಾಗಿ ರೋಹನ್ ಪತ್ನಿ ಜಾಗೃತಿ ಬೈಕ್ ಒಂದನ್ನು ಉಡುಗೊರೆಯಾಗಿ ನೀಡಿದ್ದರು. ಕೆಲವು ದಿನಗಳ ಹಿಂದೆ ಒದ್ದೆ ಬಟ್ಟೆಯಿಂದ ಬೈಕ್ ಒರೆಸುವಾಗ ಅದೇ ಸಮಯದಲ್ಲಿ ಇಂಜಿನ್ ಸಹ ಆನ್ ಆಗಿ, ರೋಹನ್ ಎಡಗೈ ಹೆಬ್ಬೆರಳು ಚೈನ್ಗೆ ಸಿಕ್ಕಿಕೊಂಡಿತ್ತು.
ಇದನ್ನೂ ಓದಿರಿ: ಕಸ್ತೂರಿ ರಂಗನ್ ವರದಿ ವಿರುದ್ಧ ಸುಪ್ರೀಂಗೆ ಮೊರೆ; 1553 ಹಳ್ಳಿಗಳಿಗೆ ಕಾಡುತ್ತಿದೆ ಆತಂಕ
ಕೆಲವೇ ಸೆಕೆಂಡ್ಗಳನ್ನು ತನ್ನ ಕೈಯನ್ನು ರೋಹನ್ ಎಳೆದುಕೊಂಡಿದ್ದ. ಬೆರಳಿನಲ್ಲಿ ರಕ್ತ ತುಂಬಿಕೊಂಡಿತ್ತು. ಏನು ಆಗುವುದಿಲ್ಲ. ಇದೊಂದು ಸಣ್ಣ ಗಾಯವಷ್ಟೇ ಅಂದುಕೊಂಡಿದ್ದ ರೋಹನ್ ಸರಿಯಾಗಿ ನೋಡಿದಾಗ ಹೆಬ್ಬೆರಳಿನ ತುದಿ ಇಲ್ಲದಿರುವುದನ್ನು ನೋಡಿ ಆಘಾತಕ್ಕೆ ಒಳಗಾಗಿದ್ದರು.
ತಕ್ಷಣ ಮುಂಬೈನ ಪರೇಲ್ನಲ್ಲಿರುವ ಗ್ಲೋಬಲ್ ಆಸ್ಪತ್ರೆಗೆ ರೋಹನ್ ದಾಖಲಾದರು. ಇದಾದ ಬಳಿಕ ವೈದ್ಯರು ಸುಮಾರು 7 ಗಂಟೆಗಳ ಕಾಲ ಆಪರೇಷನ್ ನಡೆಸಿ ಬೆರಳನ್ನು ಅಳವಡಿಸಲಾಗಿದೆ. ಆದರೆ, ತಾನು ಉಡುಗೊರೆಯಾಗಿ ನೀಡಿದ ಬೈಕ್ನಿಂದಾಗಿ ಪತಿಗೆ ಹೀಗಾಯಿತಲ್ಲ ಎಂದು ಜಾಗೃತಿ ಆಘಾತಕ್ಕೆ ಒಳಗಾಗಿದ್ದಾರೆ. (ಏಜೆನ್ಸೀಸ್)
ವಿದ್ಯಾರ್ಥಿಗಳಿಗೆ ಅಶ್ಲೀಲಚಿತ್ರ ಕಳಿಸಿದ ಉಪನ್ಯಾಸಕ! ಆನ್ಲೈನ್ ಪಾಠದ ವೇಳೆ ಅವಾಂತರ, ಮುಂದೇನಾಯ್ತು?
ತನ್ನನ್ನು ಜೀವಂತ ಹೂತು ಬಿಡಿ ಎಂದು ಮನೆಯವರಿಂದಲೇ ಮಣ್ಣು ಹಾಕಿಸಿಕೊಂಡ ಮಹಿಳೆ!; ಎಲ್ಲ ಶಿವನನ್ನು ಮೆಚ್ಚಿಸಲು…
ಮಗುವಿನ ಕಿಡ್ನಾಪ್ ಹಿಂದಿನ ಕತೆ ಕೇಳಿದ್ರೆ ಶಾಕ್ ಆಗೋದು ಪಕ್ಕಾ! ಬೆದರಿಸಿ ಹಣ ಪಡೆಯುವುದಕ್ಕಲ್ಲ