ನವದೆಹಲಿ: ಬಿಟ್ ಕಾಯಿನ್ ವಿಚಾರ ಭಾರಿ ಸದ್ದು ಮಾಡುತ್ತಿರುವ ಈ ಸಂದರ್ಭದಲ್ಲಿ ಹಾಗೂ ಜಗತ್ತೇ ಡಿಜಿಟಲ್ನತ್ತ ಹೆಚ್ಚು ಆಸಕ್ತಿ ತೋರುತ್ತಿರುವ ಈ ಸಮಯದಲ್ಲಿ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಡಿಜಿಟಲ್ ಆಸ್ತಿ ಮೇಲಿನ ತೆರಿಗೆಯನ್ನು ‘ಬಿಟ್. ಕೊಡಲ್ಲ ಎಂಬ ಸಂದೇಶವನ್ನು ರವಾನಿಸಿದ್ದಾರೆ.
ಬಿಟ್ ಕಾಯಿನ್ ಮುಂತಾದ ಎಲ್ಲ ಕ್ರಿಪ್ಟೊಕರೆನ್ಸಿ ಹಾಗೂ ವರ್ಚುವಲ್ ಆಸ್ತಿಗಳ ಮೇಲೆ ಕಣ್ಣಿಟ್ಟಿರುವ ಸರ್ಕಾರ ಅವುಗಳ ಮೇಲೆ ಶೇ. 30 ಆದಾಯ ತೆರಿಗೆ ವಿಧಿಸಿದೆ.
ಯಾವುದೇ ರೀತಿಯ ವರ್ಚುವಲ್ ಅಥವಾ ಡಿಜಿಟಲ್ ಆಸ್ತಿಯ ಆದಾಯಕ್ಕೆ ಶೇ. 30 ತೆರಿಗೆ ಭರಿಸಲೇಬೇಕು. ಜತೆಗೆ ಇವುಗಳ ಟ್ರಾನ್ಸ್ಫರ್ಗೂ ಶೇ. 1 ತೆರಿಗೆ ನೀಡಬೇಕು. ಈ ವಿಚಾರದಲ್ಲಿ ಯಾವುದೇ ಕಡಿತ ಅಥವಾ ವಿನಾಯಿತಿ ಇಲ್ಲ ಎಂದು ಅವರು ಹೇಳಿದ್ದಾರೆ.