ಖರೋಗ್ನೆ: ಮಧ್ಯಪ್ರದೇಶದಲ್ಲಿ ಮಹಾತ್ಮ ಗಾಂಧಿ ರಾಷ್ಟ್ರೀಯ ಗ್ರಾಮೀಣಾ ಉದ್ಯೋಗ ಖಾತ್ರಿ (ನರೇಗಾ) ಯ ಜಾಬ್ ಕಾರ್ಡ್ ಪಡೆದುಕೊಂಡ ‘ದೀಪಿಕಾ ಪಡುಕೋಣೆ’, ‘ಜಾಕ್ವೆಲಿನ್ ಫೆರ್ನಾಂಡೆಸ್’ ಜೂನ್ ಮತ್ತು ಜುಲೈ ತಿಂಗಳ ಕೂಲಿಯನ್ನೂ ಪಡ್ಕೊಂಡಿದ್ದಾರೆ!. ಮಧ್ಯಪ್ರದೇಶದ ಸರ್ಕಾರದ ನರೇಗಾ ದಾಖಲೆಗಳಲ್ಲಿ ಈ ಅಂಶ ದಾಖಲಾಗಿರುವುದು ಅಚ್ಚರಿ ಮೂಡಿಸಿದೆ.
ಈ ನಟಿಯರ ಫೋಟೋಗಳು ಕೆಲವು ಕುಟುಂಬಗಳ ಜಾಬ್ ಕಾರ್ಡ್ಗಳಲ್ಲಿ ಕಂಡುಬಂದಿರುವುದೇ ಇದಕ್ಕೆ ಕಾರಣ. ಝಿರ್ನಿಯಾ ಪಂಚಾಯತಿನ ಪೀಪರ್ಖೇಡಾ ನಾಕಾ ಗ್ರಾಮದ ಕನಿಷ್ಠ 11 ಫಲಾನುಭವಿಗಳ ಹೆಸರು ಮತ್ತು ಫೋಟೊಗಳು ಹೋಲಿಕೆಯಾಗುತ್ತಿಲ್ಲ. ಕೆಲವು ಕಾರ್ಡ್ಗಳಲ್ಲಿ ಪುರುಷರ ಹೆಸರಿದ್ದರೂ, ಫೊಟೋ ಮಹಿಳೆಯರದ್ದು, ನಟಿಯರದ್ದೋ ಆಗಿರುವ ಕಾರಣ ಗೊಂದಲಕ್ಕೆ ಎಡೆಮಾಡಿಕೊಟ್ಟಂತಾಗಿದೆ.
ಇದನ್ನೂ ಓದಿ: ಅಕ್ಷಯ್ ಕುಮಾರ್ ಲಕ್ಷ್ಮೀ ಬಾಂಬ್ ಚಿತ್ರಕ್ಕೆ ಬ್ಯಾನ್ ಬಿಸಿ; ಲಕ್ಷ್ಮೀ ದೇವಿಗೆ ಅವಹೇಳನ ಆರೋಪ
ಕೆಲವು ಗ್ರಾಮಸ್ಥರಿಗೆ ಜಾಬ್ ಕಾರ್ಡ್ ಫೋಟೋಗಳು ಇಂಟರ್ನೆಟ್ನಲ್ಲಿ ಹರಿದಾಡುತ್ತಿರುವುದು ಕಾಣಿಸಿ ಅಚ್ಚರಿಗೊಳಗಾಗಿದ್ದರು. ಸುನಿಲ್ ಸಿಂಗ್ ಎಂಬ ಗ್ರಾಮಸ್ಥ ತನ್ನ ಕುಟುಂಬದ ಜಾಬ್ ಕಾರ್ಡ್ ದೀಪಿಕಾ ಪಡುಕೋಣೆ ಪೋಟೋ ನೋಡಿ ಅಚ್ಚರಿಗೊಳಗಾಗಿದ್ದಾಗಿ ಹೇಳಿದ್ದಾರೆ. ಮನೋಜ್ ಶಿವಶಂಕರ್ ಅವರ ಜಾಬ್ಕಾರ್ಡ್ನಲ್ಲೂ ದೀಪಿಕಾ ಪಡುಕೋಣೆ ಫೋಟೋ ಕಂಡುಬಂದಿದ್ದು, ನಾನೆಂದೂ ನರೇಗಾ ಕೆಲಸಕ್ಕೆ ಹೋಗಿಲ್ಲ ಎಂದು ಹೇಳಿಕೊಂಡಿದ್ದಾರೆ. ಪದಮ್, ಉಮ್ರಾವೋ ಎಂಬುವವರ ಕುಟುಂಬದವ ಜಾಬ್ಕಾರ್ಡ್ನಲ್ಲಿ ಜಾಕ್ವೆಲಿನ್ ಫೋಟೋ ಪತ್ತೆಯಾಗಿದೆ. (ಏಜೆನ್ಸೀಸ್)
ಬಿಹಾರ ಚುನಾವಣೆ: ಮಹಾಮೈತ್ರಿಯ ಪ್ರಣಾಳಿಕೆ ಬಿಡುಗಡೆ ಮಾಡಿದ್ರು ತೇಜಸ್ವಿ ಯಾದವ್