ಮುಂಬೈ: ಷೇರು ಮಾರುಕಟ್ಟೆಯಲ್ಲಿ ಮಾರಾಟದ ವಾತಾವರಣ ಮರಳಿದೆ. ವಾರದ ಕೊನೆಯ ವಹಿವಾಟಿನ ದಿನವಾದ ಶುಕ್ರವಾರ ಬಿಎಸ್ಇ ಸೆನ್ಸೆಕ್ಸ್ ಮತ್ತು ನಿಫ್ಟಿ ಸೂಚ್ಯಂಕಗಳು ಒತ್ತಡದಲ್ಲಿ ಕಾಣಿಸಿಕೊಂಡವು. ಆದರೂ, ಈ ವಾತಾವರಣದ ನಡುವೆಯೂ ಮೇಸನ್ ವಾಲ್ವ್ಸ್ ಇಂಡಿಯಾ ಲಿಮಿಟೆಡ್ (Meson Valves India Ltd.) ಷೇರುಗಳಿಗೆ ಭಾರಿ ಬೇಡಿಕೆ ಕಂಡುಬಂದಿತು. ಈ ಷೇರು ಬೆಲೆ ಶುಕ್ರವಾರದ ವಹಿವಾಟಿನ ಸಮಯದಲ್ಲಿ ಶೇಕಡಾ 5ರಷ್ಟು ಹೆಚ್ಚಳವಾದ ನಂತರ ತನ್ನ ಸಾರ್ವಕಾಲಿಕ ಗರಿಷ್ಠ ಬೆಲೆಯಾದ ರೂ. 904.05 ಮುಟ್ಟಿತು. ಸೆಪ್ಟೆಂಬರ್ 2023 ರಲ್ಲಿ ಈ ಷೇರಿನ ಬೆಲೆ ರೂ 196.40 ಆಗಿತ್ತು.
ಏಪ್ರಿಲ್ 25 ರಂದು ಷೇರು ಮಾರುಕಟ್ಟೆ ನೀಡಿದ ಮಾಹಿತಿ ಪ್ರಕಾರ, ಮೇಸನ್ ವಾಲ್ವ್ಸ್ ಲಿಮಿಟೆಡ್, ಜರ್ಮನಿಯ ಬ್ರೆಮೆನ್‌ನ ಜಾರ್ಜ್ ಶೂನ್ಮನ್ GmHH (ಪರವಾನಗಿದಾರ) ಜತೆಗೆ ಒಪ್ಪಂದಕ್ಕೆ ಸಹಿ ಹಾಕಿದ್ದಾರೆ.
ಮೇಸನ್ ವಾಲ್ವ್ ಮತ್ತು ಅದರ ಅಂಗಸಂಸ್ಥೆಗಳು ತಮ್ಮ ಅಗತ್ಯಗಳಿಗಾಗಿ ಫಿಲ್ಟರ್‌ಗಳು, ತಯಾರಿಸಿದ ಉತ್ಪನ್ನಗಳಿಗೆ ಸಂಬಂಧಿಸಿದಂತೆ ಪರವಾನಗಿದಾರರಿಂದ ಸಹಾಯ ಪಡೆಯುವ ಹಾಗೂ ಹೆಚ್ಚುವರಿ ಪ್ರಯೋಜನದೊಂದಿಗೆ ಬಳಸಲು ಅಧಿಕಾರವನ್ನು ಈ ಒಪ್ಪಂದದ ಮೂಲಕ ಪಡೆದುಕೊಂಡಿವೆ. ಈ ಒಪ್ಪಂದವು ಏರೋಸ್ಪೇಸ್, HVAC, ತೈಲ ಮತ್ತು ಅನಿಲ, ಆಟೋಮೋಟಿವ್ ಮತ್ತು ಇತರ ಉದ್ಯಮಗಳಿಂದ ಹೆಚ್ಚಿನ ಬೇಡಿಕೆಯನ್ನು ಪೂರೈಸಲು ಕಂಪನಿಗೆ ಅವಕಾಶ ಕಲ್ಪಿಸುತ್ತದೆ. ಬ್ರೆಮೆನ್‌ನ ಜಾರ್ಜ್ ಶೂನ್ಮನ್ GmHH ವಿಶೇಷ ಫಿಟ್ಟಿಂಗ್‌ಗಳು, ಫಿಲ್ಟರ್‌ಗಳ ವಲಯದಲ್ಲಿ 80 ವರ್ಷಗಳ ಅನುಭವವನ್ನು ಹೊಂದಿರುವ ಕಂಪನಿಯಾಗಿದೆ.
ಮೇಸನ್ ವಾಲ್ವ್ಸ್‌ನ IPO ಕಳೆದ ವರ್ಷ ಬಂದಿತ್ತು. ತದನಂತರ ಈ ಐಪಿಒ ಷೇರುಗಳನ್ನು ಷೇರು ಮಾರುಕಟ್ಟೆಯಲ್ಲಿ ಪ್ರತಿ ಷೇರಿಗೆ ರೂ 191 ಕ್ಕೆ ಪಟ್ಟಿ ಮಾಡಲಾಗಿತ್ತು. ಪಟ್ಟಿ ಮಾಡಿದ ನಂತರ ಈ ಷೇರುಗಳ ಬೆಲೆ 373 ಪ್ರತಿಶತದಷ್ಟು ಹೆಚ್ಚಾಗಿವೆ. ಈ ವರ್ಷದ ಆರಂಭದಿಂದ ಇದುವರೆಗೆ ಈ ಷೇರುಗಳ ಬೆಲೆ 56 ಪ್ರತಿಶತದಷ್ಟು ಹೆಚ್ಚಾಗಿದೆ. ಕಳೆದ ಒಂದು ತಿಂಗಳಲ್ಲಿ, ಈ ಷೇರುಗಳ ಬೆಲೆ 41 ಪ್ರತಿಶತದಷ್ಟು ಏರಿಕೆ ಕಂಡಿದೆ.
ಸಾಲ ಮುಕ್ತವಾಗುತ್ತಿದೆ ಕಂಪನಿ; ಲಾಭದಲ್ಲಿ 1,421% ಹೆಚ್ಚಳ: 1 ವರ್ಷದಲ್ಲಿ ಷೇರು ಬೆಲೆ 2,050% ಏರಿಕೆ
ಒಂದೇ ದಿನದಲ್ಲಿ 20% ಏರಿಕೆ; ಅಪ್ಪರ್ ಸರ್ಕ್ಯೂಟ್ ಹಿಟ್: ಷೇರು ಬೆಲೆ ಏರಿಕೆ ಕಾರಣಗಳೇನು?
ಐಟಿ ಕಂಪನಿ ತ್ರೈಮಾಸಿಕ ಲಾಭ ಭಾರೀ ಕುಸಿತ: ಆದರೂ ಷೇರು ಬೆಲೆ 13% ಏರಿಕೆ; ಬ್ರೋಕರೇಜ್ ಹೇಳುವುದೇನು?