ಕೋಟಾ: ಮುಂಬೈನಲ್ಲಿ ದಾವೂದ್ ಇಬ್ರಾಹಿಂನ ಡ್ರಗ್ಸ್ ದಂಧೆ ನೋಡಿಕೊಳ್ಳುವ ದಾನಿಶ್ ಮರ್ಚೆಂಟ್ ಅಲಿಯಾಸ್ ದಾನಿಶ್ ಚಿಕ್ನಾ ಪೊಲೀಸರ ವಶವಾಗಿದ್ದಾನೆ. ಎನ್ಸಿಬಿ ಮತ್ತು ರಾಜಸ್ತಾನದ ಕೋಟ ಪೊಲೀಸರ ಜಂಟಿ ಕಾರ್ಯಾಚರಣೆಯಲ್ಲಿ ದಾನಿಶ್ನನ್ನು ಕೋಟ ಪಟ್ಟಣದಿಂದ ನಿನ್ನೆ ರಾತ್ರಿ ಬಂಧಿಸಲಾಗಿದೆ.
ಇತ್ತೀಚೆಗೆ ಮಹಾರಾಷ್ಟ್ರದ ಡೊಂಗ್ರಿಯಲ್ಲಿ ಡ್ರಗ್ ಫ್ಯಾಕ್ಟರಿ ನಡೆಸುವ ಚಿಕ್ನಾನ ಪತ್ತೆ ಕಾರ್ಯದ ಅಂಗವಾಗಿ ಎನ್ಸಿಬಿ ಡೊಂಗ್ರಿಯಲ್ಲಿ ದಾಳಿ ನಡೆಸಿತ್ತು. ಆತನ ಗ್ಯಾಂಗ್ನ ಪ್ರಮುಖ ಸದಸ್ಯನೊಬ್ಬನನ್ನು ಬಂಧಿಸಿ, ಭಾರೀ ಪ್ರಮಾಣದ ಕೋಡೀನ್ ಆಧರಿತ ಕಾಫ್ ಸಿರಪ್ಅನ್ನು ಜಪ್ತಿ ಮಾಡಿತ್ತು.
ಕಳೆದ ರಾತ್ರಿ ಎನ್ಸಿಬಿ ನೀಡಿದ ಮಾಹಿತಿಯ ಮೇರೆಗೆ ಕೋಟಾ ಪೊಲೀಸರು ಚಿಕ್ನಾನನ್ನು ಬಂಧಿಸಿದ್ದಾರೆ. ಆತನ ವಾಹನದಲ್ಲಿದ್ದ ಡ್ರಗ್ಸ್ ಕೂಡ ವಶಪಡಿಸಿಕೊಳ್ಳಲಾಗಿದೆ. ಚಿಕ್ನಾ ವಿರುದ್ಧ ಕೊಲೆಯ ಪ್ರಕರಣವೂ ಸೇರಿದಂತೆ 6 ಮೊಕದ್ದಮೆಗಳನ್ನು ದಾಖಲಿಸಲಾಗಿದೆ. (ಏಜೆನ್ಸೀಸ್)
“ಡೊನಾಲ್ಡ್ ಟ್ರಂಪ್ ರೀತಿಯಲ್ಲಿ ವರ್ತಿಸುತ್ತಿರುವ ಮಮತಾ”
ಈ ಅಪರೂಪದ ತರಕಾರಿಯ ಬೆಲೆ ಕೇಳಿದರೆ ತಲೆ ಸುತ್ತುವುದು ಗ್ಯಾರಂಟಿ!
ತಿರುಪತಿ ತಿಮ್ಮಪ್ಪನಿಗೆ ಮುಡಿ ಕೊಟ್ಟು ಮನೆಗೆ ಬಂದ ಚಾಲಕನಿಗೆ ಕಾದಿತ್ತು ಶಾಕ್: ಇನ್ನೂ ಬಗೆಹರಿಯದ ಸಮಸ್ಯೆ!