ಮ್ಯಾಡ್ರಿಡ್(ಸ್ಪೇನ್): ಅನ್ನದ ಋಣ ಭಾರದಲ್ಲಿ ಇರಬಾರದು ಎಂಬುದು ಭಾರತೀಯರ ನಂಬಿಕೆ. ಆದರೆ ಯುಕೆಯ ದಂಪತಿ ಸ್ಪ್ಯಾನಿಷ್ ಮತ್ತು ಇಟಾಲಿಯನ್ ರೆಸ್ಟೋರೆಂಟ್ಗಳಲ್ಲಿ ಸಾವಿರಾರು ರೂ.ಬೆಲೆಯ ಊಟ ತಿಂದು ಬಿಲ್ ಪಾವತಿಸದೆ ಪರಾರಿಯಾಗುತ್ತಿದ್ದುದು ಪತ್ತೆಯಾಗಿದ್ದು, ಇದೀಗ ಇವರನ್ನು ಪೊಲೀಸರು ಬಂಧಿಸಿದ್ದಾರೆ.
ಇದನ್ನೂ ಓದಿ: ‘ಲಂಚವಿಲ್ಲದೇ ಬಂಗಾಳದಲ್ಲಿ ಏನೂ ಆಗುವುದಿಲ್ಲ’: ಮಮತಾ ವಿರುದ್ಧ ಪ್ರಧಾನಿ ಮೋದಿ ವಾಗ್ದಾಳಿ
ವೇಲ್ಸ್ ನ ಪೋರ್ಟ್ ಟಾಲ್ಬೋಟ್ ನ ಸ್ಯಾಂಡ್ಫೀಲ್ಡ್ನ ಆನ್ ಮತ್ತು ಮೆಕ್ಡೊನಾಗ್ ದಂಪತಿ ಒಟ್ಟು ಐದು ರೆಸ್ಟೋರೆಂಟ್ಗಳಲ್ಲಿ ಊಟ, ತಿಂಡಿ ಸೇವಿಸಿದ್ದರು. ಆದರೆ ಒಂದು ಕಡೆಯೂ ಬಿಲ್ ಪಾವತಿಸಿರಲಿಲ್ಲ. ಒಟ್ಟು £ 1,000 (1,04,170.50 ರೂ.) ಮೌಲ್ಯದ ಊಟ, ತಿಂಡಿ ತಿಂದು ಯೋಜನೆಯಂತೆ ಪರಾರಿಯಾಗಿದ್ದರು.
ರೆಸ್ಟೋರೆಂಟ್ ಮಾಲೀಕರು ಈ ದಂಪತಿಯ ಸಿಸಿಟಿವಿ ದೃಶ್ಯಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್ ಮಾಡಿದ ನಂತರ ಘಟನೆ ಬೆಳಕಿಗೆ ಬಂದಿತ್ತು. ದಂಪತಿಗಳನ್ನು ಗುರುತಿಸಲು ಸಾರ್ವಜನಿಕರಿಗೆ ಸಹಾಯ ಮಾಡುವಂತೆ ಕೇಳಿಕೊಂಡರು.
ವೇಲ್ಸ್ನ ವಿವಿಧ ರೆಸ್ಟೋರೆಂಟ್ಗಳಲ್ಲಿ ಊಟಕ್ಕಾಗಿ $1,200 ಮೌಲ್ಯಕ್ಕೆ ಈ ದಂಪತಿ ಹೋಟೆಲ್ ಕ್ಯಾಷರ್ಗಳಿಗೆ ಉಂಡೆನಾಮ ಹಾಕಿಹೋಗಿದ್ದರು. ಹೋಟೆಲ್ ಗಳಲ್ಲಿ ಊಟ ಮಾಡಿದ ನಂತರ ಬಿಲ್ ಪಾವತಿಸುವಾಗ ನಾಟಕವಾಡುತ್ತಿದ್ದರು. ಎಟಿಎಂ ಕಾರ್ಡ್ ಕಾರ್ನಲ್ಲಿದೆ, ಅದನ್ನು ತರುತ್ತೇವೆ, ಅಲ್ಲಿತನಕ ಮಗು ಇಲ್ಲೇ ಇರುತ್ತದೆ ಎನ್ನುತ್ತಿದ್ದರು. ಆದರೆ ಅವರು ಕಾರ್ನತ್ತ ಹೋದ ಬಳಿಕ ಅವರ ಮಗು ಸಹ ಅಲ್ಲಿಂದ ಹೊರಟುಹೋಗುತ್ತಿತ್ತು. ಕಡೆಗೆ ಮಗುವನ್ನು ಕಾರ್ನಲ್ಲಿ ಕುಳಿಸಿಕೊಂಡು ಪರಾರಿಯಾಗುತ್ತಿದ್ದರು.
ದಂಪತಿ ಪ್ರಸ್ತುತ ಪೊಲೀಸ್ ವಶದಲ್ಲಿದ್ದಾರೆ. ಅವರು ವಾಸಿಸುವ 30 ಮೈಲಿ ವ್ಯಾಪ್ತಿಯಲ್ಲಿರುವ ರೆಸ್ಟೋರೆಂಟ್ಗಳಲ್ಲಿ ಅಪರಾಧ ಎಸಗಿರುವ ಕುರಿತು ಮುಂದಿನ ತಿಂಗಳು ನ್ಯಾಯಾಲಯದ ವಿಚಾರಣೆಗೆ ಹಾಜರಾಗಬೇಕಿದೆ. ಮೆಕ್ಡೊನಾಗ್ ಮೇಲೆ ನಾಲ್ಕು ಕಳ್ಳತನದ ಆರೋಪಗಳನ್ನು ಹೊರಿಸಲಾಗಿದೆ.
ಈ ದಂಪತಿಯ ಭೋಜನ ಸವಿದ ಹಲವಾರು ವೀಡಿಯೊಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿವೆ. ಹೆಚ್ಚಿನ ಸಂದರ್ಭಗಳಲ್ಲಿ, ಈ ಜೋಡಿಯು ಅವರ ಕುಟುಂಬದ ಸದಸ್ಯರು ಎಂದು ಹೇಳಿಕೊಳ್ಳುವ ಇತರ ಜನರೊಂದಿಗೆ ಇದ್ದರು. ಕೆಲವು ಫ್ಯಾಮಿಲಿ ರೆಸ್ಟೊರೆಂಟ್ಗಳ ಪ್ರಕಾರ, ಇಬ್ಬರೂ ಪೂರ್ವಯೋಜಿತವಾಗಿ ಅದೇ ವಿಧಾನವನ್ನು ಅನುಸರಿಸುತ್ತಿದ್ದರು
ಇಸ್ರೇಲ್ ವಿರೋಧಿ ಪ್ರತಿಭಟನೆ: ಭಾರತೀಯ ಮೂಲದ ಪ್ರಿನ್ಸ್ ಟನ್ ವಿವಿ ವಿದ್ಯಾರ್ಥಿನಿ ಬಂಧನ