ನವದೆಹಲಿ: ಡೇವಿಡ್ ವಾರ್ನರ್, ಐಪಿಎಲ್ ಇತಿಹಾಸದಲ್ಲೇ ಶ್ರೇಷ್ಠ ಆಟಗಾರರಲ್ಲಿ ಒಬ್ಬರು ಎನಿಸಿಕೊಂಡಿದ್ದಾರೆ. ಆರಂಭಿಕನಾಗಿ ಉತ್ತಮ ಹೆಸರು ಮಾಡಿರುವ ವಾರ್ನರ್ಗೆ ಈ ಬಾರಿಯ ಐಪಿಎಲ್ನಲ್ಲಿ ಅದೃಷ್ಟ ಕೈಹಿಡಿಯಲಿಲ್ಲ. 2016ರಲ್ಲಿ ಸನ್ರೈಸರ್ಸ್ ಹೈದರಾಬಾದ್ ತಂಡ ಚಾಂಪಿಯನ್ಪಟ್ಟ ಅಲಂಕರಿಸುವಲ್ಲಿ ಪ್ರಮುಖ ಪಾತ್ರವಹಿಸಿದ್ದರು. ಆದರೆ, ಈ ಬಾರಿ ಸನ್ರೈಸರ್ಸ್ ತಂಡ ಸತತ ಸೋಲುಗಳಿಂದ ಕಂಗೆಟ್ಟರೆ, ವಾರ್ನರ್ ವೈಯಕ್ತಿಕವಾಗಿಯೂ ಹಿನ್ನಡೆ ಅನುಭವಿಸಿದರು. ಇದರಿಂದ ತಂಡದ ಆಡಳಿತ ಮಂಡಳಿ ವಾರ್ನರ್ ಅವರನ್ನು ನಾಯಕತ್ವದಿಂದ ಕೆಳಗಿಸಿತು. ಇದಾದ ಬಳಿಕ ಕೋವಿಡ್-19 ಪ್ರಕರಣಗಳು ಕಂಡುಬಂದ ಹಿನ್ನೆಲೆಯಲ್ಲಿ ಅನಿದಿರ್ಷ್ಟಾವಧಿವರೆಗೆ ಲೀಗ್ ಮುಂದೂಡಲಾಗಿದೆ. ಆದರೆ, ನಾಯಕತ್ವ ತಲೆದಂಡವಾಗಿದ್ದೆ ಪ್ರಮುಖ ಚರ್ಚೆಗೆ ಗ್ರಾಸವಾಯಿತು.
ತಂಡದ ಆಡಳಿತ ಮಂಡಲಿ ನಾಯಕತ್ವ ಕಸಿದ ಬಳಿಕ ವಾರ್ನರ್ ತೋರಿದ ಪ್ರತಿಕ್ರಿಯೆಗೆ ಸನ್ರೈಸರ್ಸ್ ತಂಡದ ಸಹಾಯಕ ಕೋಚ್ ಬ್ರಾಡ್ ಹ್ಯಾಡಿನ್ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ತಂಡದ ಆಡಳಿತ ಮಂಡಳಿ ವಾರ್ನರ್ ಅವರನ್ನು ನಾಯಕತ್ವದಿಂದ ಸಭೆಯಲ್ಲಿ ಪ್ರಕಟಿಸಿದ ಬಳಿಕ ವಾರ್ನರ್, ಮುಗ್ದ ನಗೆ ಬೀರಿ, ಮರು ಮಾತನಾಡದೆ ಸುಮ್ಮನಾದರು ಎಂದು ಹ್ಯಾಡಿನ್ ವಿವರಿಸಿದ್ದಾರೆ. ವಾರ್ನರ್ ಸಾರಥ್ಯದಲ್ಲಿ ಸನ್ರೈಸರ್ಸ್ 14ನೇ ಐಪಿಎಲ್ನಲ್ಲಿ ಇದುವರೆಗೂ ಆಡಿದ 6 ಪಂದ್ಯಗಳಲ್ಲಿ ಏಕೈಕ ಗೆಲುವು ದಾಖಲಿಸಲಷ್ಟೇ ಶಕ್ತವಾಯಿತು. ವಾರ್ನರ್ ನಾಯಕತ್ವದ ಜತೆಗೆ ಹನ್ನೊಂದರ ಬಳಗದಿಂದಲೂ ಸ್ಥಾನ ಪಡೆಯಲು ವಿಫಲರಾಗಿದ್ದರು.
ಇದನ್ನೂ ಓದಿ: ಗೋವಾಗೆ ತೆರಳುತ್ತಿದ್ದ ಪೃಥ್ವಿ ಷಾ ಮತ್ತು ಸ್ನೇಹಿತರನ್ನು ತಡೆದ ಪೊಲೀಸರು..!,
ಲೀಗ್ನಲ್ಲಿ ಸ್ಥಿರ ನಿರ್ವಹಣೆ ತೋರುತ್ತಿರುವ ವಿದೇಶಿ ಬ್ಯಾಟ್ಸ್ಮನ್ ಎನಿಸಿಕೊಂಡಿರುವ ವಾರ್ನರ್, ಸ್ಫೋಟಕ ಬ್ಯಾಟಿಂಗ್ಗೆ ಹೆಸರುವಾಸಿಯಾಗಿದ್ದಾರೆ. ಇವರ ಸಾರಥ್ಯದಲ್ಲಿ ಸನ್ರೈಸರ್ಸ್ ಆಡಿರುವ 67 ಪಂದ್ಯಗಳಲ್ಲಿ 35 ಜಯ ದಾಖಲಿಸಿದೆ.