ವಿಶ್ವವ್ಯಾಪಿಯಾದ ಕರೊನಾ ಸೋಂಕು ಹರಡುವುದನ್ನು ತಡೆಯಲು ಇರುವ ಒಂದು ಮಹತ್ವದ ಕ್ರಮ ಶಂಕಿತರು, ಸೋಂಕಿತರನ್ನು ಮನೆಯಲ್ಲಿ ಇತರರಿಂದ ಪ್ರತ್ಯೇಕಿಸಿ ಇಡುವುದು. ಇದಕ್ಕೆ ಮನೆ ಆರೈಕೆ (ಹೋಮ್ ಕ್ವಾರಂಟೈನ್) ಎನ್ನುತ್ತಾರೆ. ಈ ಹೋಮ್ ಕ್ವಾರಂಟೈನ್ ಹೇಗೆ ಮಾಡಬೇಕು ಎನ್ನುವ ಬಗ್ಗೆ ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ ಮಾರ್ಗದರ್ಶಿ ಸೂತ್ರಗಳನ್ನು ಜಾರಿ ಮಾಡಿದೆ. ನೀವೂ ಈ ನಿಯಮಗಳನ್ನು ಪಾಲಿಸಿ ಕರೊನಾದಿಂದ ದೂರ ಇರಬಹುದು.
ಅನುಸರಿಸಬೇಕಾದ ಆರೋಗ್ಯ ಕ್ರಮಗಳು
- ಸಾಬೂನು ಮತ್ತು ನೀರಿನಿಂದ ಅಥವಾ ಆಲ್ಕೋಹಾಲ್ ಆಧರಿತ ಸ್ಯಾನಿಟೈಸರ್ಗಳಿಂದ ಕೈ ತೊಳೆಯಬೇಕು.
- ಪಾತ್ರೆ, ಕುಡಿಯುವ ಲೋಟ, ಕಪ್, ಊಟದ ತಟ್ಟೆ, ಟವೆಲ್, ಹಾಸಿಗೆ ಮತ್ತಿತರ ಮನೆಯಲ್ಲಿರುವ ವಸ್ತುಗಳನ್ನು ಹಂಚಿಕೊಳ್ಳಬಾರದು.
- ಸದಾಕಾಲ ವೈದ್ಯಕೀಯ ಮುಖಗವಸು ಧರಿಸಬೇಕು. 6 ರಿಂದ 8 ಗಂಟೆಗೊಮ್ಮೆ ಮುಖಗವಸು ಬದಲಾವಣೆ ಮತ್ತು ವಿಲೇವಾರಿ.
- ಮನೆ ಆರೈಕೆ ವೇಳೆ ಸೋಂಕು ಪೀಡಿತರು, ಆರೈಕೆಗಾರರು ಅಥವಾ ನಿಕಟ ಸಂಪರ್ಕಗಳು ಬಳಸುವ ಮುಖಗವಸುಗಳನ್ನು ಸಾಮಾನ್ಯ ಬ್ಲೀಚ್ ದ್ರಾವಣ (5%) ಅಥವಾ ಸೋಡಿಯಂ ಹೈಪೊಕ್ಲೋರೈಡ್ ದ್ರಾವಣ (1%) ಬಳಸಿ ಸೋಂಕುರಹಿತಗೊಳಿಸಬೇಕು. ನಂತರ ಅದನ್ನು ಸುಡಬೇಕು ಅಥವಾ ಆಳ ಗುಂಡಿಯಲ್ಲಿ ಹೂತು ವಿಲೇವಾರಿ ಮಾಡಬೇಕು.
- ಕೆಮ್ಮು, ಜ್ವರ ಅಥವಾ ಉಸಿರಾಟದ ತೊಂದರೆಯಂಥ ರೋಗ ಲಕ್ಷಣ ಕಾಣಿಸಿಕೊಂಡರೆ ತಕ್ಷಣ ಸಮೀಪದ ಆರೋಗ್ಯ ಕೇಂದ್ರಕ್ಕೆ ಮಾಹಿತಿ ನೀಡಬೇಕು. ಅಥವಾ 011-23978046 ಸಂಖ್ಯೆಗೆ ತಿಳಿಸಬೇಕು.
- ಪ್ರತ್ಯೇಕಿತರಿಗೆ ರೋಗ ಲಕ್ಷಣ ಕಂಡುಬಂದರೆ ಅವರ ಎಲ್ಲ ನಿಕಟ ಸಂರ್ಪತರು ಕೂಡ ಮನೆಯಲ್ಲಿ 14 ದಿನ ಕಾಲ ನಿರ್ಬಂಧಿತರಾಗುತ್ತಾರೆ. ಹೆಚ್ಚುವರಿಯಾಗಿ 14 ದಿನಗಳವರೆಗೆ ಅಥವಾ ಪ್ರಯೋಗಾಲಯ ಪರೀಕ್ಷೆಯಲ್ಲಿ ನೆಗೆಟಿವ್ ವರದಿ ಬರುವವರೆಗೆ ಈ ನಿರ್ಬಂಧ ಅನ್ವಯ.
ಸಂಪರ್ಕವೆಂದರೇನು?
- ಆರೋಗ್ಯವಂತ ವ್ಯಕ್ತಿಯನ್ನೇ ಸಂಪರ್ಕ ಎಂದು ಪರಿಗಣನೆ. ವ್ಯಕ್ತಿಯಿಂದಲೇ ಇದು ಹರಡುತ್ತದೆ.
- ಇಂಥವರು ಸೋಂಕಿತರ ಸಂಪರ್ಕ ಅಥವಾ ಕಲುಷಿತ ವಾತಾವರಣದಲ್ಲಿದ್ದರೆ ಸೋಂಕು ಹರಡುವ ಅಪಾಯ ಹೆಚ್ಚು.
- ಶಿಫಾರಸು ಮಾಡಲಾದ ವೈಯಕ್ತಿಕ ರಕ್ಷಣಾ ಸಾಧನಗಳಿಲ್ಲದ (ಪಿಪಿಇ) ಅಥವಾ ಪಿಪಿಇ ಉಲ್ಲಂಘನೆಯೊಂದಿಗೆ ಸೋಂಕು ಪ್ರಕರಣದ ವ್ಯಕ್ತಿಯೊಂದಿಗೆ ನೇರ ದೈಹಿಕ ಸಂಪರ್ಕ ಅಥವಾ ಸಾಂಕ್ರಾಮಿಕ ಸ್ರಾವದೊಂದಿಗೆ ಸಂಪರ್ಕ ಹೊಂದಿರುವ ವ್ಯಕ್ತಿ.
- ಸಾಂಕ್ರಾಮಿಕ ರೋಗವು 14 ದಿನಗಳಲ್ಲಿ ಕಾಣಿಸುವ ಸಂಭವವಿರುತ್ತದೆ.
ಕುಟುಂಬ ಸದಸ್ಯರಿಗೆ ಸೂಚನೆಗಳು
- ನಿಯೋಜಿತ ಕುಟುಂಬ ಸದಸ್ಯರು ಮಾತ್ರವೇ ಕ್ವಾರಂಟೈನ್ಗೊಳಗಾದವರನ್ನು ನೋಡಿಕೊಳ್ಳಬೇಕು.
- ಧೂಳು ಹಿಡಿದ ಹೊದಿಕೆ ಕೊಡವಬಾರದು. ಚರ್ಮದೊಂದಿಗೆ ನೇರ ಸಂಪರ್ಕ ಬರುವುದನ್ನು ತಪ್ಪಿಸಬೇಕು. ಸ್ವಚ್ಛತೆ ವೇಳೆ ಬಿಸಾಡಬಹುದಾದ ಕೈಗವಸು ಬಳಸಬೇಕು. ಕೈಗವಸು ತೆಗೆದ ನಂತರ ಕೈ ತೊಳೆಯಬೇಕು.
- ಯಾರನ್ನೂ ಭೇಟಿಯಾಗಬಾರದು.
ನೈರ್ಮಲ್ಯ ಕ್ರಮ
- ಪ್ರತ್ಯೇಕಿತ ವ್ಯಕ್ತಿಯ ಕೋಣೆಯಲ್ಲಿನ ಮಂಚ, ಮೇಜು ಇತ್ಯಾದಿಗಳ ಮೇಲ್ಮೈಗಳನ್ನು 1% ಹೈಪೊಕ್ಲೋರೈಡ್ ದ್ರಾವಣದೊಂದಿಗೆ ಪ್ರತಿದಿನ ಸ್ವಚ್ಛಗೊಳಿಸಬೇಕು ಮತ್ತು ಸೋಂಕುರಹಿತಗೊಳಿಸಬೇಕು
- ಸಾಮಾನ್ಯ ಬ್ಲೀಚ್ ದ್ರಾವಣ ಅಥವಾ ಫಿನಾಲಿಕ್ ಸೋಂಕು ನಿವಾರಕಗಳಿಂದ ಪ್ರತಿದಿನ ಶೌಚಾಲಯ ಸ್ವಚ್ಛಗೊಳಿಸಬೇಕು.
- ಸಾಮಾನ್ಯ ಡಿಟರ್ಜೆಂಟ್ನಿಂದ ಪ್ರತ್ಯೇಕಿತರ ಬಟ್ಟೆ ಮತ್ತು ಇತರ ಹೊದಿಕೆಗಳನ್ನು ಒಗೆಯಬೇಕು.
ಪ್ರಕ್ರಿಯೆ ಹೇಗೆ?
- ಪ್ರಯಾಣಕ್ಕೆ ಸಂಬಂಧಿತ ಅಥವಾ ಸಂಬಂಧವಿಲ್ಲದ ಶಂಕಿತ ಕರೊನಾ ಸೋಂಕಿತರ ಗುರುತಿಸುವಿಕೆ.
- ನಿಗದಿತ ಆರೋಗ್ಯ ಕೇಂದ್ರಗಳಲ್ಲಿ ಅಂಥವರನ್ನು ಪ್ರತ್ಯೇಕಿಸಲಾಗುವುದು. ಶಂಕಿತ ಸೋಂಕಿತರೊಂದಿಗೆ ಸಂಪರ್ಕವಿರುವ ಎಲ್ಲ ಸಂರ್ಪತರ ಪಟ್ಟಿ ಸಿದ್ಧಪಡಿಸುವಿಕೆ.
- ಶಂಕಿತರೊಂದಿಗೆ ಸಂಪರ್ಕವಿರುವ ಎಲ್ಲರಿಗೆ ಅಥವಾ ಕೋವಿಡ್-19 ದೃಢಪಟ್ಟ ಎಲ್ಲರಿಗೆ ಹೋಮ್ ಕ್ವಾರಂಟೈನ್ ಅನ್ವಯ.
- ಹೋಮ್ ಕ್ವಾರಂಟೈನ್ ಅವಧಿಯು ದೃಢಪಡಿಸಿದ ಪ್ರಕರಣದ ಸಂಪರ್ಕದಿಂದ 14 ದಿನಗಳವರೆಗೆ ಅಥವಾ ಅದಕ್ಕಿಂತ ಮುಂಚೆಯೇ ಶಂಕಿತ ಪ್ರಕರಣದ ವ್ಯಕ್ತಿಗೆ ಪ್ರಯೋಗಾಲಯ ಪರೀಕ್ಷೆಯಲ್ಲಿ ನೆಗೆಟಿವ್ ಬಂದರೆ ಅಲ್ಲಿಯವರೆಗೆ ಇರುತ್ತದೆ.
ಪ್ರತ್ಯೇಕಿತ ವ್ಯಕ್ತಿ ಏನು ಮಾಡಬೇಕು?
- ಉತ್ತಮ ಗಾಳಿ, ಬೆಳಕು, ಪ್ರತ್ಯೇಕ ಶೌಚಾಲಯ ವಿರುವ ಒಂದು ಕೋಣೆಯಲ್ಲಿ ವಾಸ್ತವ್ಯ.
- ಕುಟುಂಬದ ಬೇರೊಬ್ಬ ಸದಸ್ಯ ಅದೇ ಕೋಣೆಯಲ್ಲಿ ಇರಬೇಕಾದರೆ ಇಬ್ಬರ ನಡುವೆ ಕನಿಷ್ಠ ಒಂದು ಮೀಟರ್ ಅಂತರ ಅಗತ್ಯ.
- ವೃದ್ಧರು, ಗರ್ಭಿಣಿಯರು, ಮಕ್ಕಳು ಮತ್ತು ಮನೆಯೊಳಗಿರುವ ಇತರ ಅಸ್ವಸ್ಥರಿಂದ ದೂರವಿರಬೇಕು.
- ದಿಗ್ಬಂಧಿತರ ಓಡಾಟ ಮನೆಯೊಳಗೆ ಸೀಮಿತವಾಗಿರಬೇಕು.
- ಮದುವೆ, ಅಂತ್ಯಕ್ರಿಯೆಯಂಥ ಸಾಮಾಜಿಕ/ಧಾರ್ವಿುಕ ಕಾರ್ಯಗಳಿಗೆ ಯಾವ ಕಾರಣಕ್ಕೂ ಹೋಗುವಂತಿಲ್ಲ.
ಹೆಚ್ಚು ಉಪ್ಪಿನಾಂಶ ಆಹಾರ ಸೇವಿಸಿದರೆ ಕರೊನಾದಿಂದ ಬಚಾವ್ ಆಗುವುದು ಕಷ್ಟ: ಸಂಶೋಧನಾ ವರದಿ