ಮುಂಬೈ: ಬಾಲಿವುಡ್ ನಟ ಸುಶಾಂತ್ ಸಿಂಗ್ ಸಾವಿನೊಂದಿಗೆ ಆರಂಭವಾದ ಬಾಲಿವುಡ್ ಡ್ರಗ್ಸ್ ಪ್ರಕರಣ ಹಲವಾರು ತಿರುವುಗಳನ್ನು ಪಡೆದುಕೊಂಡಿದೆ. ನಟಿ ದೀಪಿಕಾ ಪಡುಕೋಣೆ, ಸಾರಾ ಅಲಿಖಾನ್ರಂತಹ ಪ್ರಸಿದ್ಧರನ್ನೂ ಸಹ ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೋ (ಎನ್ಸಿಬಿ) ಅಧಿಕಾರಿಗಳು ವಿಚಾರಣೆ ನಡೆಸಿದ್ದಾರೆ. ಇದೀಗ ಮತ್ತೋರ್ವ ಪ್ರಸಿದ್ಧ ಹಾಸ್ಯ ನಟಿ ಮತ್ತು ಆಕೆಯ ಪತಿಯನ್ನು ಎನ್ಸಿಬಿ ವಿಚಾರಣೆಗೆ ವಳಪಡಿಸಿದೆ.
ಇದನ್ನೂ ಓದಿ: ಡಿಸೆಂಬರ್ ಮೊದಲ ವಾರದಲ್ಲಿ ಹೊಸ ಬಿಪಿಎಲ್, ಎಪಿಎಲ್ ಕಾರ್ಡ್ಗೆ ಅರ್ಜಿ ಸಲ್ಲಿಕೆ ಪ್ರಕ್ರಿಯೆ ಶುರು
ಕಪಿಲ್ ಶರ್ಮಾ ಕಾಮಿಡಿ ಶೋ ನೋಡಿದವರಿಗೆ ಭಾರ್ತಿ ಸಿಂಗ್ ಅವರ ಪರಿಚಯವಿರುತ್ತದೆ. ತಮ್ಮ ಮಾತುಗಳಿಂದಲೇ ಎಲ್ಲರನ್ನೂ ನಗಿಸಬಲ್ಲ ಪ್ರತಿಭೆ ಇರುವ ನಟಿ ಅವರು. ಬಾಲಿವುಡ್ ಸೇರಿ ದೇಶದ ಹಲವಾರು ಭಾಷೆಯ ಸಿನಿಮಾ ರಂಗದಲ್ಲೂ ಆಕೆಯ ಅಭಿಮಾನಿಗಳಿದ್ದಾರೆ. ಇದೀಗ ಅದೇ ನಟಿಯ ಸುತ್ತ ಡ್ರಗ್ಸ್ ವಾಸನೆ ಸಿಕ್ಕಿರುವುದಾಗಿ ತಿಳಿಸಲಾಗಿದೆ.
ಶನಿವಾರ ಬೆಳಗ್ಗೆ ಭಾರ್ತಿ ಅವರ ಮನೆಯ ಮೇಲೆ ಎನ್ಸಿಬಿ ದಾಳಿ ನಡೆಸಿದೆ. ಡ್ರಗ್ಸ್ ಪೆಡ್ಲರ್ ಒಬ್ಬರ ಬಾಯಿಯಲ್ಲಿ ಭಾರ್ತಿ ಅವರ ಪತಿ ಹರ್ಷ್ ಅವರ ಹೆಸರು ಕೇಳಿಬಂದಿದೆ. ಅದೇ ಹಿನ್ನೆಲೆಯಲ್ಲಿ ಅವರ ಮನೆ ಮೇಲೆ ದಾಳಿ ನಡೆಸಲಾಗಿದೆ. ಮನೆಯಲ್ಲಿ ಶೋಧ ನಡೆಸಿದಾಗ ಸಣ್ಣ ಪ್ರಮಾಣದ ಕನ್ನಾಬಿಸ್ ಸಿಕ್ಕಿರುವುದಾಗಿ ತಿಳಿಸಲಾಗಿದೆ. ಆ ಕಾರಣ ದಂಪತಿಯನ್ನು ಎನ್ಸಿಬಿ ತಮ್ಮ ಕಚೇರಿಗೆ ವಿಚಾರಣೆಗೆ ಕರೆದೊಯ್ದಿದೆ.
ಇದನ್ನೂ ಓದಿ: ಬಿಕಿನಿಯಲ್ಲಿ ಮಗಳು, ಫೋಟೋ ಕ್ಲಿಕ್ಕಿಸಿದ ಅಪ್ಪ; ವಿಟಮಿನ್-ಡಿಗಾಗಿ ಮೈಯೊಡ್ಡಿದ ನಟಿ…
ಡ್ರಗ್ಸ್ ಪ್ರಕರಣದಲ್ಲಿ ಈಗಾಗಲೇ ಸಾಕಷ್ಟು ನಟ ನಟಿಯರನ್ನು ಎನ್ಸಿಬಿ ವಿಚಾರಿಸಿದೆ. ಈ ಹಿಂದೆ ಅರ್ಜುನ್ ರಾಂಪಲ್ ಅವರ ಮನೆಯಲ್ಲಿ ಶೋಧ ನಡೆಸಿ ಅವರನ್ನೂ ವಿಚಾರಣೆ ನಡೆಸಲಾಗಿತ್ತು. (ಏಜೆನ್ಸೀಸ್)
ರಾಜ್ಯಧಾನಿ ಸಮೀಪ ಅಗ್ನಿ ದುರಂತ! ಹೊತ್ತಿ ಉರಿಯುತ್ತಿದೆ ಕೆಮಿಕಲ್ ಫ್ಯಾಕ್ಟರಿ
ನ್ಯಾಯ ಬೇಡಿ ಮನೆ ಬಾಗಿಲಿಗೆ ಬಂದ ಶಾಸಕನಿಗೆ ಶಿಸ್ತು ಸಮಿತಿಯತ್ತ ಬೆರಳು ತೋರಿಸಿ ಡಿಕೆಶಿ ಎಸ್ಕೇಪ್!