ಪಾಕಿಸ್ತಾನ: ಚೀನಾ ಮತ್ತು ಪಾಕಿಸ್ತಾನ ಆಪ್ತ ಆದದ್ದೇ ಭಾರತವನ್ನು ವಿರೋಧಿಸುವ ಉದ್ದೇಶದಿಂದ ಎನ್ನುವುದು ಜಗತ್ತಿಗೆ ಗೊತ್ತಿರುವ ಸತ್ಯ. ನಿನ್ನೆ (ನ.7) ಪಾಕಿಸ್ತಾನದಲ್ಲಿ ಚೀನಾ ರಹಸ್ಯವಾಗಿ ಜೈವಿಕ ಅಸ್ತ್ರ ತಯಾರಿಸುತ್ತಿದೆ ಎನ್ನುವುದು ತಿಳಿದುಬಂದಿತ್ತು.
ಇದೀಗ ಭಾರತದ ಗಡಿಯಿಂದ ಕೇವಲ 250 ಕಿ.ಮೀ ದೂರದಲ್ಲಿರುವ ರಾವಲ್ಪಿಂಡಿಯಲ್ಲಿ ಚೀನಾ ರಹಸ್ಯವಾಗಿ ಕೋವಿಡ್-19 ನಂತಹ ಜೈವಿಕ ಅಸ್ತ್ರವನ್ನು ತಯಾರಿಸುತ್ತಿದೆ ಎನ್ನುವುದು ಬಹಿರಂಗವಾಗಿದೆ. ಇದರಿಂದಾಗಿ ಜಗತ್ತು ಮತ್ತೊಂದು ಲಾಕ್ಡೌನ್ ಕಡೆಗೆ ಹೋಗಲಿದೆಯಾ ಎನ್ನುವ ಪ್ರಶ್ನೆ ಭೂತದಂತೆ ಎದುರಾಗಿದೆ.
ವಿಚಿತ್ರ ಎಂದರೆ ಕರೊನ ಹುಟ್ಟಿಕೊಂಡ ‘ವುಹಾನ್ ಇನ್ಸ್ಟಿಟ್ಯೂಟ್ ಆಫ್ ವೈರಾಲಜಿ ಲ್ಯಾಬ್’ ಪಾಕಿಸ್ತಾನದ ಲ್ಯಾಬ್ಗೆ ಸಹಾಯ ಮಾಡುತ್ತಿರುವುದು! ಭಾರತಕ್ಕೆ ಚಿಂತೆಯ ವಿಷಯ ಏನೆಂದರೆ ಈ ಲ್ಯಾಬ್ ಕೇವಲ 250 ಕಿ.ಮೀ ದೂರದಲ್ಲಿರುವುದು. ಭಾರತ ಜೈವಿಕ ಅಸ್ತ್ರಗಳ ಯುದ್ಧಕ್ಕೆ ಇನ್ನೂ ಪೂರ್ಣಪ್ರಮಾಣದಲ್ಲಿ ಸಿದ್ಧವಾಗಿಲ್ಲ. ಇಂತಹ ಸಂದರ್ಭದಲ್ಲಿ ಈ ಸುದ್ದಿ ಹೊರಬಿದ್ದಿರುವುದು ಭಾರತಕ್ಕೆ ದೊಡ್ಡ ತಲೆನೋವು ಆಗಲಿದೆ.
ಜೈವಿಕ ಅಸ್ತ್ರಗಳನ್ನು ವಿಶ್ವಯುದ್ಧದ ಸಂದರ್ಭದಲ್ಲೇ ನಿಷೇಧಿಸಲಾಗಿತ್ತು. ಆದರೂ ಚೀನಾ-ಪಾಕಿಸ್ತಾನ ಕದ್ದು ಮುಚ್ಚಿ ಇವುಗಳನ್ನು ತಯಾರು ಮಾಡುತ್ತಿದೆ. ಚೀನಾ ಅದರಲ್ಲೂ ಕಳ್ಳಾಟವಾಡುತ್ತಿದೆ. ‘ಸಮಸ್ಯೆ ಬಂದರೆ ನಮಗೆ ಬೇಡ’ ಎಂದು ಜೈವಿಕ ಅಸ್ತ್ರಗಳನ್ನು ದೂರದ ಪಾಕಿಸ್ತಾನದಲ್ಲಿ ತಯಾರಿಸುತ್ತಿದೆ. ಈ ರೀತಿ ಭಾರಿ ಚಾಣಾಕ್ಷತೆಯಿಂದ ಚೀನಾ ಚದುರಂಗದ ಆಟ ಆಡುತ್ತಿದೆ. (ಏಜೆನ್ಸೀಸ್)