ಬೀಜಿಂಗ್: ತೈವಾನ್ ಅಧ್ಯಕ್ಷೆ ಸಾಯ್ ಇಂಗ್ ವೆನ್ ಅಮೆರಿಕ ಭೇಟಿ ನೀಡುತ್ತಿರುವುದನ್ನು ಆಕ್ಷೇಪಿರಿಸುವ ಚೀನಾ ದ್ವೀಪ ರಾಷ್ಟ್ರದ ಸುತ್ತ ಮೂರು ದಿನಗಳ ಸಮರಾಭ್ಯಾಸ ನಡೆಸುವುದಾಗಿ ಪೀಪಲ್ಸ್ ಲಿಬರೇಷನ್ ಆರ್ಮಿ(PLA) ತಿಳಿಸಿದೆ.
3 ದಿನಗಳ ಕಾಲ ಸಮರಾಭ್ಯಾಸ ಆರಂಭಿಸಿರುವ ಚೀನಾ 8 ಯುದ್ಧ ನೌಕೆ, 42 ಪೈಟರ್ ಜೆಟ್ಗಳು ತೈವಾನ್ ಸುತ್ತ ಕಂಡು ಬಂದಿದೆ ಎಂದು ಅಲ್ಲಿನ ರಕ್ಷಣಾ ಸಚಿವಾಲಯ ತಿಳಿಸಿದೆ.
ಚೀನಾ ಆಕ್ಷೇಪ
ಸಾಯ್ ಇಂಗ್ ವೆನ್ ಅವರು ಲಾಸ್ ಏಂಜೆಲಿಸ್ನಲ್ಲಿ ಅಮೆರಿಕಾ ಸಂಸತ್ತಿನ ಸ್ಪೀಕರ್ ಕೆವಿನ್ ಮೆಕಾರ್ಥಿ ಅವರ ಜೊತೆ ಮಾತುಕತೆ ನಡೆಸಿರುವುದನ್ನು ಆಕ್ಷೇಪಿಸಿರುವ ಚೀನಾ ಮುಗಿಸಿ ತೈವಾನ್ಗೆ ಹಿಂದಿರುಗಿದ ನಂತರ ಆಕ್ರಮಣಕಾರಿ ನಿಲುವು ತಾಳಿದೆ.
ಶಾಂತಿಗೆ ಭಂಗ ತರಲು ಚೀನಾ ಕುತಂತ್ರ
ದೇಶದಲ್ಲಿ ಶಾಂತಿ-ಸುವ್ಯವಸ್ಥೆ ಹಾಳುಗೆಡವು ಚೀನಾದಲ್ಲಿರುವ ಕಮ್ಯೂನಿಸ್ಟ್ ಸರ್ಕಾರವು ಅದರ ಸೇನೆ ಬಳಸಿ ನಮ್ಮನ್ನು ಹೆದರಿಸಲು ಪ್ರಯತ್ನಿಸುತ್ತಿದೆ. ಇತ್ತೀಚಿನ ದಿನಗಳಲ್ಲಿ ತೈವಾನ್ ನಿರಂಕುಶ ವಿಸ್ತರಣಾಧಾರವನ್ನು ಎದುರಿಸುತ್ತಿದೆ.
ಈ ಹಿನ್ನಲೆಯಲ್ಲಿ ಪ್ರಜಾಸತಾತ್ಮಕ ರಾಷ್ಟ್ರಗಳ ಸಹಕಾರ ಅತ್ಯಗತ್ಯ,. ಸ್ವಾತಂತ್ರ್ಯ ಹಾಗೂ ಪ್ರಜಾಪ್ರಭುತ್ವದ ಮೌಲ್ಯಗಳನ್ನು ಕಾಪಾಡುವ ನಿಟ್ಟಿನಲ್ಲಿ ಅಮೆರಿಕ ಸೇರಿದಂತೆ ಸಮಾನ ಮನಸ್ಕ ದೇಶಗಳ ಜೊತೆ ಸೇರುವುದಾಗಿ ತೈವಾನ್ ಅಧ್ಯಕ್ಷೆ ಸಾಯ್ ಇಂಗ್ ವೆನ್ ತಿಳಿಸಿದ್ದಾರೆ.