ಅಯೋಧ್ಯೆ: ಅಯೋಧ್ಯೆಯಲ್ಲಿ ಹೊಸದಾಗಿ ನಿರ್ಮಿಸಲಾದ ಭಗವಾನ್ ಶ್ರೀರಾಮನ ದೇವಾಲಯದಲ್ಲಿ ಜನವರಿ 22 ರಂದು ರಾಮಲಲ್ಲಾ ಮೂರ್ತಿ ಪ್ರತಿಷ್ಠಾಪನೆ ಮಾಡಲಾಗುವುದು. ಇದಕ್ಕೆ ಸಂಬಂಧಿಸಿದಂತೆ ರಾಮನಗರಿಯಲ್ಲಿ ಭರದ ಸಿದ್ಧತೆಗಳು ನಡೆಯುತ್ತಿವೆ. ಅಂದಹಾಗೆ ರಾಮಮಂದಿರದ ಮುಖ್ಯ ಪಾದುಕೆ ಅಹಮದಾಬಾದ್ ತಲುಪಿದೆ. ಶ್ರೀರಾಮ ದೇವಾಲಯದ ಈ ಮುಖ್ಯ ಪಾದುಕೆ ಎನ್.ಜಿ. ಹೆದ್ದಾರಿಯಲ್ಲಿರುವ ತಿರುಪತಿ ಬಾಲಾಜಿ ದೇವಸ್ಥಾನದಲ್ಲಿ ದರ್ಶನಕ್ಕಾಗಿ ಇಡಲಾಗಿದೆ.
ರತ್ನದ ಕಲ್ಲುಗಳ ಬಳಕೆ
ಅಯೋಧ್ಯೆಯ ಶ್ರೀರಾಮ ದೇವಾಲಯದ ಈ ಚರಣ ಪಾದುಕೆಯನ್ನು ಹೈದರಾಬಾದ್‌ನ ಚಲ್ಲಾ ಶ್ರೀನಿವಾಸ ಶಾಸ್ತ್ರಿ ಅವರು 1 ಕೆಜಿ ಚಿನ್ನ ಮತ್ತು 7 ಕೆಜಿ ಬೆಳ್ಳಿಯಿಂದ ತಯಾರಿಸಿದ್ದಾರೆ. ಈ ಚರಣ ಪಾದುಕೆಯಲ್ಲಿಯೂ ಅಮೂಲ್ಯವಾದ ರತ್ನಗಳನ್ನು ಬಳಸಲಾಗಿದೆ. ಬಾಲಾಜಿ ದೇವಸ್ಥಾನದ ಟ್ರಸ್ಟಿಯಿಂದ ಈ ಪಾದುಕೆ ಅಹಮದಾಬಾದ್ ತಲುಪಿತು. ಸುಬ್ಬರಾಯುಡು ಅದನ್ನು ತಲೆಯ ಮೇಲೆ ಇಟ್ಟುಕೊಂಡು ದೇವಸ್ಥಾನದ ಒಳಗೆ ತೆಗೆದುಕೊಂಡು ಹೋದ ನಂತರ ಶ್ರೀ ಬಾಲಾಜಿ ದೇವಸ್ಥಾನದ ಪಂಡಿತರು ಶ್ರೀರಾಮ ಪಾದುಕೆಗಳಿಗೆ ವಿಶೇಷ ಪೂಜೆ ಸಲ್ಲಿಸಿದರು. ಬಳಿಕ ಅನೇಕ ಭಕ್ತರು ಶ್ರೀರಾಮ ವಾದುಕೆಗಳ ದರ್ಶನ ಪಡೆದರು. ಕೆಲವು ಭಕ್ತರು ತಮ್ಮ ತಲೆಯ ಮೇಲೆ ಇಟ್ಟುಕೊಳ್ಳುವ ಭಾಗ್ಯವನ್ನೂ ಪಡೆದರು.
41 ದಿನಗಳವರೆಗೆ ಕ್ರಾಂತಿ
ಚಲ್ಲಾ ಶ್ರೀನಿವಾಸ ಶಾಸ್ತ್ರಿ ಅವರು ಶ್ರೀರಾಮ ಪಾದುಕೆಗಳೊಂದಿಗೆ 41 ದಿನಗಳ ಕಾಲ ಅಯೋಧ್ಯೆಯನ್ನು ಪ್ರದಕ್ಷಿಣೆ ಮಾಡಿದ್ದರು. ಕಳೆದ ಎರಡು ವರ್ಷಗಳಿಂದ ರಾಮೇಶ್ವರದಿಂದ ಬದರಿನಾಥದವರೆಗಿನ ಎಲ್ಲ ಪ್ರಸಿದ್ಧ ದೇವಾಲಯಗಳಿಗೆ ಈ ಪಾದುಕೆಗಳನ್ನು ಕೊಂಡೊಯ್ದು ವಿಶೇಷ ಪೂಜೆ ಸಲ್ಲಿಸಲಾಗುತ್ತಿದೆ. ಈಗ ಈ ಚರಣ ಪಾದುಕೆಗಳನ್ನು ಅಹಮದಾಬಾದ್‌ನಿಂದ ದ್ವಾರಕಾದ ಸೋಮನಾಥಕ್ಕೆ ತೆಗೆದುಕೊಂಡು ಹೋಗಲಾಗುವುದು. ಅಲ್ಲಿಂದ ಈ ಚರಣ ಪಾದುಕೆ ಬದರಿನಾಥ ದೇವಾಲಯವನ್ನು ತಲುಪುತ್ತದೆ. ಅದರ ನಂತರ ಈ ಚರಣ ಪಾದುಕೆಯನ್ನು ಅಯೋಧ್ಯೆಯ ಶ್ರೀರಾಮ ದೇವಾಲಯದಲ್ಲಿ ಸ್ಥಾಪಿಸಲಾಗುವುದು.
ಮುಂಡರಗಿಯ ಯುವ ಶಿಲ್ಪಿಗೆ ಅಯೋಧ್ಯೆ ರಾಮ ಮಂದಿರ ನಿರ್ಮಾಣ ಕಾರ್ಯಕ್ಕೆ ಆಹ್ವಾನ
ತಮಿಳುನಾಡಿನ 4 ಜಿಲ್ಲೆಗಳು ಜಲಾವೃತ; ಶಾಲಾ-ಕಾಲೇಜುಗಳು, ಕಚೇರಿಗಳಿಗೆ ರಜೆ, ಹಲವು ವಿಮಾನಗಳು-ರೈಲುಗಳು ರದ್ದು