ಸಿಂಧನೂರು: ನಗರ ಹಾಗೂ ತಾಲೂಕಿನ ಗ್ರಾಮೀಣ ಪ್ರದೇಶದಲ್ಲಿ ಭಾನುವಾರ ಸಡಗರದಿಂದ ಮನೆ ಹಾಗೂ ದೇವಸ್ಥಾನಗಳಲ್ಲಿ ನಾಗರ ಮೂರ್ತಿಗೆ ವಿಶೇಷ ಪೂಜೆ ಮಾಡಿ, ಹಾಲೆರೆದರು.
ಇದನ್ನೂ ಓದಿ: ಸಂಭ್ರಮದಿಂದ ನಾಗರ ಪಂಚಮಿ ಆಚರಣೆ
ಮನೆ ಬಾಗಿಲಿಗೆ ಮಾವಿನ ತೋರಣಗಳಿಂದ ಅಲಂಕರಿಸಿದರು, ಮನೆ ಮುಂದೆ ರಂಗೋಲಿ ಹಾಕುವ ಮೂಲಕ ನಾಗರ ಪಂಚಮಿಯನ್ನು ಸಂಭ್ರಮದಿಂದ ಸ್ವಾಗತಿಸಿದರು. ವಿವಿಧ ದಿನಿಸಿನ ಉಂಡಿ, ಕೊಬ್ಬರಿ ಇತರ ಸಿಹಿ ಪದಾರ್ಥಗಳನ್ನು ದೇವರಿಗೆ ಅರ್ಪಿಸಿದರು.
ನಗರದ ಅಗ್ನಿ ಆಂಜನೇಯ ದೇವಸ್ಥಾನ ಬಳಿಯ ನಾಗರ, 7ನೇ ವಾರ್ಡಿನಲ್ಲಿರುವ ನಾಗದೇವರ ಕಟ್ಟೆ, 13ನೇ ವಾರ್ಡಿನ ಮಲ್ಲಯ್ಯ ದೇವಸ್ಥಾನ ಬಳಿಯ ನಾಗರಕಟ್ಟೆ ಸೇರಿ ನಗರದ ವಿವಿಧೆಡೆ ಹಾಗೂ ಗ್ರಾಮೀಣ ಪ್ರದೇಶದಲ್ಲಿ ಪಂಚಮಿಯನ್ನು ಸಂತಸದಿಂದ ಆಚರಿಸಿದರು.