ನವದೆಹಲಿ: ಅಮೇಜಾನ್ನಲ್ಲಿ ನಾವು ಹೋಮ್ ಡಿಲಿವರಿ ಬಗ್ಗೆ ಕೇಳಿದ್ದೇವೆ ಆದರೆ ಈಗ ಹೋಮೇ ಡಿಲಿವರಿ ಆಗುತ್ತಿದೆ. ಅಚ್ಚರಿಯಾದರೂ ಇದು ಸತ್ಯ. ಮಡಚಬಹುದಾದ ಹಾಗೂ ಸುಲಭವಾಗಿ ಸಾಗಿಸಬಹುದಾದ ಮನೆಯನ್ನು ಅಮೇಜಾನ್ ಮಾರಾಟ ಮಾಡುತ್ತಿದೆ. ಈ ಮನೆಯ ವಿಶೇಷತೆ ಏನು? ಬೆಲೆ ಎಷ್ಟು? ಎಂಬುದರ ಬಗ್ಗೆ ನಾವೀಗ ತಿಳಿದುಕೊಳ್ಳೋಣ.
ಕಳೆದ ಮಂಗಳವಾರ ಅಮೆರಿಕದ ಟಿಕ್ಟಾಕ್ ಬಳಕೆದಾರರೊಬ್ಬರು ಅಮೇಜಾನ್ನಲ್ಲಿ ಫೋಲ್ಡೇಬಲ್ ಮನೆಯನ್ನು ಖರೀದಿ ಮಾಡಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆದ ಬಳಿಕ ಈ ಫೋಲ್ಡೆಬಲ್ ಮನೆ ಭಾರಿ ಸುದ್ದಿಯಾಗಿದೆ. ಅಮೆರಿಕದಲ್ಲಿ ಬಾಡಿಗೆ ಗಗನಮುಖಿಯಾಗಿದೆ ಮತ್ತು ಆಸ್ತಿಯ ಬೆಲೆಗಳು ಸಹ ಏರಿಕೆಯಾಗಿರುವ ಹಿನ್ನೆಲೆಯಲ್ಲಿ ಅನೇಕ ಜನರು ಚಿಕ್ಕ ಮನೆಗಳನ್ನು ಆಯ್ಕೆ ಮಾಡುವುದು ಅಥವಾ ಪೋರ್ಟಬಲ್ ಮನೆಗಳನ್ನು ನಿರ್ಮಿಸುತ್ತಿದ್ದಾರೆ.
Amazon sells these houses for $19,000 because no one can afford a real home anymore. They are glorified shipping containers. pic.twitter.com/4mLJF2HaJx
— Ian Miles Cheong (@stillgray) February 5, 2024
ಅಂದಹಾಗೆ ಈ ಫೋಲ್ಡೇಬಲ್ ಮನೆಯ ಬೆಲೆ 26 ಸಾವಿರ ಡಾಲರ್. ಭಾರತೀಯ ಕರೆನ್ಸಿ ಪ್ರಕಾರ ಬರೋಬ್ಬರಿ 21.3 ಲಕ್ಷ ರೂಪಾಯಿ. ಇದರಲ್ಲಿ ಸಣ್ಣು ಅಡುಗೆ ಕೋಣೆ, ಲಿವಿಂಗ್ ಏರಿಯಾ, ಬೆಡ್ರೂಮ್ ಮತ್ತು ಟಾಯ್ಲೆಟ್ ಸೌಲಭ್ಯ ಇರಲಿದೆ. ಸದ್ಯ ವಿಡಿಯೋ ವೈರಲ್ ಆಗಿದ್ದು, ಕೆಲ ನೆಟ್ಟಿಗರು ಮನೆಯನ್ನು ನೋಡಿ ನಂಬಲಾಗದ ಮತ್ತು ವೆರಿ ಕೂಲ್ ಎಂದು ಕಮೆಂಟಿಸಿದ್ದಾರೆ. ಇನ್ನೂ ಕೆಲವರು ಈ ಮನೆಯಿಂದ ಹೆಚ್ಚೇನೂ ಪ್ರಭಾವಿತರಾಗಿಲ್ಲ.
ಹೊಸ ತಲೆಮಾರಿನ ಮನೆ ಇದಾಗಿದ್ದು, ಈ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ತೀವ್ರ ಚರ್ಚೆ ನಡೆಯುತ್ತಿದೆ. ಕ್ಯಾಪಿಟಲ್ಮೈಂಡ್ ಕಂಪನಿ ಸಿಇಒ ದೀಪಕ್ ಶೆಣೈ ಕೂಡ ಚರ್ಚೆಗೆ ಧುಮುಕಿದರು ಮತ್ತು ಹೆಚ್ಚಿನ ರಿಯಲ್ ಎಸ್ಟೇಟ್ ವ್ಯವಹಾರಕ್ಕೆ ಹೆಸರುವಾಸಿಯಾಗಿರುವ ಮುಂಬೈನಲ್ಲಿ ಈ ಮನೆಗಳನ್ನು ಮಾರಾಟ ಮಾಡಿದರೆ ಏನಾಗುತ್ತದೆ ಎಂದು ಊಹಿಸಿದರು. ಮುಂಬೈನಲ್ಲಿ ಮಾರಾಟ ಮಾಡುವುದಾದರೆ ಪ್ರತಿ ಮನೆಗೆ 5 ಕೋಟಿ ರೂ. ತಗುಲುತ್ತದೆ ಎಂದರು. (ಏಜೆನ್ಸೀಸ್)
This would retail in Mumbai for at least 5 crores each and you still won't be allowed to cook non veg in them https://t.co/HXnpmA7HkJ
— Deepak Shenoy (@deepakshenoy) February 6, 2024
ಇಂಗ್ಲೆಂಡ್ ವಿರುದ್ಧದ ಉಳಿದ 3 ಟೆಸ್ಟ್ ಪಂದ್ಯಗಳಿಗೂ ಕೊಹ್ಲಿ ಅಲಭ್ಯ: ಬಿಸಿಸಿಐ ಕೊಟ್ಟ ಕಾರಣ ಹೀಗಿದೆ…
ದೇಶ ವಿಭಜನೆ ಮಾಡುವ ದೇಶದ್ರೋಹಿಗಳನ್ನು ಗುಂಡಿಟ್ಟು ಕೊಲ್ಲಿ ಎಂದಿದ್ದೇನೆ: ಕೆ.ಎಸ್. ಈಶ್ವರಪ್ಪ