ಜಮ್ಮು-ಕಾಶ್ಮೀರದ ಸಾಂಬಾ ಜಿಲ್ಲೆಯಲ್ಲಿರುವ ಅಂತಾರಾಷ್ಟ್ರೀಯ ಗಡಿ ಬಳಿ ಸುರಂಗವೊಂದು ಪತ್ತೆಯಾಗಿದೆ. ಅಲ್ಲಿ ಗಸ್ತು ತಿರುಗುತ್ತಿದ್ದ ಬಿಎಸ್ಎಫ್ ಯೋಧರು ಈ ಸುರಂಗವನ್ನು ಪತ್ತೆಹಚ್ಚಿದ್ದಾರೆ.
ಇದು ಉಗ್ರರು ಒಳನುಸುಳಲು ಬಳಸುತ್ತಿದ್ದ ಸುರಂಗ ಮಾರ್ಗ ಎಂದು ಬಿಎಸ್ಎಫ್ ಶಂಕೆ ವ್ಯಕ್ತಪಡಿಸಿದೆ. ಗಡಿಯಲ್ಲಿ ಭಾರತದ ಬದಿಯಲ್ಲಿರುವ ಬೇಲಿಯಿಂದ ಸುಮಾರು 50 ಮೀಟರ್ ಅಂತರಲ್ಲಿ ಈ ಸುರಂಗ ಕಂಡುಬಂದಿದೆ.
ಸುರಂಗ ಮಾರ್ಗದ ಚಿಕ್ಕ ದ್ವಾರಗಳ ಬಳಿ ಮರಳಿನ ಪ್ಲಾಸ್ಟಿಕ್ ಚೀಲಗಳು ಇವೆ. ಹಾಗೇ ಅದರ ಮೇಲೆ ಪಾಕಿಸ್ತಾನದ ಗುರುತುಗಳೂ ಇವೆ ಎಂದು ಬಿಎಸ್ಎಫ್ ಮಾಹಿತಿ ನೀಡಿದೆ. ಇದನ್ನೂ ಓದಿ: ‘ತಾಯಿ-ಮಗಳು-ಮೊಮ್ಮಗಳು..’: ನಡೆದೇ ಹೋಯ್ತು ಕ್ರೈಂ..ಅಜ್ಜಿಯೇ ಆರೋಪಿ
ಇತ್ತೀಚೆಗೆ ಸುರಿದ ಮಳೆಯಿಂದ ಕೆಲವು ಜಾಗಗಳಲ್ಲಿ ನೀರು ಅತಿಯಾಗಿ ತುಂಬುತ್ತಿರುವುದನ್ನು ನೋಡಿದ ಗಡಿ ಭದ್ರತಾ ಪಡೆಯ ಸಿಬ್ಬಂದಿ, ಅನುಮಾನಗೊಂಡು ಪರಿಶೀಲನೆ ನಡೆಸಿದಾಗ ಅಲ್ಲಿ ಸುರಂಗ ಮಾರ್ಗಗಳು ಕಂಡುಬಂದಿವೆ ಎನ್ನಲಾಗಿದೆ. ಹಾಗೇ, ಸುರಂಗ ಈಗಾಗಲೇ 20 ಮೀಟರ್ ಉದ್ದವಾಗಿದೆ ಎಂಬುದು ಗೊತ್ತಾಗಿದೆ. ಇನ್ನೂ ನಿರ್ಮಾಣ ಹಂತದಲ್ಲಿದೆ ಎಂಬುದು ಬೆಳಕಿಗೆ ಬಂದಿದೆ.
ಬಿಎಸ್ಎಫ್ನ ಜಮ್ಮು ಐಜಿ ಎನ್.ಎಸ್.ಜಮ್ವಾಲ್ ಅವರೂ ಕೂಡ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಇಲ್ಲಿ ಕಂಡು ಬಂದ 8-10 ಪ್ಲಾಸ್ಟಿಕ್ ಚೀಲಗಳ ಮೇಲೆ ಕರಾಚಿ ಮತ್ತು ಶಕರ್ಗಢ್ ಎಂದು ಬರೆದುಕೊಂಡಿದೆ. ಸುರಂಗ ಕಂಡು ಬಂದ ಸ್ಥಳದಿಂದ ಪಾಕಿಸ್ತಾನದ ಗುಲ್ಜಾರ್ ಪೋಸ್ಟ್ 700 ಮೀಟರ್ ದೂರದಲ್ಲಿದೆ ಎಂದು ಬಿಎಸ್ಎಫ್ ಹೇಳಿದೆ. (ಏಜೆನ್ಸೀಸ್)
ಮಾವನ ಹತ್ಯೆ, ಅತ್ತೆಯ ಪರಿಸ್ಥಿತಿ ತೀವ್ರ ಗಂಭೀರ: ಇದು ಸುರೇಶ್ ರೈನಾ ವಾಪಸ್ ಆಗಲು ಕಾರಣ