ಬ್ರಿಟನ್: ಶಾಲೆ ಬಿಟ್ಟ ತಕ್ಷಣ ಮಕ್ಕಳನ್ನು ಕರೆದುಕೊಂಡು ಹೋಗಲು ಅಮ್ಮ ಅಥವಾ ಅಪ್ಪ ಬರುತ್ತಾರೆ. ಆಗ ಬೇಡವೆಂದರೂ ಕೆಲವರ ಕಣ್ಣು ಆ ತಂದೆ/ತಾಯಿಯ ಮೇಲೆ ಬೀಳೋದು ಸಾಮಾನ್ಯ. ಅಂತದರಲ್ಲಿ ಅವರು ಮೈ ತೋರಿಸೋ ಬಟ್ಟೆ ಹಾಕಿಕೊಂಡಿದ್ದರಂತೂ ಮುಗಿದೇ ಹೋಯಿತು. ಇದೇ ಕಾರಣಕ್ಕೆ ಆ ಒಂದು ಶಾಲೆ ಖಡಕ್ ವಾರ್ನಿಂಗ್ ಕೊಟ್ಟಿದೆ.
ಬ್ರಿಟನ್ನ ಶಾಲೆಯೊಂದರಲ್ಲಿ ವಿದ್ಯಾರ್ಥಿಗಳ ತಾಯಂದಿರಿಗೆ ಖಡಕ್ ವಾರ್ನಿಂಗ್ ಕೊಡಲಾಗಿದೆ. ಮಕ್ಕಳನ್ನು ಕರೆದುಕೊಂಡು ಹೋಗಲು ಬರುವಾಗ ತೀರಾ ತೆಳ್ಳಗಿರುವ ಅಥವಾ ಅಂಡರ್ವೇರ್ನಂತೆ ಕಾಣುವ ಬಟ್ಟೆಯನ್ನು ಹಾಕಿಕೊಂಡು ಬರಬೇಡಿ ಎಂದು ಸೂಚಿಸಲಾಗಿದೆ. ಈ ಸೂಚನೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ. “ನಾನು ಚಳಿಗಾಲದ ಒಂದು ದಿನ ನನ್ನ ಮಗುವನ್ನು ಶಾಲೆಯಿಂದ ಕರೆದುಕೊಂಡು ಹೋಗಲು ಬಂದಿದ್ದೆ. ಆಗ ಒಬ್ಬಳು ತಾಯಿ ಮಿನಿ ಸ್ಕರ್ಟ್ ಮತ್ತು ಕ್ರಾಪ್ ಟಾಪ್ನಲ್ಲಿ ಬಂದು ಆಕೆಯ ಮಗುವನ್ನು ಕರೆದುಕೊಂಡು ಹೋದರು. ಆ ಬಟ್ಟೆಯಲ್ಲಿ ಆಕೆಯ ದೇಹದ ಬಹುತೇಕ ಭಾಗಗಳು ಪ್ರದರ್ಶನವಾಗುತ್ತಿತ್ತು. ಇನ್ನೊಂದು ದಿನ ಇನ್ನೊಬ್ಬ ತಾಯಿ ವಿ ಶೇಪ್ ಟಾಪ್ ಹಾಕಿಕೊಂಡು ಬಂದಿದ್ದರು. ಅದು ಟಾಪ್ ಅಥವಾ ಬ್ರಾ ಎನ್ನುವ ಗೊಂದಲ ಹುಟ್ಟಿಸುವಂತಿತ್ತು. ಶಾಲೆಯ ಈ ನಿರ್ಧಾರ ಸ್ವಾಗತಾರ್ಹ” ಎಂದಿದ್ದಾರೆ ಒಬ್ಬ ಪೋಷಕಿ.
ಕೆಲ ಪೋಷಕರಿಂದ ವಿರೋಧ ವ್ಯಕ್ತವಾದ ಹಿನ್ನೆಲೆಯಲ್ಲಿ ಶಾಲೆ ವಾರ್ನಿಂಗ್ನಲ್ಲಿ ಕೆಲ ಬದಲಾವಣೆ ತಂದಿದೆ. ಇದು ವಾರ್ನಿಂಗ್ ಅಲ್ಲ ಬದಲಾಗಿ ಒಂದು ಮಾರ್ಗಸೂಚಿಯಷ್ಟೇ ಎಂದು ತಿಳಿಸಲಾಗಿದೆ. (ಏಜೆನ್ಸೀಸ್)
ಭಾರತೀಯರಿಗೆ ಸ್ಪೆಷಲ್ ಆಗಿ ಬರ್ತಿದೆ ಸ್ಕೋಡಾ ‘ಕುಶಾಕ್’; ಇದರ ಸ್ಪೆಷಾಲಿಟಿ ಏನೆಂದು ತಿಳಿದುಕೊಳ್ಳಿ
ನಂದಿಗ್ರಾಮದಲ್ಲಿ ಎರಡು ಮನೆ ಬಾಡಿಗೆಗೆ ಪಡೆದ ದೀದಿ! ಚುನಾವಣೆ ಮುಗಿದ ತಕ್ಷಣ ಅಲ್ಲಿಂದ ಎಸ್ಕೇಪ್?