ಮುಂಬೈ: ಗೋವಾ ಬ್ಯೂಟಿ ಇಲಿಯಾನಾ ಡಿ ಕ್ರೂಸ್ ನಟನೆಗಿಂತ ತಮ್ಮ ದೇಹ ಸೌಂದರ್ಯದಿಂದಲೇ ಪ್ರಸಿದ್ಧಿಯಾದವರು. ಬ್ಯೂಟಿಫುಲ್ ಲುಕ್, ಸ್ಟೈಲ್, ಕ್ಯೂಟ್ ಸ್ಮೈಲ್ ಮತ್ತು ಅದ್ಭುತ ವ್ಯಕ್ತಿತ್ವದಿಂದಲೇ ಹೆಸರಾಗಿರುವ ಬರ್ಫಿ ನಟಿ, ಆಗಾಗ ಮಾದಕ ಫೋಟೋಗಳನ್ನು ಹರಿಬಿಟ್ಟು ಅಭಿಮಾನಿಗಳ ಹೃದಯ ಬಡಿತವನ್ನು ಏರಿಸುತ್ತಿರುತ್ತಾರೆ.
ಸಾಕಷ್ಟು ಬಿಕಿನಿ ಫೋಟೋಗಳನ್ನು ಪೋಸ್ಟ್ ಮಾಡುವ ಮೂಲಕ ಜಾಲತಾಣದಲ್ಲಿ ಕಿಚ್ಚು ಹಚ್ಚುವ ಇಲಿಯಾನಾ ತಮ್ಮ ವೈಯಕ್ತಿಕ ವಿಚಾರಗಳಿಂದಲೂ ಅನೇಕ ಬಾರಿ ಸುದ್ದಿಗೆ ಗ್ರಾಸವಾಗಿದ್ದಾರೆ. ಇನ್ನು ಇಲಿಯಾನಾಗೆ ವಿವಾದಗಳೇನೂ ಹೊಸತಲ್ಲ. ಸದ್ಯ ದಕ್ಷಿಣ ಭಾರತ ಸಿನಿಮಾ ರಂಗದಿಂದ ದೂರವಾಗಿ ಬಾಲಿವುಡ್ನಲ್ಲಿ ಬೀಡು ಬಿಟ್ಟಿರುವ ಇಲಿಯಾನಾಗೆ ದಕ್ಷಿಣದ ದ್ವಾರ ಶಾಶ್ವತವಾಗಿ ಮುಚ್ಚುವ ಸ್ಥಿತಿ ಎದುರಾಗಿದೆ.
ಇದನ್ನೂ ಓದಿ: ನಾಳೆ ದ್ವಿತೀಯ ಪಿಯು ಪರೀಕ್ಷೆ ಆರಂಭ; 35 ಪರೀಕ್ಷಾ ಕೇಂದ್ರದಲ್ಲಿ ಸಕಲ ಸಿದ್ಧತೆ
ದಕ್ಷಿಣ ಭಾರತ ಸಿನಿಮಾಗಳಿಂದ ಇಲಿಯಾನಾರನ್ನು ಬ್ಯಾನ್ ಮಾಡಲಾಗಿದೆ. ತಮಿಳು ನಿರ್ಮಾಪಕರೊಬ್ಬರು ಇಲಿಯಾನಾ ವಿರುದ್ಧ ದೂರು ನೀಡಿದ್ದಾರೆ. ಸಿನಿಮಾವೊಂದಕ್ಕೆ ಮುಂಗಡವಾಗಿ ಹಣ ಪಡೆದುಕೊಂಡು ಈವರೆಗೂ ಶೂಟಿಂಗ್ಗೆ ಹಾಜರಾಗಿಲ್ಲ ಮತ್ತು ತುಂಬಾ ವಿಳಂಬ ಮಾಡುತ್ತಿದ್ದಾರೆ. ಹಣವನ್ನು ಹಿಂತಿರುಗಿಸದೇ ಸತಾಯಿಸುತ್ತಿದ್ದಾರೆ. ಇಲಿಯಾನಾರ ಈ ನಡೆ ಶೂಟಿಂಗ್ ಮೇಲೆ ಪ್ರಭಾವ ಬೀರಿದೆ ಎಂದು ಆರೋಪಿಸಿದ್ದಾರೆ.
ಇಲಿಯಾನಾ ವಿರುದ್ಧದ ದೂರು ಫಿಲ್ಮ್ ಚೇಂಬರ್ ಬಾಗಿಲಿಗೆ ತಲುಪಿದೆ. ಇದೀಗ ಫಿಲ್ಮ್ ಚೇಂಬರ್ ಇಲಿಯಾನಾರನ್ನು ದಕ್ಷಿಣ ಭಾರತ ನಾಲ್ಕು ಭಾಷೆಯ ಸಿನಿಮಾಗಳಿಂದ ಬ್ಯಾನ್ ಮಾಡಲಾಗಿದೆ. ಆದರೆ, ಈ ಬಗ್ಗೆ ಇಲಿಯಾನಾ ಈವರೆಗೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಅವರು ಏನು ಹೇಳಲಿದ್ದಾರೆ ಎಂಬ ಕುತೂಹಲ ಅಭಿಮಾನಿಗಳಲ್ಲಿ ಮನೆ ಮಾಡಿದೆ.
ಸದ್ಯಕ್ಕೆ ಇಲಿಯಾನಾ ರಣದೀಪ್ ಹೂಡಾ ಜತೆ ಅನ್ಫೇರ್ ಆ್ಯಂಡ್ ಲವ್ಲಿ ಸಿನಿಮಾವನ್ನು ಪೂರ್ಣಗೊಳಿಸಿದ್ದಾರೆ. (ಏಜೆನ್ಸೀಸ್)
PHOTOS| ಟೂ ಪೀಸ್ ಧರಿಸಿ ಪಡ್ಡೆ ಹುಡುಗರ ನಿದ್ದೆಗೆಡಿಸಿದ ಹಾಟ್ ಬ್ಯೂಟಿ ಇಲಿಯಾನಾ!
ಬಾಯ್ಫ್ರೆಂಡ್ ಜತೆ ಬ್ರೇಕಪ್, ಗರ್ಭಿಣಿ, ಆತ್ಮಹತ್ಯೆ ಯತ್ನ ಕುರಿತು ಸ್ಪಷ್ಟನೆ ನೀಡಿದ ಇಲಿಯಾನಾ!
ತನ್ನ ದೊಡ್ಡ ನಿತಂಬಗಳಿಂದಾದ ಅವಮಾನದ ಬಗ್ಗೆ ಮಾತನಾಡಿದ ಗೋವಾ ಬ್ಯೂಟಿ ಇಲಿಯಾನಾ..!