ಹುಬ್ಬಳ್ಳಿ: ಹುಬ್ಬಳ್ಳಿಯಲ್ಲಿ ಇಂದು ಚಲಿಸುತ್ತಿದ್ದ ಬೈಕ್ನಿಂದ ಇದ್ದಕ್ಕಿದ್ದಂತೆ ಬ್ಲಾಸ್ಟ್ ಆದ ಸದ್ದು ಕೇಳಿ ಬಂದಿದ್ದು, ರಸ್ತೆ ಅಕ್ಕಪಕ್ಕದಲ್ಲಿದ್ದ ಜನರಲ್ಲಿ ಹಲವರು ಒಮ್ಮೆ ಬೆಚ್ಚಿ ಬೀಳುವಂತಾಗಿದೆ. ಮಾತ್ರವಲ್ಲ, ಬೈಕ್ ಸವಾರರು ಬೆದರಿ ಬೈಕ್ನಿಂದ ಪಕ್ಕಕ್ಕೆ ನೆಗೆದಿದ್ದಾರೆ.
ಹುಬ್ಬಳ್ಳಿಯ ಮಹಾನಗರಪಾಲಿಕೆ ಎದುರುಗಡೆಯೇ ಇಂಥದ್ದೊಂದು ಘಟನೆ ಸಂಭವಿಸಿದೆ. ಬೈಕ್ನಲ್ಲಿ ಇಬ್ಬರು ಯುವಕರು ಸಾಗುತ್ತಿದ್ದು, ಅದೃಷ್ಟವಶಾತ್ ಯಾವುದೇ ಪ್ರಾಣಾಪಾಯ ಸಂಭವಿಸಿಲ್ಲ.
ಈ ಯುವಕರು ಬೈಕ್ನಲ್ಲಿ ಆಕ್ಸಿಜನ್ ಸಿಲಿಂಡರ್ ಕೊಂಡೊಯ್ಯುತ್ತಿದ್ದರು. ಆಗ ಸಿಲಿಂಡರ್ ಬ್ಲಾಸ್ಟ್ ಆಗಿದ್ದು, ಪವಾಡದ ರೀತಿಯಲ್ಲಿ ಬೈಕ್ ಸವಾರರು ಅಪಾಯದಿಂದ ಪಾರಾಗಿದ್ದಾರೆ. ಬೈಕ್ ಕೆಳಕ್ಕೆ ಬಿದ್ದಿದ್ದು, ಬೆಚ್ಚಿಬಿದ್ದ ಜನರು ಕೂಡಲೇ ಸಾವರಿಸಿಕೊಂಡು ಬೈಕ್ ಸವಾರರ ನೆರವಿಗೆ ಧಾವಿಸಿದರು. ಬೈಕ್ ಸವಾರರಿಗೆ ನೀರು ಕೊಟ್ಟು ಧೈರ್ಯ ತುಂಬಿದರು.
ಕೆಮಿಕಲ್ ಸೋರಿಕೆಯಿಂದಾಗಿ ಕಾರ್ಮಿಕರೊಬ್ಬರ ಸಾವು; ಮೂವರ ಪರಿಸ್ಥಿತಿ ಗಂಭೀರ…