ಬೆಂಗಳೂರು: ‘ರಾಮ ರಾಮಾ ರೇ’ ಖ್ಯಾತಿಯ ನಿರ್ದೇಶಕ ಸತ್ಯಪ್ರಕಾಶ್, ಕೆಲವು ದಿನಗಳ ಹಿಂದೆ ಯೂಟ್ಯೂಬ್ನಲ್ಲಿ ಸತ್ಯ ಪಿಕ್ಚರ್ಸ್ ಎಂಬ ಹೊಸ ಚಾನಲ್ ಪ್ರಾರಂಭಿಸಿದ್ದರು. ಈ ಚಾನಲ್ನಲ್ಲಿ ಒಂದಿಷ್ಟು ಹೊಸ ತರಹ ಪ್ರಯೋಗಗಳನ್ನು ಮಾಡುವುದಾಗಿ ಹೇಳಿದ್ದರು. ಅದರಂತೆ ಈಗ ಸತ್ಯ ಪಿಕ್ಚರ್ಸ್ ಚಾನಲ್ನಲ್ಲಿ ಮೂರು ಎಪಿಸೋಡುಗಳ ಒಂದು ವೆಬ್ ಸರಣಿಯೊಂದನ್ನು ಅವರು ಬಿಡುಗಡೆ ಮಾಡಿದ್ದಾರೆ.
ಇದನ್ನೂ ಓದಿ: ‘ಎಕ್ಸ್ಕ್ಯೂಸ್ ಮಿ ಕೇಳಿ ನನ್ನ ಲೆಕ್ಚರು …’; ‘ಜಸ್ಟ್ ಪಾಸ್’ ಚಿತ್ರಕ್ಕೆ ಶರಣ್ ಹಾಡು
‘ವೈಟ್ ಅಂಡ್ ಬ್ಲಾಕ್’ ಎಂಬ ಈ ವೆಬ್ ಸರಣಿಯು ಒಂದು ಕ್ರೈಂ ಥ್ರಿಲ್ಲರ್ ಆಗಿದ್ದು, ಅಭಿನಂದನ್ ನಿರ್ದೇಶನ ಮಾಡಿದ್ದಾರೆ. ಜೋಗೇಶ್ ಫಿಲಂಸ್ ಬ್ಯಾನರ್ನಲ್ಲಿ ಈ ವೆಬ್ ಸರಣಿ ನಿರ್ಮಾಣವಾಗಿದ್ದು, ಇದರಲ್ಲಿ ಹೊಸಬರೇ ತುಂಬಿದ್ದಾರೆ. ಅದರಲ್ಲೂ ರಂಗಭೂಮಿಯ ಸಾಕಷ್ಟು ಪ್ರತಿಭೆಗಳು ಇಲ್ಲಿವೆ. ‘ಸತ್ಯ’ ಸೀರಿಯಲ್ ಬಾಲಾ ಪಾತ್ರಧಾರಿ ಶಶಿ ರಾಜ್, ಪ್ರಿಯಾಂಕ ಪ್ರಕಾಶ್, ಚನ್ನಕೇಶವ ಜಿ, ಸವಿತ NSD ಒಳಗೊಂಡ ತಾರಾಗಣ ಈ ವೆಬ್ ಸೀರೀಸ್ನಲ್ಲಿದೆ.
ಇದನ್ನೂ ಓದಿ: ರಾಜಕೀಯದ ‘ದರ್ಬಾರ್’ನಲ್ಲಿ ವಿ. ಮನೋಹರ್; 23 ವರ್ಷಗಳ ನಂತರ ನಿರ್ದೇಶನಕ್ಕೆ …
ಈ ಹಿಂದೆ ಕೆಲವು ನಾಟಕಗಳಿಗೆ ಕಥೆ ಬರೆದು ನಿರ್ದೇಶನ ಮಾಡಿರುವ ಅಭಿನಂದನ್, ‘ಬ್ಲಾಕ್ ಅಂಡ್ ವೈಟ್’ಗೆ ತಾವೇ ಕಥೆ ಬರೆದಿದ್ದಾರೆ. ಕಮಲ್ ವಿ ಛಾಯಾಗ್ರಹಣ, ಸತ್ಯ ರಾಧಕೃಷ್ಣ ಸಂಗೀತ ನಿರ್ದೇಶನವಿರುವ ಈ ಸರಣಿಯನ್ನು ಚಿತ್ರದುರ್ಗದ ಸಿದ್ದಯ್ಯ ಜೋಗೇಶ್ ನಿರ್ಮಾಣ ಮಾಡಿದ್ದಾರೆ.