ಮುಂಬೈ: ಅತ್ಯಂತ ಜನಪ್ರಿಯ ಗಾಯಕಿ ಬಿಲ್ಲಿ ಎಲಿಶ್ ಅವರು ‘ಬಾರ್ಬಿ’ ಚಿತ್ರದ ‘ವಾಟ್ ವಾಸ್ ಐ ಮೇಡ್ ಫಾರ್’ ಗೀತೆಗೆ ಆಸ್ಕರ್ 2024ರ ಒರಿಜಿನಲ್ ಸಾಂಗ್ ವಿಭಾಗದಲ್ಲಿ ಪ್ರಶಸ್ತಿಯನ್ನು ಗೆದ್ದಿದ್ದಾರೆ. 22 ವರ್ಷದ ಬಿಲ್ಲಿ ಎಲಿಶ್ ಎರಡನೇ ಬಾರಿಗೆ ಆಸ್ಕರ್ ಪ್ರಶಸ್ತಿಯನ್ನು ಗೆಲ್ಲುವ ಮೂಲಕ ಹೊಸ ಇತಿಹಾಸವನ್ನು ಸೃಷ್ಟಿಸಿದ್ದಾರೆ. ಜತೆಗೆ 87 ವರ್ಷಗಳ ಹಳೆಯ ದಾಖಲೆಯನ್ನು ಮುರಿದು ಎರಡು ಬಾರಿ ಆಸ್ಕರ್ ವಿಜೇತರಾದ ಅತ್ಯಂತ ಕಿರಿಯ ಗಾಯಕಿಯಾಗಿದ್ದಾರೆ.
ಬಿಲ್ಲಿ ಜೊತೆಗೆ, ಗಾಯಕ ಫಿನೇಸ್ ಅವರು ‘ಬಾರ್ಬಿ’ ಚಿತ್ರದ ‘ವಾಟ್ ವಾಸ್ ಐ ಮೇಡ್ ಫಾರ್’ ಮೂಲ ಗೀತೆಗಾಗಿ ಪ್ರಶಸ್ತಿಯನ್ನು ಸ್ವೀಕರಿಸಿದ್ದಾರೆ.
22 ನೇ ವಯಸ್ಸಿನಲ್ಲಿ ಎರಡನೇ ಬಾರಿಗೆ ಆಸ್ಕರ್ ಪ್ರಶಸ್ತಿಯನ್ನು ಗೆಲ್ಲುವ ಮೂಲಕ ಬಿಲ್ಲಿ ಎಲಿಶ್ 87 ವರ್ಷಗಳ ಹಳೆಯ ದಾಖಲೆಯನ್ನು ಮುರಿದಿದ್ದಾರೆ. ಬಿಲ್ಲಿ ಎಲಿಶ್ ಪ್ರಶಸ್ತಿ ಸ್ವೀಕರಿಸಲು ವೇದಿಕೆಗೆ ಬಂದಾಗ ಆಕೆ ಭಾವುಕಳಾದಳು. ವೇದಿಕೆಯ ಮೇಲೆ ಮೈಕ್ ಹಿಡಿದ ಗಾಯಕಿ ಬಿಲ್ಲಿ, ‘ನಾನು ತುಂಬಾ ಅದೃಷ್ಟವಂತೆ ಮತ್ತು ನನ್ನ ಶ್ರಮಕ್ಕೆ ಇಷ್ಟು ಒಳ್ಳೆಯ ಫಲಿತಾಂಶ ಸಿಕ್ಕಿದ್ದಕ್ಕೆ ತುಂಬಾ ಸಂತೋಷವಾಗಿದೆ. ನನಗೆ ತುಂಬಾ ಪ್ರೀತಿಯನ್ನು ನೀಡಿದ್ದಕ್ಕಾಗಿ ಮತ್ತು ‘ಬಾರ್ಬಿ’ ಚಿತ್ರದ ‘ವಾಸ್ ಐ ಮೇಡ್ ಫಾರ್’ ಹಾಡನ್ನು ಇಷ್ಟಪಟ್ಟಿದ್ದಕ್ಕಾಗಿ ಎಲ್ಲರಿಗೂ ಧನ್ಯವಾದಗಳು’ ಎಂದು ಹೇಳಿದರು.
Billie Eilish breaks an 87-year-old record for youngest person in history to win two Oscars. #Oscars pic.twitter.com/sD3VSo8EAN
— Pop Base (@PopBase) March 11, 2024
ಆಸ್ಕರ್ 2024 ರ ಅನೇಕ ವಿಡಿಯೋಗಳು ಮತ್ತು ಫೋಟೋಗಳು ಸಾಮಾಜಿಕ ಮಾಧ್ಯಮದಲ್ಲಿ ಹೆಚ್ಚು ವೈರಲ್ ಆಗುತ್ತಿವೆ, ಇದರಲ್ಲಿ ಬಿಲ್ಲಿ ಎಲಿಶ್ ತನ್ನ ಸೋದರಸಂಬಂಧಿ ಫಿನೇಸ್ ಅವರೊಂದಿಗೆ ‘ಬಾರ್ಬಿಯ ‘ವಾಟ್ ವಾಸ್ ಐ ಮೇಡ್ ಫಾರ್’ ಮೂಲ ಹಾಡಿಗಾಗಿ ಪ್ರಶಸ್ತಿಯನ್ನು ಸ್ವೀಕರಿಸುತ್ತಿರುವುದನ್ನು ಕಾಣಬಹುದು. ಡೇನಿಯಲ್ ಕ್ರೇಗ್ ನಟಿಸಿದ ‘ಜೇಮ್ಸ್ ಬಾಂಡ್’ ಚಿತ್ರದಲ್ಲಿ ‘ನೋ ಟೈಮ್ ಟು ಡೈ’ ಗಾಗಿ ಬಿಲ್ಲಿ ಎಲಿಶ್ ಅವರು 2021 ರಲ್ಲಿ ಅತ್ಯುತ್ತಮ ಮೂಲ ಗೀತೆಗಾಗಿ ಆಸ್ಕರ್ ಪ್ರಶಸ್ತಿಯನ್ನು ಗೆದ್ದಿದ್ದಾರೆ.
ಈ ದಾಖಲೆಯನ್ನು ಮುರಿದರು
22 ವರ್ಷದ ಬಿಲ್ಲಿ ಎಲಿಶ್ ಎರಡನೇ ಆಸ್ಕರ್ ಪ್ರಶಸ್ತಿಯನ್ನು ಗೆದ್ದು 87 ವರ್ಷ ಹಳೆಯ ದಾಖಲೆಯನ್ನು ಮುರಿದರು. ಇದರೊಂದಿಗೆ, ಬಿಲ್ಲಿ 22 ನೇ ವಯಸ್ಸಿನಲ್ಲಿ ಎರಡು ಬಾರಿ ಆಸ್ಕರ್ ಪ್ರಶಸ್ತಿ ಪಡೆದ ಕಿರಿಯ ಗಾಯಕಿ ಎಂಬ ಇತಿಹಾಸವನ್ನು ಸೃಷ್ಟಿಸಿದರು ಮತ್ತು 28 ನೇ ವಯಸ್ಸಿನಲ್ಲಿ ಎರಡು ಆಸ್ಕರ್ ಪ್ರಶಸ್ತಿಯನ್ನು ಗೆದ್ದ ಲೂಯಿಸ್ ರೈನರ್ ಅವರ ದಾಖಲೆಯನ್ನು ಮುರಿದರು. ಅಂದಹಾಗೆ ಈ ಹಾಡು 633 ಮಿಲಿಯನ್‌ಗೂ ಹೆಚ್ಚು ವೀಕ್ಷಣೆಗಳನ್ನು ಪಡೆದಿದೆ.
ಲೋಕಸಭಾ ಚುನಾವಣೆ: ಅರುಣ್ ಗೋಯಲ್ ರಾಜೀನಾಮೆ ಬೆನ್ನಲ್ಲೇ ಕೇಳಿಬಂತು ಹೀಗೊಂದು ಸುದ್ದಿ