ಸೈಲೆಟ್: ವೇಗಿಗಳಾದ ರೇಣುಕಾ ಸಿಂಗ್ (18ಕ್ಕೆ 3) ಮತ್ತು ಪೂಜಾ ವಸ್ತ್ರಾಕರ್ (25ಕ್ಕೆ 2) ಬಿಗಿ ದಾಳಿಯ ನೆರವಿನಿಂದ ಭಾರತ ತಂಡ ಮಹಿಳೆಯರ ಟಿ20 ಸರಣಿಯ ಮೊದಲ ಪಂದ್ಯದಲ್ಲಿ ಆತಿಥೇಯ ಬಾಂಗ್ಲಾದೇಶ ವಿರುದ್ಧ 44 ರನ್ಗಳಿಂದ ಸುಲಭ ಗೆಲುವು ದಾಖಲಿಸಿದೆ. ಈ ಮೂಲಕ 5 ಪಂದ್ಯಗಳ ಸರಣಿಯಲ್ಲಿ 1&0 ಮುನ್ನಡೆ ಸಾಧಿಸಿದೆ.
ಭಾನುವಾರ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ಗೆ ಇಳಿದ ಭಾರತ ಶೆಫಾಲಿ ವರ್ಮ (31), ಯಸ್ತಿಕಾ ಭಾಟಿಯಾ (36), ನಾಯಕಿ ಹರ್ಮಾನ್ಪ್ರೀತ್ ಕೌರ್ (30) ಉಪಯುಕ್ತ ಕೊಡುಗೆಯಿಂದ 7 ವಿಕೆಟ್ಗೆ 145 ರನ್ ಪೇರಿಸಿತು. ಪ್ರತಿಯಾಗಿ ಬಾಂಗ್ಲಾ 8 ವಿಕೆಟ್ಗೆ 101 ರನ್ ಗಳಿಸಲಷ್ಟೇ ಶಕ್ತವಾಯಿತು. ಸರಣಿಯ 2ನೇ ಪಂದ್ಯ ಮಂಗಳವಾರ ನಡೆಯಲಿದೆ.
ಭಾರತ ಪರ ಸಜೀವನ್ ಸಜನಾ ಟಿ20 ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದರು.
ಭಾರತ: 7 ವಿಕೆಟ್ಗೆ 145 (ಸ್ಮೃತಿ 9, ಶೆಫಾಲಿ 31, ಯಸ್ತಿಕಾ 36, ಹರ್ಮಾನ್ಪ್ರೀತ್ 30, ರಿಚಾ 23, ಸಜೀವನ್ 11, ಅಕ್ತೆರ್ 13ಕ್ಕೆ 2, ರಬೆಯಾ 23ಕ್ಕೆ 3), ಬಾಂಗ್ಲಾದೇಶ: 8 ವಿಕೆಟ್ಗೆ 101 (ನಿಗರ್ ಸುಲ್ತಾನ 51, ಅಕ್ತೆರ್ 11, ರೇಣುಕಾ ಸಿಂಗ್ 18ಕ್ಕೆ 3, ಪೂಜಾ 25ಕ್ಕೆ 2, ಶ್ರೇಯಾಂಕಾ 24ಕ್ಕೆ 1). ಪಂದ್ಯಶ್ರೇಷ್ಠ: ರೇಣುಕಾ ಸಿಂಗ್.
ಏಷ್ಯನ್ ಕಿರಿಯರ ಅಥ್ಲೆಟಿಕ್ಸ್ನಲ್ಲಿ ರಾಜ್ಯದ ಉನ್ನತಿ, ನಿಯೋಲ್ಗೆ ಕಂಚಿನ ಪದಕ