ವಿದೇಶಿ ಪ್ರಾಜೆಕ್ಟ್ ಕಾಮಗಾರಿಗೆ ಭಾರತೀಯ ಕಂಪನಿಗಳ ಬಿಡ್ಡಿಂಗ್​: ಕಲ್ಪತರು ಪವರ್​ ಷೇರುಗಳಿಗೆ ಭರ್ಜರಿ ಬೇಡಿಕೆ, ಬೆಲೆ ಏರಿಕೆ

ಮುಂಬೈ: ಸೌದಿ ಅರಾಮ್ಕೊದ ಮಾಸ್ಟರ್ ಗ್ಯಾಸ್ ಸಿಸ್ಟಮ್ ಪ್ರಾಜೆಕ್ಟ್‌ ಕಾಮಗಾರಿ ಪಡೆದುಕೊಳ್ಳುವುದಕ್ಕಾಗಿ ಎರಡು ದೊಡ್ಡ ಭಾರತೀಯ ಕಂಪನಿಗಳು ಕಡಿಮೆ ಬಿಡ್ ಮಾಡಿವೆ. ಕಲ್ಪತರು ಪವರ್ ಮತ್ತು ಲಾರ್ಸೆನ್ & ಟೂಬ್ರೊ ಲಿಮಿಟೆಡ್ ಅಂದರೆ L&T ಈ ಎರಡು ಕಂಪನಿಗಳಾಗಿವೆ.

ಮಿಡಲ್ ಈಸ್ಟ್ ಬಿಸಿನೆಸ್ ಇಂಟೆಲಿಜೆನ್ಸ್‌ನ ವರದಿಯ ಪ್ರಕಾರ, 10 ಶತಕೋಟಿ ಡಾಲರ್​ನ MGS-3 ಯೋಜನೆಗೆ ಆಯ್ಕೆಯಾದ 10 ಕಂಪನಿಗಳಲ್ಲಿ L&T ಮತ್ತು ಕಲ್ಪತರು ಪವರ್ ಸೇರಿವೆ. ಮೂರು ಪ್ಯಾಕೇಜ್‌ಗಳಿಗೆ ಕಲ್ಪತರು ಅತ್ಯಂತ ಕಡಿಮೆ ಬಿಡ್‌ದಾರರಾಗಿ ಹೊರಹೊಮ್ಮಿದೆ. ಇದೇ L&T ಕೂಡ ಒಂದು ಪ್ಯಾಕೇಜ್​ನಲ್ಲಿ ಅತ್ಯಂತ ಕಡಿಮೆ ಬಿಡ್‌ದಾರನಾಗಿದೆ.

ಈ ಸುದ್ದಿ ಹರಡುತ್ತಿದ್ದಂತೆಯೇ ಹೂಡಿಕೆದಾರರು ಕಲ್ಪತರು ಪ್ರಾಜೆಕ್ಟ್ ಇಂಟರ್‌ನ್ಯಾಶನಲ್ ಲಿಮಿಟೆಡ್‌ನ ಷೇರುಗಳನ್ನು ಖರೀದಿಸಲು ಮುಗಿಬಿದ್ದರು. ವಾರದ ಕೊನೆಯ ವಹಿವಾಟಿನ ದಿನವಾದ ಶುಕ್ರವಾರದಂದು, ಕಲ್ಪತರು ಪ್ರಾಜೆಕ್ಟ್ ಇಂಟರ್ನ್ಯಾಷನಲ್ ಷೇರುಗಳ ಬೆಲೆ ಅಂದಾಜು 7 ಪ್ರತಿಶತದಷ್ಟು ಏರಿಕೆಯಾಗಿ 1024.65 ರೂ. ತಲುಪಿತು. ಇದರೊಂದಿಗೆ ಸ್ಟಾಕ್ ತನ್ನ ಹೊಸ 52 ವಾರಗಳ ಗರಿಷ್ಠ ಮಟ್ಟವನ್ನು ತಲುಪಿತು.

ಮೇ 2023ರಲ್ಲಿ ಈ ಷೇರು ಬೆಲೆ ರೂ 485 ಆಗಿತ್ತು, ಅಲ್ಲಿಂದ ಇದುವರೆಗೆ ಈ ಷೇರಿನಲ್ಲಿ ಹೂಡಿಕೆ ಮಾಡಿದವರು 9 ತಿಂಗಳಿಗಿಂತ ಕಡಿಮೆ ಅವಧಿಯಲ್ಲಿ ಡಬಲ್ ರಿಟರ್ನ್‌ಗಳನ್ನು ಪಡೆದಿದ್ದಾರೆ.

ಏತನ್ಮಧ್ಯೆ, ಎಲ್ & ಟಿ ಷೇರುಗಳು ಸಹ ಶುಕ್ರವಾರ ಏರುಗತಿ ಪ್ರವೃತ್ತಿಯಲ್ಲಿ ಕಾಣಿಸಿಕೊಂಡವು. ವಿಶ್ವದ ಅತಿದೊಡ್ಡ ತೈಲ ಕಂಪನಿ ಸೌದಿ ಅರಾಮ್ಕೊ, ನೆಸ್ಫಾನಿಯಾ ಆಯಿಲ್‌ಫೀಲ್ಡ್ ಯೋಜನೆಗಳಿಗಾಗಿ 10 ಶತಕೋಟಿ ಡಾಲರ್​ಗಿಂತ ಹೆಚ್ಚಿನ ಮೌಲ್ಯದ ಆರ್ಡರ್‌ಗಳಿಗಾಗಿ ಬಿಡ್ಡಿಂಗ್ ಪ್ರಕ್ರಿಯೆಯನ್ನು ಮುಂದೂಡಿದೆ ಎಂಬ ಸುದ್ದಿಯ ನಂತರ, ಎಲ್​ ಆ್ಯಂಡ್​ ಟಿ ಷೇರುಗಳಲ್ಲಿ ದೊಡ್ಡ ಕುಸಿತ ಕಂಡುಬಂದಿತ್ತು.

https://www.vijayavani.net/upper-circuit-hit-after-bonus-share-issue-stock-split-here-is-the-reason-why-demand-for-pharma-company-shares-will-continue

https://www.vijayavani.net/mukesh-ambani-owned-jio-finance-reliance-industries-share-price-hit-all-time-highs-investors-to-profit-more-experts-say

https://www.vijayavani.net/it-stock-that-gave-investors-339-return-in-one-year-as-soon-as-the-order-of-the-american-company-is-received-now-the-buying-of-shares-is-strong