ನವದೆಹಲಿ : ಕರೊನಾದಿಂದಾಗಿ ಲಕ್ಷಾಂತರ ಜನ ನರಳುತ್ತಿರುವ ಈ ಸಮಯದಲ್ಲಿ ಜನರ ಪ್ರಾಣಕ್ಕೂ ಲೆಕ್ಕಿಸದೆ ದುಡ್ಡು ಸಂಪಾದಿಸುವ ಇರಾದೆ ಹೊಂದಿರುವವರಿಗೂ ಕೊರತೆಯಿಲ್ಲ. ಇದಕ್ಕೆ ನಕಲಿ ಔಷಧಗಳನ್ನು ತಯಾರಿಸಿ ಮಾರಾಟ ಮಾಡುತ್ತಿರುವ ದುಷ್ಕರ್ಮಿಗಳೇ ನಿದರ್ಶನ. ಇಂತಹ ಖದೀಮರ ಕೈಗೊಂಬೆಯಾಗದಂತೆ ದೆಹಲಿ ಪೊಲೀಸರು ನಾಗರೀಕರಿಗೆ ಎಚ್ಚರಿಕೆ ನೀಡಿದ್ದಾರೆ.
ಕರೊನಾ ಸೋಂಕಿತರಲ್ಲಿ ವೈರಲ್ ಲೋಡ್ ಕಡಿಮೆ ಮಾಡಲು ಉಪಯೋಗಿಸುವ ಆ್ಯಂಟಿವೈರಲ್ ರೆಮ್ಡೆಸಿವಿರ್ನ ನಕಲಿ ಇಂಜೆಕ್ಷನ್ಗಳ ಮಾರಾಟವೂ ನಡೆಯುತ್ತಿದೆ ಎನ್ನಲಾಗಿದೆ. ಈ ಹಿನ್ನೆಲೆಯಲ್ಲಿ ಮಾರುಕಟ್ಟೆಯಿಂದ ಈ ಔಷಧಿ ಕೊಳ್ಳುವ ಮೊದಲು ಜನರು ಎಚ್ಚರಿಕೆ ವಹಿಸಬೇಕೆಂದು ದೆಹಲಿ ಪೊಲೀಸ್ ಅಪರಾಧ ವಿಭಾಗದ ಡಿಸಿಪಿ ಮೋನಿಕಾ ಭರದ್ವಾಜ್ ಟ್ವೀಟ್ ಮಾಡಿದ್ದಾರೆ.
Attention!!
Lookout for these details before buying Remdesivir from the market. pic.twitter.com/A2a3qx5GcA— Monika Bhardwaj (@manabhardwaj) April 26, 2021
ರೆಮ್ಡೆಸಿವಿರ್ನ ಒಂದು ಬ್ರ್ಯಾಂಡ್ ಆದ ಕೋವಿಫಾರ್ ಎಂಬ ಇಂಜೆಕ್ಷನ್ನ ಉದಾಹರಣೆ ನೀಡಿ ನಕಲಿ ಔಷಧದ ಗುರುತು ಹಚ್ಚುವ ಬಗ್ಗೆ ಭರದ್ವಾಜ್ ಮಾಹಿತಿ ನೀಡಿದ್ದಾರೆ. ವೈದ್ಯರ ಸಲಹೆ ಮೇರೆಗೆ ಪಡೆಯಬೇಕಾದ ಈ ಔಷಧಿಯ ಅಸಲಿ ಪ್ಯಾಕ್ ಮೇಲೆ ಆರ್ಎಕ್ಸ್ ಎಂದು ಬರೆದಿರುತ್ತದೆ. ಆದರೆ ನಕಲಿ ಪ್ಯಾಕ್ನಲ್ಲಿ ಅದು ಇಲ್ಲ ಮತ್ತು ಪ್ರಿಂಟ್ನಲ್ಲಿ ಕೆಲವು ವ್ಯತ್ಯಾಸಗಳಿರುತ್ತವೆ ಎಂದು ತಿಳಿಸಿದ್ದಾರೆ.
VIDEO | ನಕಲಿ ರೆಮ್ಡೆಸಿವಿರ್ ತಯಾರಿಸುತ್ತಿದ್ದ ಫ್ಯಾಕ್ಟರಿ! 2000 ಜನರನ್ನು ವಂಚಿಸಿರುವ ಖದೀಮರು !