ಬೆಂಗಳೂರು: ಆರನೇ ವೇತನ ಆಯೋಗ ಸೇರಿದಂತೆ ವಿವಿಧ ಬೇಡಿಕೆಗಳ ಈಡೇರಿಕೆಗೆ ಒತ್ತಾಯಿಸಿ ಸರ್ಕಾರಿ ಸಾರಿಗೆ ನೌಕರರು ರಾಜ್ಯಾದ್ಯಂತ ಮುಷ್ಕರ ನಡೆಸುತ್ತಿದ್ದು, ಬಸ್ ನಿಲ್ದಾಣಗಳು ಬಿಕೋ ಎನ್ನುತ್ತಿವೆ. ಅದರಲ್ಲೂ ಸದಾ ಪ್ರಯಾಣಿಕರಿಂದ ಗಿಜುಗುಡುತ್ತಿದ್ದ ಮೆಜಿಸ್ಟಿಕ್ ಹಾಗೂ ಕೆಂಪೇಗೌಡ ಬಸ್ ನಿಲ್ದಾಣದ ಸಂಪೂರ್ಣ ಸ್ತಬ್ಧವಾಗಿದೆ.
ಒಂದೇ ಒಂದು ಬಸ್ ಇಲ್ಲದೆ ಮೆಜಿಸ್ಟಿಕ್ ಖಾಲಿ ಖಾಲಿಯಾಗಿ ಕಾಣುತ್ತಿದೆ. ಸಾಮಾನ್ಯ ದಿನಗಳಲ್ಲಿ ಮೆಜೆಸ್ಟಿಕ್ನಲ್ಲಿ ಜನರು ಕಿಕ್ಕಿರಿದು ಸೇರುತ್ತಿದ್ದರು. ಇಂದು ಪ್ರತಿಭಟನೆ ಎಂದು ಮೊದಲೇ ತಿಳಿದ ಜನರು ಇತ್ತ ಸುಳಿದಿಲ್ಲ. ಇನ್ನು ಕೆಲವರು ಮೆಜೆಸ್ಟಿಕ್ ಆಗಮಿದ್ದು, ಬಸ್ ಇಲ್ಲದೇ ಪರದಾಡುತ್ತಿದ್ದಾರೆ.
ಇದನ್ನೂ ಓದಿರಿ: ಸಾರಿಗೆ ನೌಕರರ ಪ್ರತಿಭಟನೆ ನಡುವೆಯೇ ಹೃದಯಾಘಾತದಿಂದ ಪ್ರಯಾಣಿಕ ಸಾವು
ಬಸ್ ನಿಲ್ದಾಣದ ನಡುವಿನ ರಸ್ತೆಯಲ್ಲಿ ಆಟೋಗಳು ಸಾಲು ಸಾಲಾಗಿ ನಿಂತಿವೆ. ಒಂದಿಷ್ಟು ಖಾಸಗಿ ಬಸ್ಗಳು ಸಹ ಓಡಾಡುತ್ತಿವೆ. ನಗರ ಸಂಚಾರ ಬಹುತೇಕ ಸ್ತಬ್ಧ ಆಗಿರುವುದರಿಂದ ಮೆಟ್ರೋ ರೈಲು ಪ್ರಯಾಣಕ್ಕೆ ಜನರು ಕ್ಯೂ ನಿಂತಿದ್ದಾರೆ. ದೂರದ ಊರುಗಳಿಗೆ ತೆರಳಬೇಕಿರುವ ಜನರು ಯಾವುದಾದರೂ ವಾಹನ ಬರಬಹುದೇನೋ ಎಂಬ ನಿರೀಕ್ಷೆಯಲ್ಲೇ ಬಸ್ ನಿಲ್ದಾಣದಲ್ಲಿ ಕಾದು ಕುಳಿತಿದ್ದು, ಒಟ್ಟಾರೆ ಮೆಜೆಸ್ಟಿಕ್ ನಿಲ್ದಾಣದ ಇಂದಿನ ಸ್ಥಿತಿಯನ್ನು ಈ ಕೆಳಗಿನ ಫೋಟೋಗಳಲ್ಲಿ ಕಾಣಬಹುದಾಗಿದೆ.
