ಲಖನೌ: ಎಲ್ಲರನ್ನು ನಂಬಬಾರದು ಎನ್ನುತ್ತಾರೆ. ಅದರಲ್ಲೂ ಆನ್ಲೈನ್ನಲ್ಲಿ ಪರಿಚಯವಾಗುವವರನ್ನು ನಂಬುವಾಗಲಂತೂ ಸಾಕಷ್ಟು ಬಾರಿ ಯೋಚಿಸಬೇಕಾಗುತ್ತದೆ. ಅದೇ ರೀತಿ ಇಲ್ಲೊಬ್ಬ ಡೋಂಗಿ ಬಾಬಾ, ಆನ್ಲೈನ್ ಪರಿಚಯಗಳಿಂದಲೇ ಬರೋಬ್ಬರಿ ಐದು ಮದುವೆಯಾಗಿದ್ದು, 32 ಯುವತಿಯರೊಂದಿಗೆ ಚಾಟಿಂಗ್ ಮಾಡಿರುವ ಘಟನೆ ನಡೆದಿದೆ. ಆತ ತನ್ನ ಅತ್ತಿಗೆಯ ಮೇಲೇ ರೇಪ್ ಮಾಡಿದ್ದ ಎನ್ನುವುದೂ ಇದೀಗ ಬಯಲಿಗೆ ಬಂದಿದೆ.
ಉತ್ತರ ಪ್ರದೇಶದ ಕಾನ್ಪುರದಲ್ಲಿ ಇಂತದ್ದೊಂದು ಘಟನೆ ನಡೆದಿದೆ. ಶಾದಿ ಡಾಟ್ ಕಾಂನಲ್ಲಿ ಲಕ್ಕಿ ಪಾಂಡೆ ಎನ್ನುವ ಹೆಸರಿಟ್ಟುಕೊಂಡಿದ್ದ ವ್ಯಕ್ತಿಯೊಬ್ಬ ಹೆಣ್ಣು ಮಕ್ಕಳೊಂದಿಗೆ ಕನೆಕ್ಟ್ ಆಗುತ್ತಿದ್ದ. ಕೇವಲ 8ನೇ ತರಗತಿವರೆಗೆ ಓದಿದ್ದ ಆತ ಆನ್ಲೈನ್ನಲ್ಲಿ ತಾನೊಬ್ಬ ಬಿಎಸ್ಸಿ ಗ್ರಾಜುಯೇಟ್, ಶಿಕ್ಷಕ ಎಂದೆಲ್ಲ ಹೇಳಿಕೊಳ್ಳುತ್ತಿದ್ದ. ಯುವತಿಯರನ್ನು ಬಲೆಗೆ ಬೀಳಿಸಿಕೊಂಡು ಇದುವರೆಗೆ ಐದು ಮದುವೆಯಾಗಿದ್ದಾನೆ. ಐದನೇ ಹೆಂಡತಿ ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದರಿಂದಾಗಿ ಆತನ ನಿಜಾಂಶ ಹೊರಬಿದ್ದಿದೆ.
ಈ ಲಕ್ಕಿ ಪಾಂಡೆಯ ನಿಜವಾದ ಹೆಸರು ಅನುಜ್ ಚೇತನ್ ಕ್ಯಾಥೇರಿಯಾ. ಈತ 2016ರಲ್ಲಿ ತನ್ನ ಅತ್ತಿಗೆಯನ್ನೇ ರೇಪ್ ಮಾಡಿ ಅರೆಸ್ಟ್ ಆಗಿದ್ದ. ಸದ್ಯ ಮಾ ಕಾಮಾಖ್ಯಾ ಬಂಜಾರೆ ಬಾಬಾ ಕಲ್ಯಾಣ್ ಸೇವಾ ಟ್ರಸ್ಟ್ ಹೆಸರಿನ ಟ್ರಸ್ಟ್ ನಡೆಸುತ್ತಿದ್ದ ಆತ ಅಲ್ಲಿಗೆ ಬರುತ್ತಿದ್ದ ಅಮಾಯಕ ಹೆಣ್ಣು ಮಕ್ಕಳನ್ನೂ ಬುಟ್ಟಿಗೆ ಹಾಕಿಕೊಳ್ಳುತ್ತಿದ್ದ. 2005ರಲ್ಲಿ ಮೊದಲನೇ, 2010ರಲ್ಲಿ ಎರಡನೇ ಹಾಗೂ 2014ರಲ್ಲಿ ಮೂರನೇ ಮದುವೆಯಾಗಿದ್ದ. ಅದಾದ ನಂತರ ಮೂರನೇ ಹೆಂಡತಿಯ ಕಸಿನ್ ಅನ್ನೇ ಮದುವೆಯಾಗಿದ್ದ. ಈತನ ನಿಜ ವಿಚಾರ ಗೊತ್ತಾದ ನಂತರ ಆಕೆಯೂ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ. ಅದಾದ ನಂತರ ಮತ್ತೊಂದು ಮದುವೆಯಾಗಿದ್ದಾನೆ. ಆ ಹೆಂಡತಿಗೆ ಆತ ಕಿರುಕುಳ ನೀಡಿದ ಹಿನ್ನೆಲೆಯಲ್ಲಿ ಆಕೆ ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದಾಳೆ. ಅನುಜ್ ಆರನೇ ಮದುವೆಯಾಗಲು ತಯಾರಿ ನಡೆಸುತ್ತಿದ್ದದ್ದೂ ಇದೀಗ ತಿಳಿದುಬಂದಿದೆ.
ಶಾದಿ ಡಾಟ್ ಕಾಮ್ನಲ್ಲಿ ಈ ಲಕ್ಕಿ ಪಾಂಡೆ ಬರೋಬ್ಬರಿ 32 ಯುವತಿಯರೊಂದಿಗೆ ಸಂಪರ್ಕದಲ್ಲಿದ್ದ ಎನ್ನುವುದು ತಿಳಿದುಬಂದಿದೆ. ಅವರೆಲ್ಲರ ಮಾಹಿತಿ ಕಲೆ ಹಾಕಿರುವ ಪೊಲೀಸರು ಈತನ ಬಗ್ಗೆ ಅವರಿಗೆ ಮಾಹಿತಿ ನೀಡಿದ್ದಾರೆ. ಸದ್ಯ ಆರೋಪಿ ಪೊಲೀಸರ ವಶದಲ್ಲಿದ್ದಾನೆ. (ಏಜೆನ್ಸೀಸ್)
ಕೋವಿಶೀಲ್ಡ್ ಕೊಟ್ಟ 5 ನಿಮಿಷಗಳೊಳಗೆ ಕೊವ್ಯಾಕ್ಸಿನ್! ಇಬ್ಬರು ನರ್ಸ್ಗಳು ಸೇರಿ ಮಾಡಿದ ಅವಾಂತರ…
ಗಂಡನೊಂದಿಗೆ ಫೋನ್ನಲ್ಲಿ ಮಾತನಾಡುತ್ತಾ ಹೊರಹೋದವಳು ದೂರದ ರೈಲ್ವೆ ಹಳಿ ಬಳಿ ಮಾಂಸವಾಗಿ ಪತ್ತೆ!
ಗಂಡ ಗಂಡಸಲ್ಲ ಎಂದು ಹನಿಮೂನ್ನಲ್ಲಿ ಗೊತ್ತಾಯ್ತು! ಇದೀಗ ಗಂಡನ ಸ್ತ್ರೀ ರೂಪವನ್ನೇ ಮದುವೆಯಾಗಲು ಮುಂದಾದ ಹೆಂಡತಿ