ಮುಂಬೈ: ಪರೀಕ್ಷೆ ಎಂದರೆ ಟೆನ್ಶನ್. ಪರೀಕ್ಷೆಯ ದಿನ ಹತ್ತಿರ ಬರುತ್ತಿದ್ದಂತೆ ರಾತ್ರಿಯೆಲ್ಲ ನಿದ್ರೆ ಬಿಟ್ಟು ಓದುತ್ತಾರೆ ವಿದ್ಯಾರ್ಥಿಗಳು. ಆದರೆ ಬಾಲಿವುಡ್ನ ಪ್ರಸಿದ್ಧ ನಟನೊಬ್ಬ ತಮ್ಮ ಬೋರ್ಡ್ ಪರೀಕ್ಷೆಯ ಸಮಯದಲ್ಲಿ ಓದುವುದನ್ನು ಬಿಟ್ಟು ಮಧ್ಯ ರಾತ್ರಿಯಲ್ಲಿ ತನ್ನ ಸ್ನೇಹಿತೆಗೆ ಪ್ರಪೋಸ್ ಮಾಡಿದ್ದರಂತೆ.
ನಟ ಆಯುಷ್ಮಾನ್ ಖುರಾನಾ ದಂಪತಿ ಯಾರಿಗೆ ತಾನೆ ಗೊತ್ತಿಲ್ಲ ಹೇಳಿ. ಹಿರಿ ತೆರೆ ಮೇಲೆ ಮಿಂಚುತ್ತಿರುವ ಆಯುಷ್ಮಾನ್ ಬಾಲ್ಯದ ಗೆಳತಿಯೊಂದಿಗೆ ಲವ್ ಮಾಡಿ ಮದುವೆಯಾದವರು. ಪತ್ನಿ ತಹೀರಾ ಕಶ್ಯಪ್ ಶಾರ್ಟ್ ಸಿನಿಮಾಗಳ ನಿರ್ದೇಶನದಲ್ಲಿ ತೊಡಗಿಸಿಕೊಂಡಿದ್ದು ಅದಕ್ಕೆ ನಟ ಬೆನ್ನೆಲುಬಾಗಿ ನಿಂತಿದ್ದಾರೆ. ಈ ಸೂಪರ್ ದಂಪತಿಯ ಲವ್ ಪ್ರಪೋಸಲ್ ಸ್ಟೋರಿಯನ್ನು ನಟ ಬಿಚ್ಚಿಟ್ಟಿದ್ದಾರೆ.
ಆಯುಷ್ಮಾನ್ ಮತ್ತು ತಹೀರಾ 2001ರಲ್ಲಿ ತಮ್ಮ ಬೋರ್ಡ್ ಎಕ್ಸಾಂಗೆ ತಯಾರಾಗುತ್ತಿದ್ದ ಸಮಯದಲ್ಲಿ ಆಯುಷ್ಮಾನ್ ತಹೀರಾಗೆ ತನ್ನ ಪ್ರೀತಿಯನ್ನು ಹೇಳಿಕೊಂಡಿದ್ದರಂತೆ. ರಾತ್ರಿ 1.48ಕ್ಕೆ ತಹೀರಾಗೆ ಕರೆ ಮಾಡಿ ನಾನು ನಿನ್ನ ಪ್ರೀತಿಸುತ್ತೇನೆ ಎನ್ನುವ ವಿಚಾರವನ್ನು ಹೇಳಿಕೊಂಡಿದ್ದರಂತೆ. ಅಂದು ಶುರುವಾದ ಪ್ರೀತಿ 2008ರಲ್ಲಿ ಮದುವೆಯಾಗಿ ದಾಂಪತ್ಯಕ್ಕೆ ತಿರುಗಿದೆ.
14 ವರ್ಷದ ಲವ್ ಆ್ಯನಿವರ್ಸರಿ ಆಚರಿಸಿಕೊಳ್ಳುತ್ತಿರುವ ಈ ಜೋಡಿಗೆ ವಿರಾಜವೀರ್ ಹೆಸರಿನ ಮಗ ಮತ್ತು ವರುಷ್ಕಾ ಹೆಸರಿನ ಮಗಳಿದ್ದಾಳೆ. (ಏಜೆನ್ಸೀಸ್)