ಲಾಕ್ಡೌನ್ನಿಂದ ಬಾಲಿವುಡ್ ಸ್ಟಾರ್ಗಳೆಲ್ಲಾ ಮನೆಯಲ್ಲೇ ಠಿಕಾಣಿ ಹೂಡಿದ್ದು, ಒಬ್ಬರನ್ನೊಬ್ಬರು ಮೀಟ್ ಮಾಡದೆ ಬಹಳ ಸಮಯವಾಗಿದೆ. ಆದರೂ ಕೆಲವರು ವಿಡಿಯೋ ಕಾಲ್ ಮೂಲಕವೋ, ಇನ್ಸ್ಟಾಗ್ರಾಂ ಲೈವ್ ಮೂಲಕವೋ ಭೇಟಿ ಮಾಡಿ ಮಾತಾಡುತ್ತಿರುತ್ತಾರೆ.
ಇದನ್ನೂ ಓದಿ: ರಕ್ಷಿತ್ ಶೆಟ್ಟಿ ಸಿಂಪಲ್ ಹುಟ್ಟುಹಬ್ಬ … ಏನ್ ಗಿಫ್ಟ್ ಸಿಗ್ತು ಗೊತ್ತಾ?
ಇತ್ತೀಚೆಗೆ ಒಂದು ಮಜವಾದ ಪ್ರಸಂಗ ನಡೆದಿದೆ. ರಣವೀರ್ ಸಿಂಗ್ ತಮ್ಮ ಮನೆಯಲ್ಲಿ ಮಧ್ಯಾಹ್ನ ನಿದ್ದೆ ಮಾಡುತ್ತಿದ್ದಾರೆ. ಅಷ್ಟರಲ್ಲಿ ಆಯುಷ್ಮಾನ್ ಖುರಾನಾ ಕಡೆಯಿಂದ ಕರೆ ಬಂದಿದೆ. ಅದು ನೋಡಿದರೆ ಲೈವ್ ಚಾಟ್. ನಿದ್ದೆ ಮಾಡುತ್ತಿದ್ದ ರಣ್ವೀರ್ ಎದ್ದು ಕುಳಿತಿದ್ದಾರೆ. ನಿದ್ದೆ ಮಾಡುತ್ತಿದ್ದೀನಿ, ಲೈವ್ ಬೇಡ ಎಂದು ಹೇಳಿದ್ದಾರೆ. ಆದರೆ, ಆಯುಷ್ಮಾನ್ ಕೇಳಿಲ್ಲ. ಮಾತಾಡು ಎಂದು ಒತ್ತಾಯ ಮಾತಾಡಿಸಿದ್ದಾರೆ.
ಈ ಸಂದರ್ಭದಲ್ಲಿ, ರಣವೀರ್ ಅವರ ಹೊಸ ಹೇರ್ಸ್ಟೈಲ್ ಜಗಜ್ಜಾಹೀರಾಗಿಬಿಟ್ಟೆದೆ. ಈ ಮೂರು ತಿಂಗಳಲ್ಲಿ ಮನೆಯಲ್ಲೇ ಇದ್ದ ರಣವೀರ್, ಉದ್ದಗೂದಲು ಬಿಟ್ಟಿದ್ದಾರೆ. ಆದರೆ, ತಮ್ಮ ಹೊಸ ಹೇರ್ಸ್ಟೈಲ್ನ್ನು ಯಾರಿಗೂ ತೋರಿಸಿರಲಿಲ್ಲ. ಹೀಗೆ ಇದ್ದಕ್ಕಿದ್ದಂತೆ ಲೈವ್ ಬಂದ ಕಾರಣ, ಅನಿವಾರ್ಯವಾಗಿ ಅವರು ಹೇರ್ಸ್ಟೈಲ್ ತೋರಿಸುವಂತಾಗಿದೆ. ಅದಕ್ಕೆ ಪ್ರತಿಯಾಗಿ ಖುರಾನಾ ಸಹ ತಮ್ಮ ಟೋಪಿ ತೆಗೆದು, ತಮ್ಮ ಹೊಸ ಹೇರ್ಸ್ಟೈಲ್ ತೋರಿಸಿದ್ದಾರೆ.
ಇದನ್ನೂ ಓದಿ: ಭಾರತಕ್ಕೆ ಬರೋದಕ್ಕೆ ತುದಿಗಾಲಲ್ಲಿ ನಿಂತಿದ್ದಾರಂತೆ ಸನ್ನಿ …
ಹೀಗೆ ಜಾಲಿ ಮೂಡ್ನಲ್ಲಿ ಇಬ್ಬರೂ ಮಾತಾಡುತ್ತಾ, ಆಡುತ್ತಾ ಧ್ವನಿ ಜೋರಾಗಿದೆ. ಇಬ್ಬರೂ ಕೇಕೆ ಹಾಕಿ ನಗುತ್ತಾ, ಏರುಧ್ವನಿಯಾಲ್ಲಿ ಮಾತಾಡುವುದನ್ನು ಕೇಳಿಸಿಕೊಂಡ ರಣ್ವೀರ್ ಪತ್ನಿ ದೀಪಿಕಾ ಪಡುಕೋಣೆ ಅದೇನಂದರೋ ಗೊತ್ತಿಲ್ಲ. ಒಟ್ಟಿನಲ್ಲಿ ರಣವೀರ್ ಸಿಂಗ್ ಕಾಲ್ ಕಟ್ ಮಾಡುವುದಕ್ಕೆ ಮುಂದಾಗಿದ್ದಾರೆ. ಈ ಬಗ್ಗೆ ಆಯುಷ್ಮಾನ್ ಕೇಳಿದಾಗ, ಸುಮ್ನಿರೋ ನಿನ್ ಅತ್ತಿಗೆ ಬೈತಿದ್ದಾಳೆ ಎಂದು ನಕ್ಕು, ಕಾಲ್ ಕಟ್ ಮಾಡಿದ್ದಾರೆ.
ರಣವೀರ್ ಮತ್ತು ಆಯುಷ್ಮಾನ್ ಅವರ ಈ ವಿಡಿಯೋ ಚಾಟ್, ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದೆ.